पीएसएलमा सन्दिपको टिम लाहोरको सनसनीपूर्ण जित

David Wiese


  • विकेटनेपाल, फाल्गुन-१० , शुक्रबार 

पाकिस्तान सुपर लिग अन्तर्गत चौथो खेलमा सन्दिप लामिछानेको टिम लाहोर कलन्दर्सले सनसनीपूर्ण खेलमा मुल्तान सुल्तान्सलाई ६ विकेटले पराजित गरेको छ। यसअघि भएका ३ खेलमध्ये टिमले १ जित र २ हार व्यहोरेको थियो।

पहिले ब्याटिंग गर्दै मुल्तानले दिएको २०१ रनको लक्ष्य अन्तिम बलमा लाहोरले पुरा गरेको हो। यस क्रममा अन्तिम बलमा जितको लागि ३ रन आवस्यक रहंदा डेभिड विजाले छक्का प्रहार गर्दै टिमलाई जित दिलाएका हुन्।

अन्तिम २ ओभरमा जितको लागि लाहोरलाई अन्तिम २ ओभरमा २५ रन आवस्यक थियो। १९ औं ओभरमा बलिंग गर्न आएका आन्द्रे रसेलको ओभरको पहिलो बलमा एबि डीभिल्लीयर्सले तथा तेश्रो बलमा डेभिड विजाले छक्का प्रहार गरेपछि अन्तिम ओभरमा जित्न ९ रन आवस्यक रहेको थियो।

अन्तिम ओभरमा खेलमा पहिलो ओभर बलिंग गर्न आएका ड्यानियल क्रिस्चियनले पहिलो ३ बलमा १/१ रन मात्रै दिएपछि ३ बलमा ६ रन आवस्यक रह्यो। चौथो बलमा डीभिल्लीयर्सले २ रन लिए भने पाँचौ बलमा १ रन लिए पछि अन्तिम बलमा स्ट्राइक पाएका विजाले ३ रन जितको लागि बनाउनु पर्ने थियो।

क्रिस्चियनले अन्तिम बलमा दिएको अफ-कटर बललाई विजाले लंगअफको माथिबाट छक्का प्रहार गरेपछि लाहोरले सनसनीपूर्ण जित दर्ता गरेको हो।

विजाले अविजित ४५ रन बनाउने क्रममा २० बलमा ५ छक्का प्रहार गरे भने डीभिल्लीयर्सले अविजित ५२ रन बनाउन २९ बलमा ३/३ छक्का/चौका प्रहार गरे।

१२.३ ओभरमा १०६/४ को अवस्थामा रहेको लाहोरको इनिंगलाई डीभिल्लीयर्स र विजाले ९८ रनको अविजित साझेदारी गर्दै जितसम्म पुर्याएका थिए। यस क्रममा दुबैले १३.०६ को रन गतिमा रन बनाए।

खेलको प्लेयर अफ द म्याच डीभिल्लीयर्स घोषित भए।

लक्ष्य पछ्याउने क्रममा लाहोर ओपनर फखार जमानले ६३ रन बनाएका थिए जुन क्रममा ३५ बलमा ७ चौका र ३ छक्का प्रहार गरे।

मुल्तान बलर जुनैद खानले ३ विकेट लिन ४ ओभरमा ३९ रन खर्चिन पुगे।

सन्दिपले लिए ३ विकेट 

यस अघि टस जितेर सन्दिपको टिम लाहोरले पहिले बलिंग गर्ने निर्णय लिएको थियो। पहिले ब्याटिंग गर्ने क्रममा मुल्तानले २० ओभरमा २०० रनको विशाल योगफल तयार गरेको थियो।

Sandeep Lamichhane
Sandeep Lamichhane

मुल्तानको लागि जेम्स भिन्सले ८४ रन बनाउन ४१ बलमा ७ चौका र ६ छक्का प्रहार गरे। यस्तै उमर सिद्दिकले ५३ रन ( ३८ बलमा , ४ चौका र २ छक्का ) बनाए। लाहोरको बलिंगमा सन्दिपले सर्वाधिक ३ विकेट लिए भने शाहिन अफ्रिदी र हरिश रौफले १/१ विकेट लिए। राहत अलि र डेभिड वेस विकेट विहिन रहे।

सन्दिपले ३ विकेट लिने क्रममा आन्द्रे रसेल , शोएब मालिक र जेम्स भिन्सको विकेट लिए। यस क्रममा सन्दिपले ४ ओभरमा ४६ रन खर्चिन पुगे।

सन्दीपको स्पेल करियरकै दोश्रो सर्वाधिक महँगो

सन्दिपले बिदेशी लिगमा बलिंग गर्दा दिएको यो दोश्रो सबैभन्दा धेरै रन हो। यस अघि उनले २०१८ जुलाईमा ग्लोबल टि-२० क्यानडामा मोन्टरियल टाइगर्सको लागि खेल्ने क्रममा वेस्ट इन्डिज ‘बि’ टिम संग ४ ओभरमा ५७ रन दिएर १ विकेट लिएका थिए। यस्तै सन्दिपले क्यारेबियन प्रिमियर लिगमा गत वर्ष अगस्टमा सेन्ट किट्सको लागि खेल्ने क्रममा बार्बाडोस बिरुद्ध ४ ओभरमा ४३ रन खर्चेर विकेट विहिन रहेका थिए।

सन्दिपले हालसम्म बिदेशी लिग खेल्ने क्रममा एकै खेलमा ३ विकेट भन्दा बढी लिन सकेका छैनन्।

पाकिस्तान सुपर लिग अन्तर्गत सन्दिपको टिम लाहोरको दोश्रो खेल शनिबार क्वेटा ग्ल्याडीएटर्स बिरुद्ध रहेको छ।

 





थप समाचार

अन्ततः डीककले मागे माफी- “कसैको अपमान गर्ने उद्देश्य थिएन”

टि-२० विश्वकप अन्तर्गत वेस्टइन्डिज बिरुद्धको खेलमा ‘ब्ल्याक लाइभ म्याटर’ अभियान अन्तर्गत घुंडा टेक्न अस्विकार गर्दै वेस्टइन्डिज बिरुद्धको खेल नखेलेका दक्षिण […]

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]