भारतले अनुमति नदिंदा मुख्य प्रशिक्षक राजपुत बिनै पाकिस्तान पुग्यो जिम्बाब्वे क्रिकेट टिम



कोभिड-१९ महामारी पछि आफ्नो पहिलो अन्तर्राष्ट्रिय टुरको क्रममा जिम्बाब्वे क्रिकेट टिम पाकिस्तानको रावलपिण्डी पुगेको छ। पाकिस्तानले जिम्बाबेसंग अक्टोबर ३० मा एकदिवसीय अन्तर्राष्ट्रिय खेल्नेछ। सिरिजमा ३ वटा वानडे र त्यतिनै टि-२० खेल खेलिनेछ। टि-२० सिरिज नोभेम्बर ७ देखि सुरु हुनेछ।

जिम्बाब्वे टिम मंगलबार दिउसो पाकिस्तान पुग्दा टिमका मुख्य प्रशिक्षक लालचन्द राजपुत भने टिमसंग पाकिस्तान जान पाएनन्। जिम्बाब्वे क्रिकेटले ट्वीट गर्दै यसको कारण बारे जानकारी गराएको छ।

जिम्बाबे क्रिकेट बोर्डद्वारा जारि बिज्ञप्तिमा बताईएको छ कि राजपुतलाई पाकिस्तान जानको लागि भिसा प्राप्त भएको थियो तर जिम्बाबेको राजधानी हरारेमा भारतीय दुतावासले जिम्बाब्वे क्रिकेट बोर्डलाई पत्र लेखेर राजपुतलाई भ्रमणमा नलैजान अपिल गरेको थियो।

“जिम्बाब्वेका मुख्य प्रशिक्षक लालचंद राजपुत हरारेमा भारतीय राजदुतावासको अनुरोध पछि पाकिस्तान दौरामा जानेछैनन्। पाकिस्तान दूतावासले भिसा जारि गरेको थियो।” जिम्बाब्वे क्रिकेट बोर्डले ट्वीट गरेको छ।


राजपुत नहुँदा जिम्बावेका पूर्व फास्ट बलर तथा वर्तमानका बलिंग प्रशिक्षक डगलस होन्डोलाई टिमको अन्तरिक मुख्य प्रशिक्षक नियुक्त गरेको छ।

५८ वर्षीय राजपुतले भारतीय क्रिकेट टिमको लागि १९८५ र १९८७ को दौरान ४ वानडे र २ टेस्ट खेलेका थिए। जिम्बाब्वे २०१९ विश्वकप छनौट हुनअसफल भएपछि २०१८ अगस्टमा राजपुत जिम्बाब्वेको पूर्णकालीन प्रशिक्षकमा नियुक्त भएका थिए।

जिम्बाब्वेले २०१५ पछि पहिलो पटक पाकिस्तानको भ्रमण गर्न लागेको हो।

राजपुतलाई टिमसंग पाकिस्तान भ्रमणमा जान नदिएपछि सामाजिक संजालमा भारत र आईसीसीको आलोचना भएको छ।

राजपुत नेपाल आउने हल्लापछि जिम्बाब्वे क्रिकेटको ट्वीट, ‘हात्ती आयो फुस्सा’

अनुभवी खेलाडीहरुलाई बाहिर राख्दै जिम्बाब्वे सिरिजको लागि पाकिस्तान टिमको घोषणा

युवा खेलाडीबारे धोनीको प्रतिक्रिया पछि चर्को आलोचना – “स्कुटर जाधबमा त्यो चमक छ ?”

अंकतालिकाको पुछारमा पुगेपछि चेन्नाई कप्तान धोनीले के भने





थप समाचार

अमेरिका जाने राष्ट्रिय टिमको विदाई

नेपाल क्रिकेट संघ (क्यान) ले आईसीसी विश्वकप लिग–२ अन्तर्गत आगामी जुन ९ देखि १५ तारिखसम्म अमेरिकामा हुने त्रिदेशीय सिरिज खेल्न […]

यू–१९ विश्वकप एसिया छनोट : यू–१९ महिला राष्ट्रिय टोलीको घोषणा

नेपाल क्रिकेट संघ (क्यान)ले मलेसियामा जेठ २० देखि २५ गतेसम्म आयोजना हुने आर्ईसिसी यू–१९ विश्वकप एसिया क्षेत्रको छनोट खेलका लागि […]

धनगढी सुपर लिगको उपाधि महेन्द्रनगर क्रिकेट एकेडेमीलाई, दीपक सर्वोत्कृष्ट

क्लब स्तरीय टी–२० राष्ट्रिय क्रीकेट प्रतियोगिता धनगढी सुपर लिगको उपाधि महेन्द्रनगर क्रिकेट एकेडेमीले जितेको छ । धनगढीको लिटल फ्लावर क्रिकेट […]

ईपीएल आयोजना गर्न क्यानले स्वीकृति नदिएपछि सर्वोच्चमा रिट दायर

काठमाडौँ । नेपाल क्रिकेट सङ्घ (क्यान)ले एभरेस्ट प्रिमियम लिग (ईपीएल)को आगामी संस्करणका लागि स्वीकृति नदिएपछि आयोजक संस्था ईपीएल प्रालिले सर्वोच्च […]

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]