स्पोर्ट्स अवार्डको मनोनयन सार्वजनिक, क्रिकेटको वर्चस्व



  • विकेटनेपाल, बैशाख ३१ – सोमबार

रास्ट्रिय खेलकुद पत्रकार मञ्च (एनएसजेएफ) को आयोजनामा प्रत्येक बर्ष आयोजना गरिने स्पोर्ट्स अवार्ड २०७४ को मनोनयन सार्वजनिक गरिएको छ । पत्रकार मञ्चले २०७४ बर्षभरी उत्कृस्ट प्रदर्शन गर्ने व्यक्तित्वहरुलाई प्रदान गर्ने अवार्डको मनोनयनमा क्रिकेटको वर्चस्व रहेको छ ।

सोमबार सार्वजनिक गरिएको ४ विधाहरु बर्षको उत्कृस्ट पुरुष खेलाडी, युवा खेलाडी, प्रशिक्षक र महिला खेलाडी मध्ये बर्षको उत्कृस्ट महिला खेलाडी बाहेक क्रिकेटबाट प्रत्येक ३ विधामा २/२ जना मनोनयनमा परेका छन् ।

उत्कृस्ट पुरुष खेलाडीमा क्रिकेटका पारस खड्का र सन्दिप लामिछाने सहित ब्याडमिन्टनका दिपेश धामी, जुडोका इन्द्रबहादुर श्रेष्ठ र गल्फका टंकबहादुर कार्की, उत्कृस्ट युवा खेलाडीमा क्रिकेटका सन्दिप लामिछाने र दिपेन्द्र सिंह ऐरी सहित फुटबलका दिनेश हेन्जन, जुडोकी मनिता श्रेष्ठ प्रधान र बक्सिङकी पुनम रावल र उत्कृस्ट प्रशिक्षकमा क्रिकेटका जगत टमाटा र बिनोद दास सहित फुटबलका छिरिङ लोप्साङ गुरुङ, ब्याडमिन्टनका जयन्तकुमार श्रेष्ठ र बक्सिङका प्रकाश थपामगर मनोनयनमा परेका छन्।

Binod Das , Dav Whatmore , Jagat Tamata
दायाँ जगत टमाटा, बायाँ बिनोद दास र बिचमा नेपाली टिमका तत्कालिन ब्याटिंग प्रशिक्षक डेभ व्हाटमोर

क्रिकेटले स्थान नपाएको बर्षको उत्कृस्ट महिला खेलाडीमा ब्याडमिन्टनकी शोभा गौचन, आर्चरीकी ज्ञानु अवाले, बक्सिङकी विमला श्रेष्ठ, फुटबलकी सावित्रा भण्डारी र टेबलटेनिसकी नविता श्रेष्ठ मनोनयनमा परेका छन्।

आयोजकले जनाएअनुसार जेठ ३ गते आयोजना हुने पल्सर स्पोर्ट्स अवार्डमा यसअघिनै सार्वजनिक गरिएको पिपुल्स च्वाईस अवार्ड अन्तर्गत क्रिकेटका सन्दिप लामिछाने, फुटबल किरण चेमजोंग, गल्फकी प्रतिमा शेर्पा, भलिबलका मानबहादुर श्रेष्ठ र टेबलटेनिसका स्यान्टु श्रेष्ठ मनोनयनमा परेका थिए ।

अवार्डमा माथि उल्लेखित ५ र थप अन्य तिन विधामा नेपाललाई खेलकुदबाट अन्तर्राष्ट्रिय जगतमा चिनाउन अतुलनीय योगदान दिने व्यक्तिहरुलाई सम्मान गरिने छ जहाँ बर्षका उत्कृस्ट पुरुष खेलाडी, महिला खेलाडी, पिपुल्स च्वाईस अवार्ड र उत्कृस्ट प्रशिक्षकलाई पल्सरको तर्फबाट मोटरसाइकल प्रदान गरिने छ भने अन्य विधाका विजेतालाई जनही नगद रु ५० हजार प्रदान गरिने आयोजकले जनाएका छन् ।

२०७३ को उत्कृस्ट पुरुष खेलाडीको मनोनयनमा शरद भेसावकर पनिपरेका थिए

पल्सर स्पोर्ट्स अवार्ड २०७३ मा बर्षको उत्कृस्ट पुरुष खेलाडीको पुरस्कार क्रिकेटका शरद भेसावकरलाई पछी पार्दै फुटबलका किरण चेमजोंगले हात पारेका थिए भने ब्याडमिन्टनकी नंग्सल तामांगले महिला खेलाडीको पुरस्कार हात पारेकी थिईन । त्यस्तै लंगरेसकी कान्छी माया कोजुले पिपुल्स च्वाईस अवार्डमा र जुडोकी मनिता श्रेष्ठले युवा खेलाडीमा क्रिकेटका दिपेन्द्र सिंह ऐरीलाई पछाडी पारेका थिए ।

यस्तै भलीबल टिमले बर्षको उत्कृस्ट टिमको अवार्ड पाएको थियो भने एथेलेटिक्सका पुस्पराज ओझा उत्कृस्ट प्रशिक्षक बनेका थिए ।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]