प्रदेश स्तरीय महिला क्रिकेट तेस्रो दिन : सर्लाही र सिरहा बिजयी



३ पौष राजबिराज । प्रधानमन्त्री कप राष्ट्रिय क्रिकेट प्रतियोगिताको लागि सप्तरीको राजबिराजमा संचालित प्रदेश स्तरीय महिला क्रिकेट प्रतियोगिता अन्तर्गत तेस्रो दिनको खेलमा सर्लाहिले सप्तरीलाई ६९ रनले तथा सिरहाले बारालाई ९ विकेटले पराजित गरेको छ ।

सप्तरी VS सर्लाही 

राज रंगशालामा संचालित पहिलो खेल अन्तर्गत टस जितेर पहिले ब्याटिंगको निर्णय लिएको सर्लाहीले १५ ओभरमा ५ विकेट गुमाएर २१५ रन बनाउँदै सप्तरीलाई २१६ रनको विशाल विजयी लक्ष्य प्रस्तुत गरेको थियो। उसका लागि मेलिना रायमाझीले ५९ बलमा १२ चौकाको मद्धतले अविजित ७८ रन बनाइन् भने श्रेया थापा १९ रनमा अविजित रहिन्। सप्तरीले समयभन्दा ढिलो ओभररेटको कारण स्थानीय अवस्थाको मध्यनजर गर्दै प्रति ओभर १० रनका दरले ५० रन पेनाल्टी वापत सर्लाहीलाई दिन बाध्य बनेको थियो।

सप्तरीको बलिंगतर्फ नविता चौधरीले ३ तथा सिता चौधरीले १ विकेट हात पारेका थिए।

जवाफी ब्याटिंगमा उत्रिएको सप्तरीले १६ ओभरमा ९ विकेट गुमाएर १४६ रनमात्र बनाउन सक्यो। सर्लाहीले समेत ढिलो ओभररेटका कारण १० रनका दरले ४० रन पेनाल्टी वापत सप्तरीलाई दिन बाध्य बनेको थियो। सप्तरीका लागि नबिता चौधरीले ११ बाहेक अन्य कसैले दोहोरो अंकमा रन बनाउन सकेनन्।

सर्लाहीको बलिंगतर्फ दघढसर्गा कार्की र दिया बिकले समान २-२ विकेट हात पारे।

खेलको प्लेयर अफ द म्याच उत्कृष्ट ब्याटिंग गरेका सर्लाहीकि मेलिना रायमाझी घोषित भइन्।

बारा VS  सिरहा 

बिहिवारनै सम्पन्न अर्को खेलमा सिरहाले बारामाथी ९ विकेटको फराकिलो जित दर्ता गरेको छ। टस जितेर पहिले ब्याटिंगको निर्णय लिएको बाराले निर्धारित २० ओभरमा ४ विकेट गुमाएर मात्र ८४ रन बनाउँदै सिरहालाई ८५ रनको झिनो लक्ष्य प्रस्तुत गरेको थियो। बाराका लागि साना प्रविनले ६३ बलमा ३ चौकाको मद्धतले अविजित ३३ रन तथा चाँदनी अधिकारीले १५ रन बनाए।

सिरहाको बलिंगतर्फ सरस्वति चौधरीले २ तथा सन्तोषी चौधरी र कविता गौतमले समान १ विकेट लिए।

८५ रनको झिनो लक्ष्य पछ्याएको सिरहाले १०.५ ओभरमा १ विकेट गुमाएर सहजै पुरा गर्यो। उसका लागि राधा चौधरीले २७ बलमा ६ चौक्काको मद्धतले ३८ रन तथा उर्मिला चौधरीले ३५ बलमा ३ चौक्काको मद्धतले २६ रन बनाएका थिए। दुवै खेलाडी अविजित रहे।

खेलमा उत्कृष्ट प्रदर्शन गरेका सिरहाका राधा चौधरी म्यान अफ द म्याच घोषित भईन्।

प्रतियोगिता अन्तर्गत शुक्रबार पहिलो खेलमा सप्तरी र महोतरीबीच प्रतिस्पर्धा हुने कुरा सप्तरी क्रिकेट संघका सदस्य शम्भु दासले जनाकारी गराउनु भयो।





थप समाचार

बागमतीको दोश्रो जित, सुदूरपश्चिम विशाल अन्तरले पराजित

प्रधानमन्त्री कप एकदिवसीय राष्ट्रिय प्रतियोगिता अन्तर्गत ज्ञानेन्द्र मल्ल कप्तानीको बागमती प्रदेशले लगातार दोश्रो जित दर्ता गर्ने क्रममा सुदूरपश्चिम प्रदेशलाई १८० […]

बिग ब्यास : सिड्नी बिरुद्ध सन्दिप विकेटविहिन

अस्ट्रेलियामा जारि बिग ब्यास लिग अन्तर्गत सिजनको पाँचौ खेल खेल्ने क्रममा सन्दिप विकेटविहिन भएका छन्। होबार्टको प्रतिनिधित्व गरिरहेका सन्दिप सिड्नी […]

गण्डकीको जितमा विशालको ह्याट्रिक, प्रदेश-१ को लगातार दोश्रो हार

प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन समूह ‘ए’ अन्तर्गतको खेलमा गण्डकी प्रदेशले प्रदेश-१ लाई २ विकेटले पराजित गर्दै […]

पृथु र आदील चम्किदा बागमतीद्वारा सुदूरपश्चिमलाई ३०० रनको लक्ष्य

काठमाडौँमा जारी प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन समुह ‘बि’ अन्तर्गतको खेलमा बागमती प्रदेश र सुदूरपश्चिम प्रदेश प्रतिस्पर्धा […]

बिशालले ह्याट्रिक लिंदा प्रदेश-१ १०२ रनमै सिमित

देब्रे हाते स्पिनर बिशाल पौडेलले ह्याट्रिक लिंदा गण्डकी प्रदेशले प्रदेश-१ लाई १०२ रनमै सिमित गरेको छ। प्रधानमन्त्री कप एकदिवसीय राष्ट्रिय […]

प्रम कप : आज दुईवटा खेलहरु हुँदै

काठमाण्डौमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत चौथो दिन दुईवटा खेलहरु हुनेछन्। टियु मैदानमा समुह ‘बि’ अन्तर्गत बागमती प्रदेश […]