रबि इन्दर सिंहको बिष्फोटक ब्याटिंगमा शरदको पल्टन बिजयी

Ravi Inder Singh batting


  • विकेटनेपाल-१२ कार्तिक, सोमबार

पोखरा प्रिमियर लिग अन्तर्गत चौथो दिनको दोस्रो खेलमा शरद भेषवाकरको पोखरा पल्टनले पारस खड्काको चितवन राइनोजलाई ५ विकेटले पराजित गरेको छ।| स्कोरकार्डअङ्कतालिका  |

पहिले ब्याटिंग गर्दै चितवनले दिएको १४१ रनको लक्ष्य पछ्याउन मैदान उत्रिएको पोखराले १७.२ ओभरमा ५ विकेट गुमाएर १४६ रन जोड्न सफल रह्यो।

पोखराको जितमा बिदेशी खेलाडी रबि इन्दर सिंहले बिष्फोटक ब्याटिंग गर्दै ६५ रन जोडे। यस्तै कप्तान शरद भेषवाकरको ब्याटबाट ३७ रन निस्कियो।

खराब सुरुवात गरेको पोखराले खाता नखोल्दै पहिलो दुई विकेट गुमाएको थियो। ओपनर कुशल भुर्तेल र आसिफ शेख क्रमश करन केसी र सन्नी पटेलको शिकार बन्दा पोखरा समस्यामा परेको थियो।

त्यसपश्चात भने पोखराका लागि रोहित पौडेल र रबि इन्दर सिंहले तेस्रो विकेटका लागि ७८ रनको साझेदारी गर्दै टोलीको इनिंगलाई उकासे। रोहित व्यक्तिगत १९ रनमा शक्ति गौचनको शिकार बनेका थिए।

Ravi Inder Singh
Ravi Inder Singh

रोहितको विकेट पश्चात समेत रबिले बिष्फोटक ब्याटिंग गर्दै आफ्नो अर्धशतक पुरा गरे। करन केसीको बलमा शक्ति गौचनको हातबाट क्याच आउट हुनअघि उनले ४८ बलमा ८ चौका र ३ छक्का सहित ६५ रन जोडे।

रबि खेलको म्यान अफ द म्याच समेत घोषित भए।

चितवनको बलिङ्गमा करन केसीले सर्वाधिक ३ विकेट (४-१-१९-३) हात पारेपनि त्यो जितका लागि पर्याप्त रहन सकेन। यस्तै सन्नी पटेल र शक्ति गौचनको नाममा समान १-१ विकेट रह्यो।

यसअघि खेलको पहिलो इनिंगको समाप्तिमा चितवनले ५ विकेट गुमाएर १४० रनको योगफल तयार गर्न सफल रहेको थियो। चितवनका सन्नी पटेलले सर्वाधिक ४६ तथा पारस खड्काले ४४ रनको योगदान गरेका थिए।

अविजित रहँदै ब्याटिंग गरेका सन्नीले २७ बलमा ३ चौका र समान छक्का प्रहार गरेका थिए। यस्तै पारसले ४४ रन जोड्न समेत समान ३ चौका र ३ छक्का प्रहार गरेका थिए।

यसअघि सोनु तामांग व्यक्तिगत २१ रन तथा अनिल साह १६ रनको स्कोरमा पभेलियन फर्किएका थिए।

पोखराको बलिङ्गमा बिक्रम भुषालले सर्वाधिक २ विकेट (३-०-३३-२) हात पारे। यस्तै मेहबुब आलम, मोहम्मद नबिद र शरद भेसवाकरको नाममा समान १-१ विकेट रह्यो।

Bikram Bhusal
Bikram Bhusal

जितपछि पोखरा ३ खेलमा २ जित र १ हार सहित अंकतालिकाको दोस्रो स्थानमा उक्लिएको छ। उता पोखरासंग पराजित बनेको चितवनभने लगातार दोस्रो हारपछि अंकतालिकाको अन्तिम स्थानमा झरेको छ।

२ खेल खेल्दै दुवैमा जित निकालेको बुटवल ब्लासटर्स ४ अंक सहित शिर्ष स्थानमा रहेको छ। तेस्रो स्थानको काठमाण्डौको २ खेलमा ४ अंक रहंदा चौथो स्थानको धनगढीको २ अंक रहेको छ। खेल जित्न नसकेको बिराटनगर भने अंकबिहिन रहेको छ।

प्रतियोगितामा मंगलवार कुनै खेल रहेको छैन। बुधवार हुने पहिलो खेलमा पारस खड्काको चितवन राइनोजले दिपेन्द्र ऐरीको धनगढी ब्लुजको सामना गर्दा दोस्रो खेलमा बिराटनगर टाईटन्सले बुटवल ब्लासटर्ससंग खेल्ने तालिका रहेको छ।

Ravi Inder Singh
Ravi Inder Singh

 





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]