टेस्ट क्रिकेटबाट डीककको अचानक सन्यास “परिवार मेरो लागि सबथोक हो”



दक्षी अफ्रिकी विकेटकिपर ब्याट्सम्यान क्विन्टन डीककले अचानक तत्काल लागु हुने गरि टेस्ट क्रिकेटबाट सन्यास घोषणा गरेका छन्।

भारत बिरुद्ध जारि टेस्ट सिरिजको दौरान दोश्रो र तेश्रो टेस्टको लागि यस अघिनै सुत्केरी विदा लिएका डीककले लामो फर्म्याटबाट सधैंको लागि विदा लिएका हुन्। उनि भारत बिरुद्ध टेस्ट सिरिज पछि खेलिने तिन एकदिवसीय अन्तर्राष्ट्रिय सिरिजको लागि भने उपलब्ध छन्।

“यो निर्णयसम्म म सहजै पुगेको हैन।” क्रिकेट दक्षिण अफ्रीकाद्वारा जारि बिज्ञप्तिमा डीककले बताएका छन्। “मैले मेरो भविष्य कस्तो देखिन्छ बारे धेरै समय सोचे। मेरो जीवनको अर्को प्राथमिकता सशा ( श्रीमती ) र मैले हाम्रो पहिलो बच्चालाई जन्म दिंदै छौँ र परिवारलाई अझ अगाडी बढाउन चाहन्छौं। मेरो परिवार मेरो लागि सबथोक हो र म उनीहरुसंग मेरो जीवनको नयाँ र रोचक किस्सामा अझ धेरै समय हिस्सा लिन चाहन्छु।” डीककले बताए।

“मलाई टेस्ट क्रिकेट मन पर्छ र देशको प्रतिनिधित्व गर्नु त्यसै अन्तर्गत पर्छ। मैले मेरा सबै उतारचढावको मजा लिएको छु, सुखद र दुखद समयको, तर अहिले मैले त्यो कुरा पाएको छु जसलाई म अझै बढी माया गर्छु। जीवनमा समय बाहेक तपाई सबै कुरा किन्न सक्नुहुन्छ र हाल मैले मेरो सबैभन्दा महत्वपूर्ण मान्छेको लागि सहि गर्ने समय आएको छ।”

“म यो अवसरमा मेरो टेस्ट अच्रिकेट यात्रामा सुरुवात देखि साथ दिने मेरो प्रशिक्षकहरु, साथीहरु, व्यवस्थापन टिम, मेरो परिवारलाई धन्यवाद दिन चाहन्छु जसको साथ बिना यो सम्भव थिएन।”

“यो मेरो प्रोटि करियरको अन्त्य हैन। म सेतो बल क्रिकेटमा देशलाई प्रतिनिधित्व गर्न पूर्णतः यार छु। भारत बिरुद्ध बाँकी टेस्ट सिरिजको लागि साथी खेलाडीहरुलाई शुभकामना। एकदिवसीय र टि-२० मा भेटौंला।”

२९ वर्षीय डीककले सन् २०२१ को सुरुवात दक्षिण अफ्रीकाको अस्थाई कप्तानको रुपमा सुरु गरेका थिए जसला वर्षको अन्त्य टेस्टबाट सन्यासको रुपमा गरेका छन्। उनले दक्षिण अफ्रीकाको लागि ४ टेस्टमा कप्तानी गर्ने क्रममा २ जित र २ हार बेहोरे।

२०१४ मा टेस्ट डेब्यु गरेका उनले देशको लागि ५४ टेस्ट खेलेका उनले ३८.८२ को औशतले ३,३०० रन बनाउदा ६ शतक र २२ अर्धशतक प्रहार गरेका छन्। भारत बिरुद्ध अन्तिम टेस्टमा उनले ३४ र २१ रन बनाए भने ४ र ३ गरि विकेटकिपरको रुपमा कुल ७ क्याच समेत लिए। सन् २०१६ मा करियरको उच्च लयमा रहेका उनले उक्त वर्ष २ शतक र ५ अर्धशतक मद्दतले ६३.१८ को औशतमा रन बनएका थिए।

“क्विन्टन जस्तो क्षमताको खेलाडी जो युवा छ र अझै करियरको उच्च स्थानमा पुग्न बाँकी छ उनलाई गुमाउनु दुखदायी छ। तर परिवार सबैकुरा हो।” क्रिकेट दक्षिण अफ्रीकाका कार्यवाहक सीईओ फोलेट्सी मोसेकीले बिज्ञप्ति मार्फत बताएका छन्।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]