पुनित मेहराले शानदार अल-राउण्ड प्रदर्शन गर्दा रुपन्देहीसंग बिराटनगर पराजित



धनगढी प्रिमियर लिग (डिपिएल) क्रिकेटको तेस्रो संस्करण अन्तर्गत दोश्रो दिनको दोश्रो खेलमा रुपन्देही च्यालेन्जर्सले बिराटनगर किंग्सलाई ५ विकेट ले पराजित गरेको छ।

यो संगै रुपन्देहीले लगातार २ खेलमा जित निकाल्यो भने बिराटनगरले पहिलो खेलमा हारको सामना गर्यो। रुपन्देहीले हिजो भएको खेलमा महेन्द्रनगर युनाइटेडलाई २ रनले पराजित गरको थियो। बिराटनगर किंग्सले दिएको ९४ रनको लक्ष्य पछ्याउने क्रममा रुपन्देही च्यालेन्जर्सले १३.१ मात्र ५ विकेट गुमाएर पुरा गर्यो।

उसका लागि पुनित मेहराले ४६ रनको आक्रामक र सम्हालिएको पारि खेले। २६ बलको सामना गरेका उनले २ चौका र ४ छक्का हाने।

खराब सुरुवात गरेको रुपन्देहीले मात्र १९ रनमा ३ विकेट गुमाएको थियो। सन्दिप सुनार (०), प्रदिप ऐरी (२) र बिनोद भण्डारी (७) आउट भएका थिए। त्यस्तै बाबर हयात पनि १७ रन (२३ बल, १ चौका, १ छक्का) बनाएर आउट भए।

जितको लागि पुनित मेहरा आउट हुँदा १३ रन आबश्यक रहेका बेला कप्तान बसन्त रेग्मी र भिम सार्कीले ५ बलमा १४ रन (१ छक्का, १ चौका) को साझेदारी गर्दै खेल जिताए। बसन्त रेग्मी अविजित ८ रन (५ बल, १ छक्का) र भिम सार्की अविजित १२ रन (१३ बल, १ चौका) मा रहे।

बलिंगतर्फ अभिनास यादवले १६ रन खर्चेर २ विकेट लिए। सुशन भारी, संसाद शेख र करण केसीको नाममा १/१ विकेट रह्यो।

यसअघि टस जितेर पहिले ब्याटिंग गरेको बिराटनगर किंग्सले निर्धारित २० ओभरमा ९ विकेट गुमाएर ९३ रन बनाएको थियो।

खराब सुरुवात गरेको उसले मात्र १३ रनमा दुवै ओपनर गुमायो। हरिशंकर शाह डकआउट हुँदा आसिफ शेख ८ बलमा ८ रन बनाएर आउट भए।

त्यसपछि बिदेशी खेलाडी असाद पठान १६ रन, पृथु बास्कोटा ४ रन, सुवास ऐर ९ रन, संसाद शेख १० रन, कुशल भुर्तेल १२ रन, अभिनास यादव ७ रन र करण केसी २ रन बनाएर आउट भए।

सुबास ऐर प्रतियोगिताकै सबैभन्दा कान्छा खेलाडी हुन्। १५ बर्षीय उनले ट्यालेन्ट हन्ट मार्फत विराटनगरको टिममा स्थान बनाएका थिए।

८० रनमा नबौ विकेट गुमाएको बिराटनगरका राजेश पुलामीले अन्तिम ओभरमा १२ रन बटुले। उनले ललित भण्डारीको पहिलो बलमा छक्का तथा अन्तिम ३ बलमा प्रत्येक बलमा २ रन दौडिए। पुलामी अविजित १७ रन (१४ बल, १ छक्का) मा रहे। सुशान भारीले २ बलको सामना गरे।

राजेश पुलामी
बलिंगतर्फ पुनित मेहराले ३ विकेट लिन ४ ओभरमा २० रन खर्चिए। बसन्त रेग्मी र ललित भण्डारीले समान २/२ विकेट हात पारे। बिक्रम सोभ र कृष्ण कार्कीको नाममा १/१ विकेट रह्यो।





थप समाचार

कुशल र आसिफले कीर्तिमानी साझेदारी गर्दा नेपालको शानदार जित

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत पहिलो खेलमा नेपालले नेदरल्याण्डलाई पराजित गर्दै विजयी सुरुवात गरेको छ। टियु […]

नेदरल्याण्डद्वारा नेपाललाई मध्यम लक्ष्य

नेपाल, नेदरल्याण्ड र मलेसिया बीच त्रिकोणात्मक टि-ट्वान्टी सिरिज सुरु भएको छ। सिरिज अन्तर्गत पहिलो खेलमा नेदरल्याण्ड र नेपाल प्रतिस्पर्धा गर्दैछन्। टियु […]

ट्राइ सिरिज : नेपालले पहिले फिल्डिंग रोज्यो, कुशल, आसिफ र शाहबले डेब्यु गर्दै

नेपाल, नेदरल्याण्ड र मलेसिया सम्मिलित त्रिकोणात्मक टि-ट्वान्टी सिरिज अन्तर्गत उद्घाटन खेलमा शनिवार नेपाल र नेदरल्याण्ड प्रतिस्पर्धा गर्दैछन्। खेल टियु अन्तर्राष्ट्रिय […]

ट्राई सिरिज : नेपाल र नेदरल्याण्ड आज खेल्दै , कस्तो होला नेपालको अन्तिम-११

नेपाली भूमिमा पहिलो पटक त्रिकोणात्मक टि-ट्वान्टी अन्तर्राष्ट्रिय सिरिजको आयोजना शनिवार देखि सुरु हुँदैछ। नेपालले घरेलु भूमिमा नेदरल्याण्ड र मलेसियासंग टि-ट्वान्टी […]

IPL : चेन्नाईद्वारा पन्जाब ६ विकेटले पराजित

पन्जाब किंग्सलाई ६  विकेटले पराजित गर्दै चेन्नाई सुपर किंग्सले आईपीएल १४ मा पहिलो जित दर्ता गएको छ। पछिल्लो खेलमा चेन्नाई […]

दक्षिण अफ्रीका ३ विकेटले पराजित, पाकिस्तानले जित्यो सिरिज

दक्षिण अफ्रीकालाई रोमान्चक प्रतिस्पर्धामा ३ विकेटले पराजित गर्दै पाकिस्तानले घरेलु टोलि दक्षिण अफ्रीका बिरुद्धको चार वटा टि-२० को सिरिज ३-१ […]