पीएसएल : लाहोरको जितमा हफिज, जमान र रौफ उत्कृस्ट



फखर जमान र मोहम्मद हफिजले उत्कृस्ट साझेदारी गर्दा क्वेटा ग्ल्याडीएटर्सलाई पराजित गर्दै लाहोर कलन्दर्स पाकिस्तान सुपर लिग अंकतालिकामा लगातार दोश्रो जित पछि शिर्ष स्थानमा पुगेको छ। क्वेटा भने दुवै खेलमा हार पछि अंकतालिकाको पुछारमा रहेको छ।

नेसनल स्टेडियम कराचीमा सम्पन्न खेलमा क्वेटाले दिएको १७९ रनको लक्ष्य लाहोरले मात्र १ विकेट गुमाएर १० बल बाँकी रहँदै पुरा गर्यो।

लक्ष्य पछ्याउने क्रममा लाहोरका ओपनर फखर जमानले सर्वाधिक ८२ तथा मोहम्मद हफिजले ७३ रन बनाए। जमानले ५२ बलमा ८ चौका र २ छक्का तथा हफिजले ३३ बलमा ५ चौका र ६ छक्का प्रहार गरे। प्लेयर अफ द म्याच जमानले पहिलो विकेटको लागि कप्तान सोहेल अख्तरसंग ६४ रनको साझेदारी गरेका थिए। नवौं ओभरमा अख्तर आउट भएपछि जमान र हफिजले दोश्रो विकेटको लागि अविजित ११५ रनको साझेदारी गरे।

आक्रामक ब्याटिंग गरेका हफिजले २४ बलमा अर्धशतक पुरा गरेका थिए जुन लिगमा उनको व्यक्तिगत सबैभन्दा कम बलको अर्धशतक हो।

क्वेटाको बलिंगमा जाहिद मोहम्मदले १ मात्र विकेट लिए।

यस अघि टस हारेर ब्याटिंग गरेको क्वेटाले २० ओभरमा ६ विकेट क्षेतीमा १७८ रन बनाएको थियो।

क्रिस गेलले अर्धशतक बनाएता पनि क्वेटाको जितको लागि पर्याप्त रहेन

१२ रनमा पहिलो २ विकेट गुमेपछि तेश्रो नम्बरमा ब्याटिंग गरेका क्रिस गेलले तेश्रो विकेटको लागि कप्तान सरफराज एहमदसंग शतकीय साझेदारी गरे। १४ औं ओभरमा सरफराजलाई हरिस रौफले क्याच आउट गर्दै तथा १५ औं ओभरमा गेललाई राशिद खानले बोल्ड गर्दै लाहोरलाई खेलमा फर्काएका थिए। अन्तिममा मोहम्मद नवाजले आक्रामक ब्याटिंग गरे।

गेलले ४० बलमा ५ चौका र ५ छक्का प्रहार गर्दै सर्वाधिक ६८ रन बनाए। सरफराजले ३३ बलमा ५ चौका मद्दतले ४० रन तथा मोहम्मद नवाजले २० बलमा ३ छक्का मद्दतले अविजित ३३ रन बनाए।

लाहोरको बलिंगमा दायाँ हाते पेसर हरिश रौफले सर्वाधिक ३ विकेट लिए जुन क्रममा ४ ओभरमा ३८ रन खर्चिए। शाहिन अफ्रिदी, अहमद डानियल र राशिद खानले समान १ विकेट लिए।





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]