पीएसएल रोकियो, खेल नखेली फर्कने भए सन्दिप लामिछाने



पछिलो केहि दिन देखि कोभीड-१९ को बढ्दो पोजेटिभ केसहरुका कारण पाकिस्तानको कराचीमा जारी पाकिस्तान सुपर लिग २०२१ तत्काल लागु हुने गरि स्थगित गरिएको छ। टिम मालिकहरुसंग पीएसएल आयोजकको बिहिबार छलफल पछि प्रतियोगिता तत्कालको लागि स्थगित गर्ने घोषणा गरिएको हो।

“फेब्रुअरी २० तारिख पछि प्रतियोगिताको दौरान ७ जना खेलाडीमा कोभीड-१९ केसहरु देखिएपछि हामी यो निर्णय लिन बाध्य भएका हौँ।” पाकिस्तान क्रिकेट बोर्डले प्रेस बिज्ञप्ति जारि गर्दै बताएको छ। लिगको हालसम्म ३४ मध्ये १४ वटा खेलहरु सकिएको छ। प्रतियोगिता अब पुनः कहिले सुरु गर्ने घोषणा भएको छैन।

“पाकिस्तान क्रिकेट बोर्डले सम्पूर्ण सहभागीहरुको सुरक्षालाई ध्यानमा राखेर यो निर्णय लिएको हो। सबै टिमका खेलाडीहरुको पुनः पीसीआर टेस्ट गरेर भ्याक्सिन र आइसोलेसन सुविधा दोहोर्याउने व्यवस्था गर्नेछौँ।”


आयोजक कमिटिले तिन वटा कोरोना केसहरु देखिएपछि आकस्मिक बैठक बोलाएको थियो। क्वेटा ग्ल्याडीएटर्सका ब्याट्सम्यान टम ब्यान्टन, कराची किंग्सका प्रशिक्षक कमरान खानलाई कोरोना देखिएको थियो। पीएसएलको दौरान सबै भन्दा पहिले क्वेटाका अस्ट्रेलियन खेलाडी फवाद एहमदलाई कोरोना पोजेटिभ देखिएको थियो जसपछि क्वेटा र इश्लामावादको खेल १ दिन सारिएको थियो।

पाकिस्तान सुपर लिगको यस अघिको संस्करण कोरोनाको कारण सरेको थियो। प्लेअफ खेलहरु बाँकी रहंदा कोरोनाको कारण प्रतियोगिता सारेर गत वर्ष नोभेम्बरमा पुनः लिगको बाँकी खेलहरु आयोजना गरिएको थियो।

सन्दिप लामिछानेले एक खेल पनि खेल्न पाएनन् 

लाहोर कलन्दर्सका लेग स्पिनर राशिद खानको प्रतिस्थापनमा प्रतियोगिता खेल्न पाकिस्तान पुगेका नेपाली लेग स्पिनर सन्दिप लामिछाने बुधबार ३ दिने क्वारेन्टाइन अवधि तथा २ वटा कोभिड-१९ टेस्ट नेगेटिभ आएपछि टिमसंग अभ्यासमा जोडिएका थिए। तर पीएसएल अनिश्चितकालको लागि स्थगित हुँदा नेपाली स्पिनर सन्दिप लामिछाने अब घर फर्कनु पर्नेछ। बिहिबार राति लाहोरले इस्लामावादसंग खेल्ने तालिका रहेको थियो।

सन्दिप घर फर्किने हुँदा फाल्गुन २२ गते शनिवार देखि काठमाडौँमा सुरु हुने मेयर कप एकदिवसीय प्रतियोगिता खेल्ने सम्भावना बढेको छ। सन्दिप काठमाडौँ मेयर-११ टिमबाट खेल्ने सम्भावना प्रवल रहेको छ। तथापी काठमाडौँ मेयर-११ ले घोषित गरेको १५ सदस्यीय टिममा भने सन्दिपको नाम रहेको छैन। उनि नेपाल फर्कने भए उनलाई क्यानले पुनः टिममा समाबेश गर्न सक्नेछ।

धेरैले पढेको 

एकै खेलमा ह्याट्रिक विकेट र ६ बलमा ६ छक्का, पोलार्डले रचे इतिहास

आईपीएल २०२१ : चेन्नाईले अभ्यास सुरु गर्ने

मेयर कप : ‘काठमाडौँ मेयर-११’ टिमको घोषणा, लुम्बिनीबाट सर्वाधिक ५ खेलाडी





थप समाचार

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]