निकोलस पुरनको सिपिएल इतिहासकै तेश्रो छिटो शतक, गायनाको जित

निकोलस पुरनले सिपिएल टि-२० इतिहासकै तेश्रो छिटो शतक बनाएपछि सोमबार बिहान सम्पन्न लिगको २० औं खेलमा गायना अमेजन वारियर्सले सेन्ट किट्स एन्ड नेभिस पेट्रिएट्सलाई ७ विकेटले पराजित गरेको छ।

ट्रिनिडाड एन्ड टोबागो स्थित क्विन्स पार्क ओभल मैदानमा सम्पन्न खेलमा टस हारेर ब्याटिंग गर्दै सेन्ट किट्सले दिएको १५१ रनको लक्ष्य गायनाले १७.३ ओभरमा मात्र ३ विकेट गुमाएर भेटायो।

शतक पुरा गर्दै खेल जिताएपछि पुरन र टेलर

खराब सुरुवात गरेको गायनाले २५ रनमा ३ विकेट गुमाएको अवस्थामा चौथो नम्बरमा ब्याटिंग गर्न आएका विकेट किपर ब्याट्सम्यान निकोलस पुरनले टिमलाई जितसम्म डोर्याए। यस क्रममा बायाँ हाते ब्याट्सम्यानले रस टेलरसंग १२८ रनको साझेदारी गरे। पुरनले १०० रन तथा टेलरले २५ रन बनाए।

टि-२० करियरकै पहिलो शतक बनाएका टेलरले १०० रन बनाउने क्रममा मात्र ४५ बलमा १० छक्का र ४ चौका हिर्काए। १८ औं ओभरको पहिलो ३ बलमा इश सोढ़ीलाई लगातार ३ छक्का प्रहार गर्दै पुरनले टिमलाई जित तथा शतक समेत पुरा गरेका थिए।

सिपिएल इतिहासकै तेश्रो छिटो शतक :- पुरनको शतक सिपिएल टि-२० को आठौँ संस्करण चल्दै गर्दा तेश्रो छिटो शतक हो। सबैभन्दा छिटो शतक बनाउने रेकर्ड सिपिएलमा आन्द्रे रसेलको नाममा रहेको छ। रसेलले २०१८ मा ट्रिनबागो बिरुद्ध सबैभन्दा छिटो ४० बलमा तथा ट्रिनबागो बिरुद्धनै २०१६ मा ४२ बलमा शतक बनाएका थिए। २०१८ मा शिमरन हेटमायरले ४७ बलमा तथा २०१६ मा क्रिस गेलले ४९ बलमा शतक बनाएका थिए।

सेन्ट किट्सको इनिंग 

यस अघि टस हारेर ब्याटिंग गर्दै सेन्ट किट्सले २० ओभरमा ५ विकेट गुमाएर १५० रन बनाएको थियो। उसको लागि जोशुवा दा सिल्भाले सर्वाधिक ५९ रन ( ५६ बलमा ५ चौका र २ छक्का ) बनाए। यस्तै दिनेश रामदिनले ३७, बेन डंकले १९ तथा इभिन लुइसले १५ रन बनाए।

गायनाको बलिंगमा कप्तान क्रिस ग्रिनले २ विकेट ( २/३१ ) तथा केभिन सिन्क्लेयर ( १/९ ) र रोमारियो शेफर्ड ( /१३ ) ले समान १/१ विकेट लिए। इमरान ताहिर ४ ओभरमा २१ रन खर्चेर विकेटविहिन रहे।

अंकतालिका र आगामी खेल 

जितपछि गायना जमैका र बार्बेडोसलाई पछि पार्दै तेश्रो स्थानमा उक्लेको छ। सेन्ट किट्स भने लगातार तेश्रो हार पछि ७ खेलमा १ जित र ६ हार बेहोर्दै पुछारमा यथावत रहेको छ। अपराजित रहँदै ट्रिनबागो शिर्ष स्थानमा यथावत छ।

लिग अन्तर्गत आज कुनै पनि खेल खेलिनेछैनन्। मंगलबार राति ७:४५ बजे नेपाली स्पिनर सन्दिप लामिछानेको टिम जमैकाले ट्रिनबागो नाइट राइडर्ससंग प्रतिस्पर्धा गर्नेछ। बुधबार बिहान ३:१५ बजे गायनाले बार्बेडोससंग प्रतिस्पर्धा गर्नेछ।

यो पनि पढ्नुस :-

९३ रनको लक्ष्य पछ्याउन नसक्दा रोमान्चक खेलमा बार्बेडोस पराजित

मोर्गन र मलान चम्किदा इंग्ल्यान्डको शानदार जित

आईपिएल: चेन्नाई र बैंगलोर दुवै टिमबाट खेलेका ३ चर्चित खेलाडी

CPL : पोलार्डले अपत्यारिलो ब्याटिंग गर्दा ट्रिनबागोको सनसनीपूर्ण जित

IPL : ५ महिना पछि अभ्यासमा फर्किए कोहली ( फोटो फिचर )

पितालाई ‘ब्रेन क्यान्सर’ भएको खबर पछि १ हफ्ता सुत्न सकेका थिएनन् स्टोक्स

IPL : चेन्नाईलाई अर्को झट्का, चाहर पछि अर्को खेलाडीलाई पनि कोरोना

IPL 2020 : पर्पल क्याप जित्न सक्ने ५ बलर