कतारद्वारा मलेसिया ४ विकेटले पराजित, अंकतालिकामा को कति नम्बरमा



आईसीसी टि-२० विश्वकप छनौट ( एसिया फाइनल ) प्रतियोगिता अन्तर्गत शनिवार सम्पन्न दोश्रो खेलमा कतारले मलेसियालाई ४ विकेटले पराजित गरेको छ। पहिलो खेलमा नेपालले कुवेतलाई ७ विकेटले पराजित गरेको थियो।

खेलमा टस जितेर ब्याटिंग मलेसियाले १९.१ ओभरमा सबै विकेट गुमेर १४४ रन बनाएको थियो। कतारले १९.४ ओभरमा ६ विकेट गुमाएर लक्ष्य पुरा गर्यो।

पहिलो ५ विकेट ८६ रनको योगफलमा गुमाएको कतारको लागि नौमन सरवारले अविजित ४७ रन बनाउदै जित दिलाएका थिएय। उनले ३७ बलमा २ चौका र २ छक्का प्रहार गरे। छैठौं विकेटको लागि उनले कलन्दर खानसंग ५७ रनको साझेदारी गरे।  यस अघि मलेसियाको ब्याटिंगमा भिरनदिप सिंहले सर्वाधिक ४९ रन बनाएका थिए। कतार बलर मोहम्मद नदीम र इकबाल हुसेनले ३/३ विकेट लिए।

कतारले पहिलो खेलमा सिंगापुरसंग ३३ रनको हार बेहोरेको थियो भने दोश्रो खेलमा नेपाललाई ४ विकेटले पराजित गरेको थियो। तेश्रो खेलमा कतारलाई कुवेतले १० रनले पराजित गरेको थियो। मलेसियाले भने पहिलो खेलमा कुवेतलाई ४२ रनले पराजित गरेको थियो तर त्यसपछि नेपालसंग ७ विकेटले, सिंगापुरसंग ८ विकेटले पराजित भएको थियो।

अंकतालिका, सिंगापुरसंग गर या मरको अवस्थामा नेपाल 

दोश्रो जित पछि कतारको सबै ४ खेल खेल्दा २ जित र २ हार सहित ४ अंक भएको छ र अंक तालिकामा तेश्रो स्थानमा रहेको छ। मलेसिया भने ४ खेलमा १ जित र ३ हार बेहोर्दै २ अंक सहित अन्तिम स्थानमा रह्यो। ३ अंक रहेको कुवेत चौथो स्थानमा छ।

१/१ खेल खेल्न बाँकी रहेको अवस्थामा अंक तालिकामा पहिलो स्थानमा रहेको सिंगापुरको ५ अंक रहेको छ भने दोश्रो स्थानमा नेपालको ४ अंक रहेको छ। नेपालले अन्तिम खेलमा भोलि सिंगापुरलाई जिते नेपालको ६ अंक हुनेछ। फाइनल खेल वर्षाले अबरुद्ध भएको अवस्थामा १/१ अंक बाड्नु पर्यो भने नेट रन रेटमा अघि रहेकोले सिंगापुर विजेता बन्नेछ।

अब आइतबार नेपाल र सिंगापुर बीचको खेल जित्ने टिम प्रतियोगिताको विजेता हुनेछ। भोलिको खेल अघोषित फाइनल जस्तै भएको छ।

टि-२० अन्तर्राष्ट्रिय वरियतामा सिंगापुर २३ औं स्थानमा रहेको टिम हो। प्रतियोगितामा अपराजित रहेको सिंगापुरले पहिलो खेलमा कतारलाई ३३ रनले पराजित गरेको थियो भने कुवेतसंगको दोश्रो खेल वर्षाले नहुँदा १/१ अंक बाँडेको थियो। तेश्रो खेलमा सिंगापुरले मलेसियालाई ८ विकेटले पराजित गरेको थियो।

सिंगापुरसंग हेड टु हेड 

इतिहासको कुरा गर्दा नेपाल र सिंगापुरले सिंगापुरसंग हालसम्म ३ वटा टि-२० खेल खेलेको छ। त्यस मध्ये २ वटा नेपालले जितेको छ भने एउटा खेल वर्षाले सम्पन्न हुन पाएको थिएन।

सन् २००९ को एसीसी टि-२० मा नेपालले सिंगापुरलाई ९ विकेटले तथा त्यसपछि २०१३ को एसीसी टि-२० मा १२१ रनले पराजित गरेको थियो। गत वर्ष अक्टोबरमा मलेसियामा आयोजित टि-२० विश्वकप एसिया छनौट ( बि ) को खेल वर्षाले पुरा हुन पाएको थिएन। उक्त खेलमा सिंगापुरले पहिले ब्याटिंग गर्दै ८१ मा सबै विकेट गुमाएको थियो। दोश्रो इनिंगको ३ बल मात्रै खेल भएको थियो। उक्त खेलमा सन्दिप लामिछानेले ४ तथा सोमपाल कामि र करन केसीले २/२ विकेट लिएका थिए।

 

 





थप समाचार

T20WC : ‘गर या मर’ को खेलमा बंगलादेशद्वारा ओमान पराजित

सुपर-१२ चरण प्रवेशको सम्भावना जीवित राख्न जित्नै पर्ने खेलमा बंगलादेशले ओमानलाई २६ रनले पराजित गरेको छ। प्रतियोगिता अन्तर्गत पहिलो खेलमा बंगलादेश […]

‘गर या मर’को स्थितिमा रहेको बंगलादेशद्वारा ओमानलाई १५४ रनको लक्ष्य

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह ‘बि’ अन्तर्गतको खेलमा बंगलादेश र आयोजक ओमान प्रतिस्पर्धा […]

T20WC : बेरिंगटन र डेभि चम्किंदा स्कटल्याण्डले लगातार दोश्रो जित

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह चरणको समुह ‘बि’ अन्तर्गतको खेलमा स्कटल्याण्डले दोश्रो जित […]

टि-२० विश्वकप : कोहलीले बताए आफ्नो ब्याटिंग क्रम

युएई र ओमानमा जारी सातौँ संस्करणको टि-ट्वान्टी विश्वकपमा भारतीय कप्तान बिराट कोहलीले आफ्नो ब्याटिंग क्रम घोषणा गरेका छन्। भारतले विश्वकपको सुपर-१२ […]

प्रतिस्पर्धात्मक खेलमा अस्ट्रेलियाद्वारा न्युजिल्यान्ड ३ विकेटले पराजित

युएई र ओमानमा संयुक्त रुपमा जारि टि-ट्वान्टी विश्वकप अन्तर्गत गय राति सम्पन्न वार्म-अप खेलमा अस्ट्रेलियाले रोमान्चक प्रतिस्पर्धामा न्युजिल्यान्डलाई ३ विकेटले […]

प्रदेशस्तरीय मिथिला कप टि–ट्वान्टी क्रिकेट प्रतियोगिता हुने

सप्तरी- राजविराजमा बुधबारदेखि प्रदेशस्तरीय मिथिला कप टि–ट्वान्टी क्रिकेट प्रतियोगीता हुने भएको छ । सप्तरी क्रिकेट सङ्घको समन्वयमा आयोजना गरिने खेलमा […]