प्रारम्भिक टोलीको घोषणा: सुबास र प्रदिपको पुनरागमन, हरि चौहानको इन्ट्री

Nepal Cricket Team


  • विकेटनेपाल, असार २२ 

लर्ड्स क्रिकेट मैदानमा जुलाई २९ तारिखमा हुने आयोजक मेरीलेबोन क्रिकेट क्लब (एमसिसी), नेदरल्याण्ड र नेपाल सम्मिलित टि-२० त्रिकोणात्मक शृंखला तथा नेदरल्याण्डसँग अगस्ट १ र ३ मा हुने ऐतिहासिक एकदिवसीय सिरिजको तयारिको लागि २० सदस्यीय राष्ट्रिय टिमको प्रारम्भिक टोलिको घोषणा गरिएको छ।

शुक्रबार सार्बजनिक गरिएको टिममा विकेटकिपर ब्याट्सम्यान सुबास खकुरेल र ब्याट्सम्यान प्रदीप ऐरीले लामो समयपछी पुनरागमन गरेका छन्। यस्तै अलराउण्डर हरि चौहानले पहिलोपल्ट राष्ट्रिय टोलीको बन्दसत्रको यात्रा तय गरेका छन्। तिनैजना खेलाडीले गत महिना काठमाण्डौमा सम्पन्न प्रधानमन्त्री कप क्रिकेट प्रतियोगितामा राम्रो प्रदर्शन गरेपछि यहाँसम्मको यात्रा गरेका हुन्।

अन्तर्राष्ट्रिय क्रिकेट परिषद् (आइसीसी) का प्रतिनिधि अमिनुल ईस्लाम, राष्ट्रिय टिमका कप्तान पारस खड्का र मुख्य प्रशिक्षक जगत टमाटाको तिन सदस्यीय टिमले छनौट गरेको हो। छनौट गरेको टिममा सुबास खकुरेल, प्रदीप ऐरी, हरि चौहानका साथै अनिल कुमार साह, बसन्त रेग्मी, बिनोद भण्डारी, दिपेन्द्र सिंह ऐरी, ज्ञानेन्द्र मल्ल, करन केसी, ललितसिंह भण्डारी, ललित नारायण राजबंशी, आरिफ शेख, रोहित कुमार पौडेल, सन्दिप लामिछाने, शक्ति गौचन, शरद भेसावकर, सोमपाल कामी, सुनिल धमला र सुशन भारी रहेका छन्।

सुबास खकुरेल र प्रदिप ऐरि टिममा फर्किएका छन्

यसअघि मुख्य विकेटकिपर तथा ओपनरको रुपमा टिममा रहेका दिलिप नाथले भने स्थान बनाउन सकेनन्। यस्तै मलेसियन प्रिमियर लिग खेल्न मलेसियामा यति बेला रहेका आसिफ शेख र सागर पुन पनि प्रारम्भिक टिममा छैनन्। सागर प्रधानमन्त्री कप प्रतियोगिताकै उत्कृस्ट खेलाडी चुनिएका थिए।

नेपाली टोलीले भ्रमणको लागि शनिबारदेखि बन्द प्रशिक्षण सुरु गर्ने राष्ट्रिय टोलीका व्यवस्थापक रमन शिवाकोटीले जानकारी दिएका छन्। बन्द-प्रशिक्षणपछि केहि दिनमा इंग्ल्याण्ड र नेदरल्यान्ड जाने अन्तिम १५ खेलाडीको नाम घोषणा गरिने छ।

यस्तो थियो प्रधानमन्त्री कपमा सुबास, प्रदिप र हरिको प्रदर्शन :

पछिल्लो पटक सन् २०१४ मा स्कटल्याण्ड बिरुद्ध नेपाली टोलीको प्रतिनिधित्व गरेका प्रदिप ऐरीले ४ बर्ष पछि तथा ३ बर्ष अघि २०१५ मा अन्तिम पल्ट टिममा अटाएका सुबास खकुरेलले पुनः एकपटक राष्ट्रिय टोलीको प्रारम्भिक सुचिमा स्थान बनाएका छन्। यस्तै हरि चौहानले प्रधानमन्त्री कपमा उत्कृस्ट प्रदर्शन गरेपछि पहिलोपल्ट राष्ट्रिय टिमको नजिक पुगेका छन्। उक्त प्रतियोगितामा प्रदीप ऐरीले १ शतक सहित ३१५ रन बनाउँदै उत्कृस्ट ब्याट्सम्यान बनेका थिए भने सुबास खकुरेलले पनि १ शतक सहित २०८ रन जोडेका थिए। शसस्त्र प्रहरी बलको एपीएफ क्लबका लागि खेल्ने खकुरेल र ऐरीको प्रदर्शनमा उपाधी जितेको थियो।

Hari Chauhan
Hari Chauhan

प्रतियोगितामा उदयमान खेलाडी बनेका अलराउण्डर हरि चौहानले भने अन्तर्राष्ट्रिय क्रिकेटमा पनि बिरलैमात्रामा बन्ने किर्तिमान बनाएका थिए। प्रदेश नम्बर ४ को प्रतिनिधित्व गरेका उनले प्रदेश नम्बर १ बिरुद्दको खेलमा ब्याटिंगतर्फ शतक तथा बलिंगतर्फ ह्याट्रिक सहित ४ विकेट लिएका थिए।





थप समाचार

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]

नेपालले ओमानमा चौदेशीय टि-२० सिरिज खेल्ने, आयो खेल तालिका

ओमानमा फेब्रुअरी १७ तारिख देखि सुरु हुने आईसीसी टि-२० विश्वकप ग्लोबल क्वालिफायरको तयारी स्वरूप नेपाली राष्ट्रिय क्रिकेट टिमले चार टिम […]

टि-२० विश्वकप छनोट : नेपालको पहिलो खेल ओमानसंग ( खेल तालिका सहित )

यसै वर्ष अक्टोबर १६ तारिख देखि अस्ट्रेलियामा टि-ट्वान्टी विश्वकप प्रतियोगिता आयोजना हुँदैछ। उक्त प्रतियोगितामा आयोजक अस्ट्रेलिया सहित २०२१ टि-२० विश्वकपको […]

टि-२० विश्वकप : भारत र पाकिस्तानको खेल एमसीजीमा, आयो खेलतालिका

अस्ट्रेलियामा यो वर्ष आयोजना हुने टि-२० विश्वकप प्रतियोगिताको अन्तर्राष्ट्रिय क्रिकेट परिषदले खेल तालिका र समुह बिभाजन शुक्रबार घोषणा गरेको छ। […]

‘आईसीसी टिम अफ द एअर’ : भारतीय खेलाडी छैनन् वानडे र टि-२० टिममा

अन्तर्राष्ट्रिय क्रिकेट परिषद ( आईसीसी ) ले यो वर्षको तिन वटै फर्म्याटको क्रिकेटको ‘टिम अफ द एअर’ घोषणा गरेको छ। […]