IPL : ताजा अंकतालिका, रबाडालाई पर्पल क्याप, अरेन्ज क्याप दौडमा को-को छन्



आईपीएल २०२० अन्तर्गत मंगलबार श्रेयस ऐयर कप्तानीको दिल्ली क्यापिटल्सले बिराट कोहली कप्तानीको रोयल च्यालेन्जर्स बैंगलोरलाई ५९ रनको ठूलो अन्तरले पराजित गर्यो। टस हारेर पहिले ब्याटिंग गर्दै दिल्लीले दिएको १९७ रनको लक्ष्य पछ्याउने क्रममा बैंगलोरले १३७ रन मात्र बनाउन सक्यो। रबाडाको सिजनकै उत्कृस्ट बलिंग

५ खेल खेल्दा १ खेलमा मात्र पराजित भएको दिल्ली ८ अंक बटुल्दै अंकतालिकाको शिर्ष स्थानमा उक्लेको छ। मुम्बई १ स्थान तल झर्दै दोश्रो स्थानमा पुगेको छ जसको ६ अंक रहेको छ। हारपछि बैंगलोर तेश्रो स्थानमा यथावत छ जसको पनि ६ अंकनै रहेको छ। मुम्बई र बैंगलोर दुवैले ५ खेलमा ३ जित र २ हार बेहोरेका छन्।

कोलकाता, राजस्थान, चेन्नाई र हैदरावादको समान ४ अंक तथा पन्जाबको २ अंक रहेको छ। लिग अन्तर्गत बुधबार मुम्बई र राजस्थान बीचको खेलमा मुम्बई विजयी भए पुनः शिर्ष स्थानमा पुग्नेछ।

अरेन्ज क्याप : शिर्ष ५ मा श्रेयस ऐयर र पृथ्वी शको आगमन 

दिल्ली र बैंगलोर बीचको खेल पछि अरेन्ज क्यापको रेसमा दिल्लीका २ खेलाडी श्रेयस ऐयर र पृथ्वी शको आगमन भएको छ। ऐयर ५ खेलमा १८१ रन बनाउदै चौथो स्थानमा तथा पृथ्वी श समान खेलमा १७९ रन बनाउदै पाँचौ स्थानमा उक्लेका छन्। बैंगलोर बिरुद्ध पृथ्वीले ४२ तथा ऐयरले ११ रन बनाएका थिए। ऐयरले अघिल्लो खेलमा कोलकाता बिरुद्ध अविजित ८८ रन बनाएका थिए।

रोहित शर्मा र डेभिड वार्नर चौथो र पाँचौबाट सातौँ र आठौँ स्थानमा पुगेका छन्। दिल्ली बिरुद्ध ४ रन मात्र बनाएका देभदत्त पडीक्कल छैठौं स्थानमा छन् जसले ५ खेलमा १७८ रन बनाएका छन्।

केएल राहुलसंग अरेन्ज क्याप रहेको छ जसले ५ खेलमा १ शतक र २ अर्धशतक प्रहार गर्दै ३०२ रन बनाएका छन्। चेन्नाईका फाफ डु प्लेसी दोश्रो स्थानमा छन् जसले राहुल भन्दा २० रन कम २८२ रन बनएका छन्। तेश्रो स्थानमा रहेका पन्जाबकै मायाँक अग्रवालले २७२ रन बनाएका छन्।

बैंगलोर बिरुद्ध ४२ रन बनाएपछि पृथ्वी श पाँचौ स्थानमा छन् 

मुम्बई र राजस्थान बीचको खेलपछि रोहित शर्मा ( १७६ ) सन्जु स्यामसन ( १७१ )  काइरन पोलार्ड ( १६३ ) , इशान किशन ( १५८ )  जस्ता ब्याट्सम्यानहरु टप-५ मा आगमन हुनसक्नेछ।

