PSL : सरफराज कप्तानीको क्वेटाको दोश्रो जित



लाहोर कलन्दर्सलाई १८ रनले पराजित गर्दै क्वेटा ग्ल्याडीएटर्सले पाकिस्तान सुपर लिगमा आठौँ खेल खेल्दा दोश्रो जित दर्ता गरेको छ।

शेख जायद स्टेडियम, अबुधाबीमा सम्पन्न खेलमा क्वेटाले दिएको १५९ रनको लक्ष्य पछ्याउने क्रममा लाहोरले १८ ओभरमा सम्पूर्ण विकेट गुमाएर १४० रन मात्र बनाउन सक्यो।

लाहोरको लागि टिम डेभिडले सर्वाधिक ४६ रन, हरिस रौफले अविजित १९ रन, जिशान अशरफले १६ रन योगदान दिए।

अत्यन्त खराब सुरुवात गरेको लाहोरले ६६ रनको योगफलमा ७ विकेट गुमाएको थियो। छैठौं नम्बरमा ब्याटिंग गरेका टिम डेभिडले एक किनार सम्हालेर ब्याटिंग गरेता पनि अन्य ब्याट्सम्यानले उनलाई साथ दिएनन्। इनिंग्सको अन्तिममा हरिफ रौफले केहि आक्रामक सट प्रहार गरेता पनि गरेता पनि जितसम्म पुर्याउन सकेनन्।

क्वेटाको बलिंगमा उस्मान शिनवारि ( ४-०-३२-३ ) र खुर्रम शाहजाद ( ३-०-१४-३ ) ले समान ३ विकेट लिए भने मोहम्मद हसनैन ( ४-०-४०-२ ) र मोहम्मद नवाजले ( ४-०-१६-२ ) समान २ विकेट लिए।


यस अघि टस हारेर ब्याटिंग गरेको क्वेटाले २० ओभर ब्याटिंग गर्दै ५ विकेट क्षेतीमा १५८ रन बनाएको थियो।

क्वेटाको ब्याटिंगमा ओपनर जेक वेदराल्डले सर्वाधिक ४८ रन, कप्तान सरफराज अहमदले अविजित ३४ रन, आजम खानले ३३ रन योगदान दिए। लाहोरका बलर जेम्स फल्कनरले सर्वाधिक ३ विकेट ( ४-०-२५-३ ) लिए भने मोहम्मद हफिज र राशिद खानले समान १ विकेट लिए।

अंकतालिका 

जितपछि क्वेटा ८ खेलमा २ जित र ६ हारको साथ ४ अंकको साथ अंकतालिकाको पुछारमा यथावत रहेको छ। हार पछि पनि लाहोर १० अंक सहित दोश्रो स्थानमा रहेको छ जसले ८ खेलमा ५ जित र ३ हार बेहोरेको छ।





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]