वर्षा बन्यो बाधा, मध्यमाञ्चल र मध्यपश्चिमाञ्चलले अंक बाँडे



  • विकेटनेपाल, १६ जेठ

देशकै सर्बाधिक धनराशीको प्रधानमन्त्री कप क्रिकेट प्रतियोगितालाई लगातार रुपमा वर्षाले प्रभावित बनाउन थालेको छ l पानि पर्ने मौसममा आयोजना गरिएको प्रतियोगिताको कारण खेलको नतिजा प्रभावित हुँदा टिमहरु र दर्शकहरुले खल्लो महसुस गर्नुपरेको छ l  ( स्कोरकार्ड )

मध्यमाञ्चल र मध्यपश्चिमाञ्चल बीच आज भएको खेलमा टस हारेर ब्याटिंग गरेको मध्यपस्चिमाञ्चलले पहिले इनिंगमा १२३ रनमै सबै विकेट गुमाउन पुग्यो l १२४ रन लक्ष पछ्याएको मध्यमाञ्चल ४.२ ओभरमा २३/१ स्थितिमा रहंदा पानि परेपछि फेरी खेल सुरु हुन नसक्दा दुवै टिमले अंक बाँड्न बाध्य हुनुपर्यो l

यस अघि हिजो भएको एपीएफ र पश्चिमाञ्चल बीचको खेल पनि वर्षाको कारण लामो समय अवरुद्ध भएपछि दोश्रो इनिंग २० ओभरमा झार्नु परेको थियो l समुह ‘बि’ अन्तर्गत भएको पूर्वान्चल र सुदुरपश्चिमाञ्चल बीचको खेल पनि वर्षाले पुरा हुन नपाएपछि अंक बाँड्नु परेको थियो l

पहिले ब्याटिंग गर्ने टिमलाई मुस्किल पिचमा पहिलो ४ विकेट २३ रनमै गुमाएको मध्यपश्चिमाञ्चलको इनिंग पाचौं नम्बरमा ब्याटिंग गर्न आएका राजबिर सिंहले उकासेका थिए l ओपनर सुशान्त थापा ( ० ) , शुबेन्दु पाण्डे ( ८ ) प्रज्ज्वल शाही ( १ ) , अनुपम सिंह ( ४ ) रनमै आउट भएपछि राजबिरले प्रनित थापा संग पाँचौ विकेटको लागि ४१ रनको साझेदारी गरे भने छैठौ विकेटको लागि अमर सिंग रौटेलासंग २८ रनको साझेदारी गरे l प्रनित २० रन तथा अमर १० रन बनाएर आउट भए l


किशोर महतोको बलमा ४२ औ ओभर मा बोल्ड राजबिरले ६३ रनको इनिंगमा ९५ बल सामना गर्दै ३ चौका र १ छक्का प्रहार गरे l

मध्यमाञ्चल तिब्र गति बलर किशोर महतोले सर्बाधिक ४ विकेट लिंदा १० ओभरमा ३ मेडन ओभर सहित २९ रन मात्र खर्चिए l हरिशंकर शाहले २ तथा रशिद खान र रामसाद आलमले १/१ विकेट हात पारे l

१२४ रन लक्ष पछ्याउन जवाफमा ब्याटिंग गरेको मध्यमाञ्चलका ओपनर हरिशंकर शाह ( ० ) पहिलो ओभरमा सिद्धान्त राज शाहीको बलमा स्टमपिंग आउट भए l त्यसपछि तेश्रो नम्बरमा ब्याटिंग गर्न आएका सोनु तामांगले १ छक्का र १ चौका मदतले ११ रन तथा भुपेन्द्र थापाले १ छक्का मदतले १० रन बनाएर ब्याटिंग गर्दै गर्दा पानि परेपछि खेल पुनः सुरु हुन पाएन l ४.२ ओभरमा २३/१  रन बनाएको मध्यमाञ्चलको वर्षा अघि छिटो खेल सकाउने चाहना पुरा हुन सकेन l

दुवै टिमले १-१ अंक बाँडे l पहिलो खेलमा जितका साथ समुह ‘ए’ को अंक तालिकामा एपीएफ शिर्ष स्थानमा छ l प्रतियोगिता अन्तर्गत भोलि हुने समुहको तेश्रो खेलमा मध्यमाञ्चल र पश्चिमाञ्चलले प्रतिस्पर्धा गर्नेछन् l  प्रतियोगिताको खेल तालिका , अंकतालिका 

 





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]