एमएम कप: रुपेश कुर्मीले ५ विकेट लिंदा प्रदेश ५ संग भारतीय क्लब पराजित



  • विकेटनेपाल – ३० पौष, सोमबार

सुनसरी सदरमुकाम इनरुवामा जारी मनमोहन स्मृति एक दिवसीय राष्ट्रिय क्रिकेट प्रतियोगिता अन्तर्गत सोमबार भएको खेलमा प्रदेश नम्बर ५ ले भारतीय क्रिकेट क्लब सुपौललाई २३ रनले पराजित गर्दै बिजयी सुरुवात गरेको छ।

प्रदेश नम्बर ५ ले दिएको २५४ रनको लक्ष्य पछ्याएको भारतीय क्लब अन्तिम ओभरको पहिलो बलमा सबै विकेट गुमाएर २३० रनमा समेटियो। उसका लागि जयचन्द यादवले ४० रनको पारी खेलेका थिए। त्यसैगरी राजेश सिङले ३९ रन जोड्दा उत्कर्श भास्करले ३७ र रिन्कु सिंहावतले ३४ रन बनाए।

प्रदेश नम्बर ५ लाई जित दिलाउन तिब्र गतिका युवा बलर रुपेश कुर्मीले ५ विकेट हात पारे। २९ रन खर्चिएका उनले ७.१ ओभर बलिंग गरेका थिए।

यसअघि टस जितेर पहिले ब्याटिंग गरेको प्रदेश ५ ले २५३ रनको योगफल बनाउँदा अन्तिम ४ बल बाँकी छदै सबै विकेट गुमाएको थियो। प्रदेश ५ का विकेट किपर ब्याट्सम्यान प्रकाश केसीले ४६ रनको पारी खेल्दा सुबेन्दु पाण्डेले ४०, कृष्ण कार्कीले ३८ र कप्तान सन्दिप सुनारले ३० रन बनाएका थिए।

बलिंगतर्फ भारतको क्लबका लागि सिवान्सी राजा, इन्द्रजित पोद्दार र मयंक पमनानीले समान ३/३ विकेट लिएका थिए।

खेलमा उत्कृस्ट प्रदर्शन गर्दै ५ विकेट लिएका रुपेश कुर्मी प्लेयर अफ द म्याच घोषित भए।

प्रतियोगिता अन्तर्गत मंगलवार प्रदेश नम्वर ७ र प्रदेश नम्वर ५ बिच खेल हुनेछ।

माघ ७ गतेसम्म चल्ने प्रतियोगितामा शान्ति दीप नेपाल इनरुवा तथा इनरुवा नगरपालिकाको संयुक्त आयोजना रहेको छ। प्रतियोगिताको विजेताले उपाधिसँगै रु. ४ लाख १ हजार , उपविजेताले रु २ लाख १ हजार तथा सेमिफाइनलमा पुग्ने टोलीले रु २५/२५ हजार पाउनेछन्। यस्तै उत्कृष्ट खेलाडीले रु ५१ हजार प्राप्त गर्दा उत्कृष्ट बलर र ब्याट्सम्यानले जनही रु २० हजार १०० पुरस्कार पाउनेछन्। अनुशासित टोलीले १५ हजार र उदयमान खेलाडीले १० हजार नगद पाउनेछन्।

 





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]