स्याम्सनको शतक गर्यो व्यर्थ, हैदराबादको पहिलो जित



इन्डियन प्रिमियर लिग अन्तर्गत आठौँ खेलमा सनराइजर्स हैदराबादले राजस्थान रोयल्सलाई ५ विकेटले पराजित गर्दै लिगमा पहिलो जित दर्ता गरेको छ। लगातार दोश्रो खेल हारेको राजस्थानको जितको प्रतिक्षा अझ लम्बिएको छ।

जितसंगै हैदराबाद अंकतालिकाको चौथो स्थानमा उल्केको छ भने राजस्थान अन्तिम स्थानमा झरेको छ। अंकतालिकामा लगातार २ जितको साथ कोलकाता र चेन्नाई पहिलो र दोश्रो स्थानमा छन्।

खेलमा पहिले ब्याटिंग गर्दै राजस्थानले दिएको १९९ रनको लक्ष्य हैदराबादले १९ ओभरमा ५ विकेट गुमाएर पुरा गरेको हो।

१९९ रनको लक्ष्य पछ्याउने क्रममा सनराइजर्स हैदराबादले उत्कृस्ट सुरुवात गर्यो। लगातार दोश्रो पटक डेभिड वार्नर र जोन्नी बेयरस्टोले पहिलो विकेटको लागि शतकीय साझेदारी गरे।

वार्नर ६९ रन तथा बेयरस्टो ४५ रन बनाएर आउट भए। विस्फोटक ब्याटिंग गरेका वार्नरले ३७ बलमा ९ चौका र २ छक्का तथा बेयरस्टोले २८ बलमा ६ चौका र १ छक्का प्रहार गरे।

दुवै ओपनर आउट भएपछि तेश्रो विकेटको लागि कप्तान केन विलियमसन र विजय शंकरले ४७ रनको साझेदारी गरे। विलियमसन १४ तथा विजय ३५ रन ( १५ बलमा १ चौका र ३ छक्का ) बनाएर आउट भए भने त्यसपछि मानिस पाण्डे पनि १ रन मात्रै बनाएर आउट भए। हैदराबादको योगफल ११०/१ बाट १५.४ ओभरमा १६७/५ पुग्यो।

त्यसपछि केहि दबाबमा आएको हैदराबादको इनिंगलाई युसुफ पठन र राशिद खानले छैठौं विकेटको लागि ३४ रनको साझेदारी गर्दै जितसम्म पुर्याए।

प्लेयर अफ द म्याच समेत चुनिएका राशिदले १९ औं ओभरको अन्तिम २ बलमा क्रमशः चौका र छक्का प्रहार गर्दै जितसम्म पुर्याएका थिए। रशिदले ८ बलमा १५ तथा युसुफले १२ बलमा १ छक्का मदतले १६ रन बनाएर अविजित रहे।

हैदराबाद बलर श्रेयस गोपालले सर्वाधिक ३ विकेट ( ४-०-२७-३ ) लिए भने बेन स्टोक्स ( ३-०-४०-१ ) र जयदेब उनदकत ( ३-०-२६-१ ) ले १/१ विकेट लिए।

संजु स्यामसनको शतक

टस जितेर ब्याटिंग गर्ने क्रममा राजस्थानले ओपनर जोस बटलरलाई व्यक्तिगत ५ रनमा गुमाएको थियो। दोश्रो विकेटको लागि कप्तान अजिंक्य रहाने र संजु स्यामसनले ११९ रनको साझेदारी गरे।

रहाने ४९ बलमा ३ छक्का र ४ चौका मदतले ७० रन बनाएर १६ औं ओभरमा आउट भए। त्यसपछि स्यामसनले आफ्नो पहिलो शतक पुरा गरे र अन्तिमसम्म अविजित रहे।

अविजित १०२ रन बनाउने क्रममा स्यामसनले ५५ बलमा १० चौका र ४ छक्का प्रहार गरे। अर्का अविजित ब्याट्सम्यान बेन स्टोक्सले अविजित १६ रन बनाउन ९ बलमा ३ चौका प्रहार गरे।

२० ओभरमा २ विकेट मात्र गुमाएर राजस्थानले १९८ रनको योगफल तयार गरेको थियो।

महँगो सावित हुने क्रममा सनराइजर्स हैदरावाद बलर भुवनेश्वर कुमारले ४ ओभरमा विकेटविहिन रहँदै ५५ रन खर्चिए। राशिद खान ( ४-०-२४-१ ) र शाहबाज नदीम ( ३-०-३६-१ ) ले १/१ विकेट लिए।

 





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]