राशिद खान र मुजिबको बलिङ्गमा अफगानिस्तानको बिशाल जित

Rashid Khan


  • विकेटनेपाल – ७ भदौ, बिहिवार

आयरल्याण्ड बिरुद्धको ३ खेलको ट्वान्टी-२० शृंखला पाहुना टोलि अफगानिस्तानले एक खेल अगावै आफ्नो नाम गरेको छ। ब्रेडी क्रिकेट मैदानमा सम्पन्न दोस्रो खेलमा अफगानिस्तानले आयरल्याण्डमाथि ८१ रनको बिशाल जित दर्ता गरेको हो। जितसंगै ३ खेलको सिरिज २-० ले अफगानिस्तानले आफ्नो पक्षमा पारेको छ।

टस जितेर ब्याटिंगगर्ने निर्णय लिएपछि मैदान उत्रिएको अफघान टोलीले निर्धारित २० ओभरमा ८ विकेट गुमाउंदै १६० रन जोडेको थियो। उसका हज्रतुलाह जजाईले सर्वाधिक ८२ रनको इनिंग खेले। यस्तै कप्तान अस्घर स्टानिक्जाईले व्यक्तिगत ३७ तथा नाजिबुल्लाह जद्रानले व्यक्तिगत २० रनको योगदान गरेका थिए।

लगातार दुई खेलमा अर्ध-शतक बनाउने क्रममा जजाईले ५४ बलको सामना गर्दै ८२ रन जोडेका थिए। डक्रेलको बलमा सिमि सिंहबाट समातिन अघि उनले ६ चौका र ७ छक्का प्राहार गरे। यसअघि सम्पन्न सिरिजको पहिलो खेलमा समेत उनले अर्ध-शतकीय पारि खेलेका थिए। यस्तै कप्तान स्टानिक्जाईले ३४ बलमा ३७ तथा नाजिबुल्लाह जद्रानले मात्र १० बलमा २० रन जोड्न भ्याए।

आयरल्याण्डको बलिंगमा पिटर चेजले सर्वाधिक ३ विकेट चट्काएका थिए। यस्तै बोय्ड र्यान्किनको नाममा भने २ विकेट रह्यो।

राशिद र मुजिबको बलिङ्गमा आयरल्याण्ड निरिह  

जवाफमा १६१ रनको विजय लक्ष्य लिएर मैदान उत्रिएको आइरिस टोलि १५ ओभर ब्याटिंग गर्दै मात्र ७९ रनमा समेटिन पुग्यो। आयरल्याण्डको चेजमा विलियम पोर्टरफिल्डले सर्वाधिक ३३ रन जोडेपनि त्यो जितका लागि पर्याप्त हुन सकेन। यस्तै कप्तान ग्यारी विल्सनले २२ रन जोड्न बाहेक अन्य ब्याट्सम्यानहरुले दोहोरो अंकमा रन बनाउन सकेनन्।

घरेलु टोलीको ब्याटिंगलाई घुंडा टेकाउन मुजिब उर् रहमान र राशिद खानको स्पिन जोडी प्रभावकारी बन्यो। मात्र ३ ओभरको स्पेलमा राशिदले १७ रन खर्चिएर ४ विकेट हात पारे। यस्तै आफ्नो ४ ओभरको स्पेलमा मुजिबले १७ रन खर्चिएर ३ विकेट लिए। स्पिन जोडीले गरेको ७ ओभरमा आयरल्याण्डले ३४ रन लिंदा ७ विकेट गुमाउन पुग्यो। सिरिजको अन्तिम खेल अगष्ट २४ तारिकमा हुनेछ। टि-२० शृंखलापछि दुई टोलिबीच ३ वटा खेलको एक दिवसीय शृंखला संचालन हुनेछ।





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]