द हन्ड्रेड : रकेट्सको रोमान्चक जितमा राशिदको अलराउण्ड प्रदर्शन



राशिद खानले अलराउण्ड प्रदर्शन गर्दा द हन्ड्रेड लिग अन्तर्गत गय राति सम्पन्न रोमान्चक खेलमा लुइस ग्रेग्ररि कप्तानीको ट्रेन्ट रकेट्सले बेन स्टोक्स कप्तानीको नर्दर्न सुपरचार्जर्सलाई २ विकेटले पराजित गरेको छ। लिगमा रकेट्सको यो लगातार दोश्रो जित हो भने सुपरचार्जर्सको लगातार दोश्रो हार हो।

ट्रेन्ट ब्रिज स्टेडियम नटिंघममा सम्पन्न खेलमा नर्दर्न सुपरचार्जर्सले दिएको १३३ रनको लक्ष्य ट्रेन्ट रकेट्सले ९४ बलमा भेटायो।

लक्ष्य पछ्याउने क्रममा रकेट्सको सुरुवात राम्रो रहन सकेन। ड्यार्सी सर्ट र एलेक्स हेल्सले २० रनको ओपनिंग साझेदारी गरेपछि मुजिब उर् रहमानले १४ रन बनाएका सर्टलाई एलबिडब्लु पारे। त्यसपछि डेविड मलान र जोए रुटलाई खाता नखोल्दै लगातार बलमा आदील रशिदले पेभेलियन फर्काए।

हेल्सले एक किनार सम्हालेर ब्याटिंग गरेता पनि रकेट्सले निरन्तर विकेट गुमायो। फलस्वरुप रकेट्स ५८/६ को अवस्थामा पुग्यो। जुन अवस्थामा आठौँ नम्बरमा ब्याटिंग गरेका राशिद खान आक्रामक ब्याटिंग गरे। राशिदले मात्र १२ बलमा ४ चौका र १ छक्का मद्दतले २५ रन बनाए। राशिदलाई बेन स्टोक्सले क्याच आउट गराएपछि हेल्सले लुक वुडसंग १८ रन तथा नवौं विकेटको लागि म्याथु कार्टरसंग ३१ रनको साझेदारी गर्दै टिमलाई जितसम्म पुर्याए।

जितको लागि अन्तिम ११ बलमा २२ रन आवस्यक हुँदा हेल्सले बेन स्टोक्सलाई छक्का प्रहार गरेका थिए। लगत्तै बलमा डेभिड विलिलाई कार्टरले छक्का प्रहार गर्दा जित्न ९ बलमा १० रन आवस्यक रह्यो। जित्न ६ बलमा ६ रन आवस्यक हुँदा हेल्सले विलिलाई छक्का प्रहार गर्दै जित दिलाए।


कार्टरले ८ बलमा १ चौका र १ छक्का मद्दतले अविजित १३ रन बनाए। हेल्सले अविजित ४० रन बनाउने क्रमआम ३४ बलमा २ चौका र ३ छक्का प्रहार गरे।

नर्दर्न सुपरचार्जर्सको बलिंगमा मुजिब उर् रहमान, आदील रशिद, कलम पार्किन्सन र कप्तान बेन स्टोक्सले समान २ विकेट लिए।

यस अघि टस जितेर ब्याटिंग गरेको नर्दर्न सुपरचार्जर्सले ९९ बलमा सबै विकेट गुमाएर १३२ रन बनाएको थियो। उसको लागि जोन सिम्पसनले सर्वाधिक ४२ रन, ह्यारी ब्रुकले ३८ रन तथा एडम लिथले १० रन बनाउनु बाहेक अन्यले दोहोरो अंकमा रन बनाउन सकेनन्।

सुरुवाती ३ विकेट ३८ रनमा गुमेपछि ब्रुक र सिम्पसन बीच चौथो विकेटको लागि ६१ रनको साझेदारी भएको थियो। ७४ औं बलमा ब्रुकलाई लुइस ग्रेगरीले क्याच आउट गरे जसपछि सुपरचार्जर्सले लगातार विकेट गुमायो। ९७ औं बलमा सिम्पसनलाई मर्चान्ट डी लांगेले क्याच आउट गराए।

९९ रनमा ३ विकेट गुमाएको सुपरचार्जर्सले थप ३३ रन योगफलमा जोड्दा सम्पूर्ण विकेट गुमाउन पुग्यो।

ट्रेन्ट रकेट्सको बलिंगमा राशिद खान र मर्चान्ट डी लांगेले समान ३ विकेट लिए। राशिदले २० बलमा ३१ रन तथा डी लांगेले १४ बलमा २२ रन खर्चिए। म्याथु कार्टरले २ तथा कप्तान लुइस ग्रेगरीले १ विकेट लिए।

जितपछि लिग अंकतालिकामा ट्रेन्ट रकेट्स ४ अंक सहित पहिलो स्थानमा उक्लेको छ भने सुपरचार्जर्स दुवै खेलमा पराजित हुँदै सातौँ स्थानमा छ।

निर्णायक खेलमा अस्ट्रेलिया विजयी, स्टार्क सिरिजकै उत्कृस्ट





थप समाचार

ओमान भ्रमण सकेर नेपाली टिमको स्वदेश आगमन, प्रशिक्षक व्हाटमोर फर्केनन्

आईसीसी विश्वकप लिग-२ अन्तर्गत त्रिकोणात्मक एकदिवसीय अन्तर्राष्ट्रिय सिरिजमा सहभागिता पछि ओमान पुगेको नेपाली क्रिकेट टिम मंगलबार बिहान स्वदेश आगमन गरेको […]

ओमानद्वारा अमेरिका ७२ रनले पराजित, सिरिज समाप्तिमा अंकतालिकाको अवस्था

अमेरिकालाई ७२ रनले पराजित गर्दै ओमानले आईसीसी विश्वकप लिग-२ अन्तर्गत एघारौं जित दर्ता गर्न सफल भएको छ। अल अमिरात मैदानमा […]

IPL : बैंगलोरलाई सहजै पराजित गर्दै कोलकाता पाँचौ स्थानमा उक्लियो

रोयल च्यालेन्जर्स बैंगलोरलाई ९ विकेटले पराजित गर्दै कोलकाता नाइट राईडर्सले युएईमा सुरु भएको आईपीएलको दोश्रो फेजको शानदार सुरुवात गरेको छ। […]

चक्रवर्तीले घातक बलिंग गर्दा बैंगलोर ९२ रनमै सिमित

युएईमा जारि आईपीएलको दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता नाइट राइडर्स प्रतिस्पर्धा गरिरहेका छन्। […]

ICCWCL2 : मक्सुदको अर्धशतक, ओमानद्वारा अमेरिकालाई चुनौतीपूर्ण लक्ष्य

आईसीसी विश्वकप लिग-२ अन्तर्गत ओमानमा जारी नेपाल, ओमान र अमेरिका सम्मिलित त्रिकोणात्मक एकदिवसीय अन्तर्राष्ट्रिय सिरिजको अन्तिम खेलमा ओमान र अमेरिका […]

IPL : कोलकाता बिरुद्ध बैंगलोरले पहिले ब्याटिंग गर्ने, दुई खेलाडीले डेब्यु गर्दै

युएईमा जारी इन्डियन प्रिमियर लिगको ( आईपीएल ) दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता […]