स्टेन र रबाडा चोटमुक्त, विश्वकपको उद्घाटन खेल खेल्ने



  • विकेटनेपाल, जेठ २ – बिहिबार

दक्षिण अफ्रिकाको तिब्र गतिका हतियार डेल स्टेन र कागीसो रबाडा मे ३० तारिखदेखि सुरु हुने विश्वकपको उद्घाटन खेलमा खेल्ने भएका छन्। दक्षिण अफ्रिकाले उद्घाटन खेलमा आयोजक  इंग्ल्याण्डको सामना गर्नेछ।

इन्डियन प्रिमियर लिगको दौरान दुवै खेलाडी घाइते भएका थिए। विश्वकपको लागि इंग्ल्याण्ड प्रस्थान गर्नुअघि एकहप्ता चलेको प्रशिक्षण सत्रको क्रममा प्रशिक्षक ओट्टिस गिब्सनले दुवै खेलाडी पूर्ण रुपमा चोटमुक्त हुने बताएका छन्। उनले भनेका छन्, “रबाडा र स्टेन दुवैजना आइपिएलको दौरान घाइते भएका थिए तर विश्वकपको पहिलो खेलअघि पूर्ण रुपमा तयार हुनेछन्।”

आइपिएल खेल्न भारतमा रहेका, दक्षिण अफ्रिकामा नै रहेका र इंग्ल्याण्डको घरेलु क्रिकेट खेलीरहेका विश्वकप टिमका सदस्यहरु मंगलबार केप टाउनमा भेट भएका थिए।

स्टेनले आइपिएल अन्तर्गत रोयल च्यालेंजर्स बैंगलोरलाई खेलेका दुवै खेलमा जित दिलाउन ४ विकेट लिएका थिए। यस्तै रबाडाले दिल्ली क्यापिटल्सको लागि १२ खेलमा २५ विकेट लिंदै प्रतियोगितामा सर्बाधिक विकेट लिने खेलाडीको सुचिमा इमरान ताहिरपछी दोश्रो नम्बरमा रहेका थिए।

इतिहासलाई बिर्सेर खेल्नेछौँ

दक्षिण अफ्रिकाले हरेक विश्वकपमा दाबेदारी प्रस्तुत गर्ने गर्छ, सुरुवाती खेलहरुमा उत्कृस्ट प्रदर्शन पनि गर्छ तर जब टिमलाई जित्नैपर्ने अवस्था आउँछ अनि पराजित भएर बाहिरिन्छ। बिगतका संस्करणमा हामीले देखेको दक्षिण अफ्रिकाको प्रदर्शन यहि किसिमको देखिन्थ्यो।

यहि प्रश्नको खण्डन गर्दै प्रशिक्षक गिब्सनले आफुहरुले नया सुरुवात गर्न चाहेको र यो संस्करणमा इतिहासलाई बिर्सेर अगाडी बढ्ने बिश्वास ब्यक्त गरे। “इतिहासका कुरा इतिहास भए, हामि यी कुराहरुलाई यो विश्वकपमा संगै लैजान चाहँदैनौं। हामि राम्रो क्रिकेट  खेल्न चाहन्छौं” उनले भने।

दक्षिण अफ्रिकाको लागि रबाडा र स्टेन चोटमुक्त हुनु खुसिको कुरा भएपनि ओपनर हसिम अमलाको पछिल्लो प्रदर्शन चिन्ताको बिषय रहेको छ। इंग्ल्याण्डमा उनको औसत ५६ भन्दा माथिको रहेपनि पछिल्लो समय पाकिस्तानसंगको सिरिज र त्यसअघि उनको प्रदर्शन कमजोर छ।   उनले आफ्नो प्रदर्शनलाई सुधार्न र दिमाग एकत्रित गर्नको लागि सीएसए च्यालेन्ज टि२० पनि बिचमा नै छाडेका थिए। त्यसपछि उनले ब्याटिंग प्रशिक्षकसँग धेरै समय बिताए।

दक्षिण अफ्रिकाको विश्वकप खेल्ने टिम: फाफ डु प्लेसिस (कप्तान), क्विन्टन डि कक्, हसिम अमला, रस्सी भान डर डसेन, डेविड मिलर, एण्डिले फेह्लुक्वायो, जेपी डुमिनि, ड्वैन प्रेटोरियस, डेल स्टेन, कागीसो रबाडा, लुङ्गी एन्गिडी, एन्रिच नोर्ट्जे, इमरान ताहिर, त्रबिज साम्सी

(स्टोरी: क्रिकइन्फो)





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]