शतकबाट १ रनले चुके अग्रवाल, पन्जाबद्वारा दिल्लीलाई १६७ रनको लक्ष्य



मायाँक अग्रवालले उत्कृस्ट ब्याटिंग गर्दा १४ औं आईपीएल अन्तर्गत २९ औं खेलमा पन्जाब किंग्सले दिल्ली क्यापिटल्सलाई १६७ रनको लक्ष्य प्रस्तुत गरेको छ।

नरेन्द्र मोदी स्टेडियम अहमदावादमा जारि खेलमा पन्जाबले २० ओभरमा ६ विकेट क्षेतीमा १६६ रन बनाएको हो।

टस हारेर ब्याटिंग गरेको पन्जाबको सुरुवात राम्रो हुन सकेन। ओपनर प्रभसिमरन सिंह १२ र क्रिस गेल १३ रन बनाएर कागीसो रबाडाबाट आउट भए।

तेश्रो विकेटको लागि अर्का ओपनर मायाँक अग्रवालले दविड मलानसंग ५२ रन जोडे। २६ रन बनाएका मलान र १ रन बनाएका दिपक हुडा १४ औं ओभरमा आउट भए। मलानलाई अक्षर पटेलले बोल्ड गरे भने हुडा रन आउट भए।

अग्रवालले पाँचौ विकेटको लागि शाहरुख खानसंग ४१ रन जोडे। खान ४ रन बनाएर अठारौं ओभरमा आभेस खानबाट क्याच आउट भए। लगत्तै ओभरमा २ रन बनाएका क्रिस जोर्डनलाई रबाडाले क्याच आउट गराए।

मायाँक अग्रवालले अन्तिमसम्म ब्याटिंग गर्दै ९९ रनमा अविजित रहे। उनले ५८ बलमा ८ चौका र ४ छक्का प्रहार गरे। अग्रवालले इनिंग्सको अन्तिम ओभरमा आभेस खानलाई अन्तिम ३ बलमा चौका, छक्का र चौका प्रहार गरेता पनि दोश्रो आईपीएल शतक बनाउन १ रनले चुक्न पुगे।

दिल्लीको बलिंगमा कागीसो रबाडाले सर्वाधिक ३ विकेट लिए जुन क्रममा ४ ओभर बलिंग गर्दा ३ विकेट लिए। अक्षर पटेल ( ४-०-२१-१ ) र आभेस खान ( ४-०-३९-१ ) ले समान १ विकेट लिए।

खेलमा केएल राहुलको अनुपस्थितिमा मायाँक अग्रवालले पन्जाब किंग्सको कप्तानी गरिरहेका छन्। कप्तान केएल राहुल एपेन्डीसाईटिस भएका कारण अस्पताल भर्ना हुँदा अग्रवालले जिम्मेवारी पाएका हुन्।

लिग अंकतालिकामा दिल्ली ७ खेलमा ५ जित र २ हार पछि १० अंक बटुल्दै दोश्रो स्थानमा छ। छैठौं स्थानमा रहेको पन्जाबले ७ खेलमा ३ जित र ४ हार पछि ६ अंक बटुलेको छ। आजको जितले दिल्ली अंकतालिकाको शिर्षस्थानमा उक्लनेछ।

यो पनि पढ्नुस 

बटलर, मोरिस र रहमान चम्किदा राजस्थानको जित, यस्तो छ अंकतालिकाको अवस्था

IPL : पन्जाबलाई झट्का, एपेन्डीसाईटिस हुँदा कप्तान केएल राहुल अस्पताल भर्ना

नेपाली खेलाडी सुनम गौतम महँगो मूल्यमा अस्ट्रेलियाको ब्रिसबेन प्रिमियर लिग खेल्न छनोट





थप समाचार

भारतले फलो-अन जोगाउन सकेन, दोश्रो इनिंग्समा राम्रो सुरुवात

भारतीय महिला टिमको इंग्ल्यान्ड भ्रमण अन्तर्गत एकमात्र टेस्टको तेश्रो दिनको खेल समाप्त हुँदा घरेलु टोलि बलियो स्थितिमा रहेको छ। इंग्ल्यान्डले […]

टेस्ट च्याम्पियनसिपको पहिलो दिन टस नभई रद्द, जान्नुस भोलिको मौसम कस्तो हुनेछ

भारत र न्युजिल्यान्ड बीच आईसीसी वर्ल्ड टेस्ट च्याम्पियनसिप अन्तर्गत पहिलो दिन निराशाजनक अन्त्य भएको छ। इङ्ग्ल्याडको साउथह्याम्पटनमा टेस्टको सुरुवाती दिन […]

कीर्तिमानी ओ ब्रायनद्वारा ओडीआई क्रिकेटबाट सन्यास

आयरल्याण्डका स्टार अलराउण्डर केभिन ओ ब्रायनले एकदिवसीय अन्तर्राष्ट्रिय क्रिकेटबाट सन्यास घोषणा गरेका छन्। क्रिकेट आयरल्याण्डले शुक्रबार ( जुन १८ ) […]

नामिबिया र स्कटल्याण्ड बिरुद्ध सिरिजको लागि प्रारम्भिक नेपाली टिमको घोषणा

आईसीसी विश्व क्रिकेट लिग-२ अन्तर्गत स्पेनमा आयोजना हुने नेपाल, नामिबिया र स्कटल्याण्ड बीचको त्रिकोणात्मक एकदिवसीय अन्तर्राष्ट्रिय सिरिजको लागि २० सदस्यीय […]

वर्ल्ड टेस्ट च्याम्पियनसिप फाइनल अघि थाहा पाउनुस १० महत्वपूर्ण जानकारी

इंग्ल्यान्डको साउथह्याम्प्टनमा आज आईसीसी वर्ल्ड टेस्ट च्याम्पियनसिपको फाइनल खेलिंदैछ। टेस्ट क्रिकेट इतिहासमै पहिलो पटक भारत र न्युजिल्यान्ड उपाधिको लागि प्रतिस्पर्धा […]

मन्धना र वर्माको कीर्तिमानी साझेदारी पछि इंग्ल्यान्डको उत्कृस्ट पुनरागमन

भारतीय महिला क्रिकेट टिमको इंग्ल्यान्ड भ्रमण अन्तर्गत एक मात्र टेस्ट अन्तर्गत दोश्रो दिनको खेल समाप्त भएको छ। इंग्ल्यान्डले पहिलो इनिंग्समा […]