पीएसएल : लाहोरको जितमा अफ्रिदी उत्कृस्ट



शाहिन अफ्रिदीले उत्कृस्ट बलिंग गर्दा पाकिस्तान सुपर लिग टि-२० अन्तर्गत दोश्रो दिन सम्पन्न पहिलो खेलमा पेशावर जाल्मीलाई ४ विकेटले पराजित गर्दै लाहोर कलन्दर्सले विजयी सुरुवात गरेको छ।

नेसनल स्टेडियम, कराचीमा सम्पन्न खेलमा पेशावरले दिएको १४१ रनको लक्ष्य लाहोरले ६ विकेट क्षेतीमा ९ बल बाँकी रहँदै पुरा गर्यो।

लाहोरको जितमा मोहम्मद हफिजले सर्वाधिक ३३ रन ( २६ बलमा ५ चौका ) तथा राशिद खानले अविजित २७ रन ( १५ बलमा ३ चौका र १ छक्का ) योगदान दिए। बेन डंकले २२, अघा सलमानले २१, फखर जमानले १५ तथा कप्तान सोहेल अख्तरले १४ रन योगदान दिए।

लक्ष्य पछ्याउने क्रममा १०९ रन जोड्दा ६ विकेट गुमाएको अवस्थामा चौथो नम्बरमा ब्याटिंग गरेका हफिजले आठौँ नम्बरमा आएका राशिदसंग ३४ रनको साझेदारी गर्दै जितसम्म पुर्याएका थिए।

पेशावरको बलिंगमा कप्तान वहाब रियाज र सकिब महमुदले समान २ विकेट तथा मुजिब उर् रहमान र अमाद बटले समान १ विकेट लिए।


यस अघि टस हारेर ब्याटिंग गरेको पेशावरले निर्धारित २० ओभर ब्याटिंग गर्दै १४० रन बनाएको थियो। उसको लागि रभी बोपराले ४४ बलमा ६ चौका प्रहार गर्दै सर्वाधिक ५० रन योगदान दिएका थिए। यस्तै शर्फेन रुथरफोर्ड र शोयब मलिकले समान २६ तथा अमाद बटले अविजित २३ रन योगदान दिए। ४६ रनमा ४ विकेट गुमाएको अवस्थामा बोपराले रुथरफोर्डसंग ६४ रनको साझेदारी गरेका थिए।

लाहोरको बलिंगमा ओपनिंग पेसर शाहिन अफ्रिदीले ३ विकेट लिए जुन क्रममा ४ ओभर बलिंग गर्दै १ मेडन गर्दै मात्र १४ रन खर्चिए। सलमान मिर्जाले २ तथा डेभिड वेसले १ विकेट लिए। राशिद खान विकेटविहिन रहेता पनि ४ ओभर बलिंग गर्दा मात्र १४ रन खर्चिए।

लिगमा कराची किंग्स, इस्लामावाद युनाइटेड, मुल्तान सुल्तान्स, लाहोर कलंदर्स, पेशावर जाल्मी र क्वेटा ग्ल्याडीएटर्स गरि ६ वटा टिम सहभागी रहेका छन्।

यो पनि पढ्नुस :-

तेवतिया, किशन र यादव पहिलो पटक भारतीय टिममा, भुवनेश्वरको पुनरागमन





थप समाचार

न्याभ कप अस्ट्रेलिया : एक्स्पर्ट सगरमाथालाई उपाधि

अस्ट्रेलियाको नेपाल एसोसिएसन अफ भिक्टोरियाद्वारा आयोजित १६ औं संस्करणको न्याभ कप क्रिकेट प्रतियोगिताको उपाधि एक्स्पर्ट सगरमाथा स्टार्स क्लबले जितेको छ। […]

पीएसएल : सन्दिप आवद्ध लाहोरको शानदार जित

पाकिस्तान सुपर लिग अन्तर्गत आइतबार राति सम्पन्न ११ औं खेलमा नेपाली लेग स्पिनर सन्दिप लामिछाने आवद्ध लाहोर कलन्दर्सले कराची किंग्सलाई […]

लिटल फ्लावर प्रिमियर लिग : शारदा र होल्याण्ड विजयी

धनगढी : धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग अन्तरगत आज भएका खेलमा शारदा विद्या […]

एभरेस्ट प्रिमियर लिगको नयाँ मिति सार्वजनिक

नेपाली फ़्रेन्चाइज् टि-२० क्रिकेट लिग एभरेस्ट प्रिमियर लिगको चौथो संस्करणको नयाँ मिति सार्वजनिक गरिएको छ। गत वर्ष चैत्र १ गते […]

PSL 2021 : Sandeep Lamichhane joins Lahore Qalandars as a replacement of Rashid Khan

Nepal’s 20-year-old spin prodigy Sandeep Lamichhane departs towards Karachi today at 11:00 PM to participate in the ongoing 6th edition […]

पीएसएल : कप्तान रियाजले उत्कृस्ट बलिंग गर्दा पेशावरको सहज जित

कप्तान वहाव रियाजले उत्कृस्ट बलिंग गर्दा इश्लामावाद युनाइटेडलाई ६ विकेटले पराजित गर्दै पेशावर जाल्मी पाकिस्तान सुपर लिग ( पीएसएल ) […]