मिस्बाह र स्यामीको सानदार साझेदारीमा पेशावरको जित; सन्दिप विकेट बिहिन



  • विकेटनेपाल – २० फाल्गुन, मंगलवार 

मिस्बाह उल् हक र ड्यारन स्यामीले सानदार साझेदारी गरेपछि पाकिस्तान सुपर लिग ( पिएसएल ) अन्तर्गत पेशावर जल्मीले सन्दिप लामिछाने सम्मिलित टोलि लाहोर कलन्दर्सलाई ४ विकेटले पराजित गरेको छ।

पहिले ब्याटिंग गर्दै लाहोरले दिएको १२५ रनको सामन्य लक्ष्य पेशावरले अन्तिम ओभरमा १ बल बाँकी रहंदा ६ विकेट गुमाएर पुरा गर्यो। उसका मिस्बाह उल् हक ५९ रनमा अविजित रहे।

मिस्बाह र स्यामीको सानदार साझेदारी : 

१२५ रनको सामान्य लक्ष्य पछ्याउने क्रममा कुनै समय पेशावर २०/५ को दयनिय अवस्थामा रहेको थियो। ओपनर काम्रन अकमल ( ३ ) र  इमाम उल् हक ( ४ ) संगै उमर अमिन ( ० ), लियम डसन ( ० ) र कायरन पोल्लार्ड ( २ ) रन जोड्दै पभेलियन फर्किंदा पेशावर खराब अवस्थामा पुगेको थियो।

पाँच विकेटको पतन पश्चात ब्याटिंग गर्न आएका ड्यारन स्यामी र मिस्बाह उल् हकले छैठौं विकेटको लागि १०० रनको साझेदारी गर्दै टोलीलाई जित नजिक पुर्याए। खेलको अन्तिम ओभरमा रायन टेन डस्काटेको बलमा बोल्ड हुन अघि स्यामीले ३६ बलमा ४६ रन जोड्न सफल भए। त्यसक्रममा उनको ब्याटबाट ४ चौका र १ छक्का निस्कियो।

यस्तै अर्को किनारमा अविजित रहेका मिस्बाहले भने ५५ बलमा ५९ रनको इनिंग खेले। उनको इनिंगमा ४ चौका र २ छक्का सामेल रह्यो। यो अर्धशतकसंगै मिस्बाह टि-२० क्रिकेटमा सबैभन्दा धेरै उमेरमा अर्धशतक बनाउने खेलाडी समेत बने। मिस्बाहले लाहोर बिरुद्ध ४४ बर्ष २८१ दिनको उमेरमा अर्धशतक बनाएका हुन्।

सन्दिपको प्रदर्शन : 

लाहोरको बलिङ्गमा सहिन शाह अफ्रिदीले सर्वाधिक ३ विकेट लिएपनि त्यो टोलीको हार टार्न पर्याप्त रहेन। यस्तै राहत अलि, डेभिड विजा र रायन टेनको नाममा समान १-१ विकेट रह्यो।

लाहोरका लागि लिगमा सानदार प्रदर्शन गरिरहेका सन्दिपले मंगलवार पेशावर बिरुद्ध भने खास केहि गर्न सकेनन्। मात्र २.१ ओभर बलिङ्ग गरेका उनले २२ रन खर्चिंदा विकेट बिहिन रहे।

इनिंगको आठौँ ओभरमा आफ्नो पहिलो ओभर लिएर आएका सन्दिपले सुरुवात राम्रो गरेका थिए। सो ओभरमा स्यामी र मिस्बाहले सन्दिप बिरुद्ध कुनै सटको प्रयास नगर्दा सन्दिपले मात्र ३ रन खर्चिए।

लगत्तै खेलको १० औं ओभर लिएर आएका सन्दिप बिरुद्ध मिस्बाहले ओभरको पहिलो दुई बलमा लगातार छक्का प्रहार गर्दै सो ओभरमा १८ रन जोडे। आफ्नो पहिलो दुई ओभर पश्चात सन्दिपले पुन: बलिङ्ग गर्ने मौका पाएनन्।

इनिंगको अन्तिम ओभर गरेका रायन टेन डेस्काटे ओभरमा ४ बल गरेपछि घाइते हुँदा सन्दिपले ओभर सक्ने जिम्मा पाए। तर पेसावरलाई जितका लागि मात्र १ रन बाँकी रहेकाले सन्दिपले एक बल गर्दा खेलले नतिजा लियो।

लाहोरको ब्याटिंग : 

यस अघि टस हारेर ब्याटिंगको निम्तो पाएको लाहोरले निर्धारित २० ओभरमा ७ विकेट गुमाएर १२४ रन जोडेको थियो। उसका ह्यारिस सोहेलले सर्वाधिक ४३ तथा डेभिड विजाले २६ रनको इनिंग खेलेका थिए।

पेशावरको बलिङ्गतर्फ टिमाल मिल्सले सर्वाधिक ३ विकेट हात पारे। यस्तै समिन गुलले २ र लियम डसन र वहाव रियाजले समान १-१ विकेट हात पारेका थिए।





थप समाचार

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]