पुर्व प्रशिक्षकको टिम बिरुद्ध उत्रदै नेपाली टिम



  • विकेटनेपाल, मङ्सिर १५

आईसीसी बिश्व क्रिकेट लिग च्याम्पियनसिप अन्तर्गत सातौँ चरणको युएईसंगको खेल अगाडी नेपाली क्रिकेट टिमले आज अमेरिकासँग अभ्यास खेल खेल्दै छ। नेपालले ६ र ८ तारिकमा च्याम्पियनसिप अन्तर्गत युएईसंग २ खेल खेल्नेछ भने त्यसअघी आज अमेरिकासंग तथा डिसेम्बर ३ तारिकमा केन्यासंग अभ्यास खेल खेल्ने कार्यक्रम रहेको छ।

रोचक पक्ष के भने नेपालका पुर्वप्रशिक्षक पुबुदु दासानायके यसपाली अमेरिकाको प्रशिक्षकको रुपमा नेपाल बिरुद्द मैदानमा उत्रिदै छन्।

पुबुदुको कार्यकालमा नेपालले धेरै सफलताहरु प्राप्त गरेको थियो। जसमध्ये बंगलादेश २०१४ टी-२० विश्वकपको यात्रा उनको कार्यकालको अत्यन्त महत्वपूर्ण उपलब्धि मानिने गर्छ। डिभिजन-४ देखि विश्व क्रिकेट लिग च्याम्पियनसिप सम्मको यात्रापनि उनको पालोमा गरेको महत्वपूर्ण उपलब्धि थियो।

उनै सफल प्रशिक्षक यसपटक नेपाल बिरुद्द रणनीति बनाउदै गरेको देखिनेछन्। उनले सामाजिक संजालमा पोस्ट गर्दै नेपाली टिमलाई भेट्न उत्सुक भएको जनाएका छन् , “अबुधाबीको यात्रामा, धेरै समयपछी नेपाली टिमलाई देख्न पाउदा उत्साहित” ।

अमेरिकासंगको खेल अबुदाबीको नर्सरी ओभल मैदानमा १०:४५ बजे ( नेपाली समय ) अनुसार सुरु हुनेछ l

छैठौ चरणको खेलमा हंगकंगसँग एक खेलमा पराजित हुदै तथा अर्को खेलमा बर्षा बाधक बनेपछि नेपाल डिभिजन २ मा झरीसकेको । बिश्व क्रिकेट लिग डिभिजन-२ प्रतियोगिता नामिबियामा फेब्रुअरीमा आयोजना हुनेछ। डिभिजन-२ मा उत्कृस्ट २ भित्र पर्नसके नेपाल मार्चमा जिम्बाबेमा आयोजना हुने भनिएको आईसीसी एक दिवसीय बिश्वकप छनौट खेल्न पाउनेछ।

नेपाली टिम – 

पारस खड्का ( कप्तान ) , ज्ञानेन्द्र मल्ल, शरद भेसावकर, बसन्त रेग्मी, सोमपाल कामि, सागर पुन, बिनोद भण्डारी, करन केसी, शक्ति गौचन, ललितसिंह भण्डारी, आरिफ शेख, दिपेन्द्र ऐरी, सन्दिप लामिछाने, दिलिप नाथ

बैकल्पिक खेलाडी –  सिद्धान्त लोहनी, जितेन्द्र मुखिया, कुशल भुर्तेल, अनिल शाह





थप समाचार

कोभिड-१९ बिरुद्ध लड्न सन्दिपले सुरु गरे आर्थिक अभियान

स्टार नेपाली लेग स्पिनर सन्दिप लामिछानेले कोभीड-१९ महामारी बिरुद्ध सहयोग अभियान सुरु गरेका छन्। सामाजिक संजाल मार्फत अभियानको घोषणा गर्दै […]

वेस्टइन्डिज भ्रमणको लागि अस्ट्रेलियन टिम घोषित, लाबुशेन बाहिर

वेस्टइन्डिज भ्रमणको लागि क्रिकेट अस्ट्रेलियाले २३ सदस्यीय टिमको सोमबार घोषणा गरेको छ। भ्रमणमा अस्ट्रेलियाले वेस्टइन्डिज बिरुद्ध पाँचवटा टि-ट्वान्टी अन्तर्राष्ट्रिय र […]

न्युजिल्यान्ड बिरुद्ध टेस्ट सिरिजबाट बाहिरिए आर्चर

इंग्ल्यान्ड फास्ट बलर जोफ्रा आर्चर न्युजिल्यान्ड बिरुद्ध जुन २ बाट सुरु हुने दुई टेस्टको सिरिजबाट बाहिर भएका छन्। कुइनोको चोट […]

“१०-१२ वर्ष एन्जाइटिले सतायो, कैयौं रात नसुती बिताएको छु” सचिन तेन्दुलकर

भारतीय क्रिकेट लेजेण्ड सचिन तेन्दुलकरले आफ्नो २४ वर्षीय क्रिकेट करियरको ठूलो हिस्सा एन्जाइटिसंग ( भय, त्रास, अत्यासको अवस्था ) जुझेको […]

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]