पुनित मेहराको अलराउण्ड प्रदर्शनमा बिराटनगरमाथि महेन्द्रनगरको जित

Punit Mehra


विकेटनेपाल, चैत्र १८ – आइतबार । धनगढी प्रिमियर लिग अन्तर्गत आजको दोश्रो खेलमा पुनित मेहराले अलराउण्ड प्रदर्शन गरेपछि महेन्द्रनगर युनाइटेडले पारस खड्काको कप्तानीमा रहेको बिराटनगर किंग्सलाई ३३ रनले पराजित गरेको छ । आजै सम्पन्न पहिलो खेलमा सिवाईसी अत्तरियाले रुपन्देही च्यालेंजर्सलाई ९ विकेटले पराजित गरेको थियो (समाचार) ।

स्कोरकार्ड

टस जितेर पहिले ब्याटिंग गरेको महेन्द्रनगरले २० ओभरमा ५ विकेट गुमाएर १६८ रनको योगफल तयार पारेको थियो । उसको लागि कप्तान बिनोद भण्डारीले ३५ रन बनाउनेक्रममा मात्र २९ बलमा ५ चौका र १ छक्का प्रहार गर्दै पहिलो विकेटको लागि आसिफ शेख (९) सँग मिलेर ५० रनको साझेदारी गरेका थिए ।

यस्तै पुनित बिस्टले २४ रन (१४ बल, १ चौका, १ छक्का), आरिफ शेखले २० रन (१५ बल, ३ चौका) र हरिशंकर शाहले १९ रन बनाउँदा पुनित मेहराले अन्तिम ओभरमा बसन्त रेग्मीलाई २ चौका र समान छक्का प्रहार गर्दै ३८ रनमा अविजित रहे । रोहित कुमार पौडेल ९ रनमा अविजित रहे ।

बिराटनगर किंग्सका मन्जित श्रेष्ठले ३० रन खर्चेर २ विकेट लिँदा पारस खड्का र शुभम कामतले १/१ विकेट लिए।

mahendranagar united
Mahendranagar United

जवाफमा १६९ रनको लक्ष्य पछ्याएको बिराटनगर किंग्सले पृथु बास्कोटाले ३५ रन (३९ बल, २ चौका, १ छक्का) र बाबर हयातले आक्रामक ३२ रन (१० बल, २ चौका, ४ छक्का) बनाएपनि १९ ओभरमा सबै विकेट गुमाउंदै मात्र १३५ रनमा समेटियो र ३३ रनले पराजित भयो । यस्तै अनिल कुमार शाहले २३ रन, पारस खड्काले १६ र दिलिप नाथले १० रन बनाएका थिए ।

महेन्द्रनगर युनाइटेडलाई जित दिलाउन उसका अविनाश कर्णले २२ रन खर्चेर ३ विकेट, पुनित मेहरा, भुवन कार्की र रोबीन छेत्रीले समान २/२ विकेट तथा हरिशंकर शाहले १ विकेट लिएका थिए ।

खेलमा उत्कृस्ट आक्रामक ब्याटिंग गर्दै अविजित ३८ रन तथा बलिंगतर्फ २ विकेट लिएका महेन्द्रनगरका भारतीय खेलाडी पुनित मेहरा म्यान अफ द म्याच घोषित भए ।





थप समाचार

बिग ब्यास : पर्थद्वारा ब्रिसबेन फराकिलो अन्तरले पराजित

अष्ट्रेलियामा जारि १० औं संस्करणको बिग ब्यास लिग अन्तर्गत मंगलबार सम्पन्न ४४ औं खेलमा एश्टन टर्नर कप्तानीको पर्थ स्कर्चर्सले क्रिस […]

सन्दिप, अनिल र सौरभ चम्किदा लुम्बिनीको विजयी सुरुवात

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिनको समुह ‘बि’ अन्तर्गतको खेलमा लुम्बिनी प्रदेशले विजयी सुरुवात गर्ने क्रममा प्रदेश-२ लाई […]

कर्णाली प्रदेशको ऐतिहासिक जित

प्रधानमन्त्री कप एकदिवसीय राष्ट्रिय प्रतियोगितामा गण्डकी प्रदेशलाई पराजित गर्दै कर्णाली प्रदेशले ऐतिहासिक जित दर्ता गरेको छ। घरेलु राष्ट्रिय प्रतियोगितामा कर्णाली […]

सन्दिप र सौरभ चम्किदा लुम्बिनीद्वारा प्रदेश-२ लाई चुनौतीपूर्ण लक्ष्य

प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिन टियु मैदान कीर्तिपुरमा समुह ‘बि’ अन्तर्गत खेलमा लुम्बिनी प्रदेश र प्रदेश-२ प्रतिस्पर्धा […]

गण्डकीद्वारा कर्णालीलाई २०५ रनको लक्ष्य

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत मुलपानी मैदानमा जारि समुह ‘ए’ अन्तर्गतको खेलमा गण्डकी प्रदेश र कर्णाली प्रदेश […]

प्रम कपमा आज दुई खेल हुँदै

काठमाडौँमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत पाँचौ दिन मंगलबार दुईवटा खेलहरु हुनेछन्। टियु मैदानमा लुम्बिनी प्रदेश र प्रदेश-२ […]