चहललाई पछि पर्दै रबाडालाई पर्पल क्याप 

पर्पल क्यापको लागि युजभेन्द्र चहल, ट्रेन्ट बोल्ट र मोहम्मद शामीको प्रतिस्पर्धालाई पछि पार्दै दिल्ली पेसर कागीसो रबाडाले पर्पल क्याप राखेका छन्। रबाडाले ५ खेलमा १२ विकेट लिईसकेका छन्। यस क्रममा उनले बैंगलोर बिरुद्ध सिजनकै उत्कृस्ट स्पेल दर्ता गर्नेक्रममा ४ ओभरमा २४ रन खर्चेर ४ विकेट लिएका थिए।

चहल, बोल्ट र सामी समान ८ विकेट रहेता पनि एभरेजको आधारमा दोश्रो, तेश्रो र चौथो स्थानमा छन्। यस्तै समान ७ विकेट रहेता पनि दिल्ली फास्ट बलर एनरिक नोर्किया पाँचौ, मुम्बई पेसर जेम्स प्याटिन्सन छैठौं तथा जस्प्रित बुम्राह सातौँ स्थानमा छन्।

मुम्बई र राजस्थान बीचको खेलमा मुम्बई बलर बोल्ट ( ८ ) , प्याटिन्सन ( ७ ) , जस्प्रित बुम्राह ( ७ ) , राहुल चाहर ( ६ ) लाई माथि उक्लने मौका छ।

आईपीएल २०२० आगामी खेल

अक्टोबर ६, मंगलबार : मुम्बई इन्डीएन्स Vs राजस्थान रोयल्स ( ७:४५ बजे राति, शेख जायद स्टेडियम, अबुधाबी )

अक्टोबर ७, बुधबार : कोलकाता नाइट राइडर्स Vs चेन्नाई सुपर किंग्स ( ७:४५ बजे राति, शेख जायद स्टेडियम, अबुधाबी )

अक्टोबर ८, बिहिबार : सनराइजर्स हैदरावाद Vs किंग्स-११ पन्जाब ( ७:४५ बजे राति, दुबई अन्तर्राष्ट्रिय स्टेडियम )

अक्टोबर ९, शुक्रबार : राजस्थान रोयल्स Vs दिल्ली क्यापिटल्स ( ७:४५ बजे राति, शारजाह स्टेडियम )

हारपछि दिल्लीको तारिफ गर्दै कोहलीले भने – “पराजित गर्न मुस्किल टिम”

विश्वकीर्तिमान सहित कोहलीले बनाए २ ठूलो कीर्तिमान

हैदरावादलाई अर्को झट्का ! भुवनेश्वर कुमार आईपीएलबाटै बाहिर

घाइते हुँदा अमित मिश्रा प्रतियोगिताबाटै बाहिर





थप समाचार

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]

क्यानको सम्पूर्ण घरेलु प्रतियोगिता एक्सन स्पोर्ट्सले प्रत्यक्ष प्रशारण गर्ने

नेपाल क्रिकेट संघले ( क्यान )  आयोजना गर्ने सम्पूर्ण घरेलु प्रतियोगिताहरुको प्रत्यक्ष प्रशारण गर्ने अधिकार डिश  मिडिया नेटवर्कले पाएको छ। […]

अभ्यास खेलमा जडेजा र राहुलको उत्कृस्ट प्रदर्शन

भारतको इंग्ल्यान्ड भ्रमण अन्तर्गत अगस्ट ४ देखि सुरु हुने पाँच टेस्टको सिरिज अघि भारत र काउन्टी सेलेक्स-११ बीचको तिन दिवसीय […]

सुरु भयो ‘द हन्ड्रेड’ लिग : प्रतिस्पर्धात्मक खेलमा ओभल विजयी

रोमान्चक खेलमा जोस बटलर कप्तानीको म्यानचेस्टर ओरिजिनल्सलाई ९ रनले पराजित गर्दै स्याम बिलिंग्स कप्तानीको ओभल इन्भिन्सिबल्सले ‘द हन्ड्रेड’ लिगको उद्घाटन […]