ब्याटिंग-बलिङ्ग दुवैमा राशिद चम्किदा अफगानिस्तानको शानदार जित : एसिया कप



  • विकेटनेपाल, असोज ५ 

एसीय कप क्रिकेट २०१८ अन्तर्गत बिहिबार सम्पन्न खेलमा अफगानिस्तानले बंगलादेशलाई १३६ रनले पराजित गरेको छ। राशिद खानले आफ्नो जन्मदिनको दिन अलराउण्ड प्रदर्शन गर्दा अफगानिस्तानले सहज जित दर्ता गरेको हो।

जितसंगै अफगानिस्तान समुह ‘बि’ को बिजेता बन्दै सुपर-४ चरण प्रवेश गरेको छ। उपविजेता बनेको बंगलादेश समेत सुपर-४ मा प्रवेश गर्दा श्रीलंका भने समुह चरणबाट घर फर्किएको हो।

टस जितेर पहिले ब्याटिंग गर्दै अफगानिस्तानले दिएको २५६ रनको लक्ष्यको पछ्याउन उत्रिएको बंगलादेशले ४२.१ ओभरमा मात्र ११९ रन जोड्दा अलआउट हुन पुग्यो। बंगलादेशको इनिंगमा शकिब अल हसनले सर्वाधिक ३२, महाम्दुल्लाहले २७ तथा मोसाद्दिक हुसेनले २६ रन जोड्न बाहेक अन्य ब्याट्सम्यानले दोहोरो अंकमा रन जोड्न सकेनन्।

मुख्य खेलाडीहरु तमिम इक्बाल र मुश्फिकुर रहिम बिनानै मैदान उत्रिएको बंगलादेशले अफगानिस्तानको धारिलो बलिंगको सामना गर्न नसक्दा १३६ रनको बिशाल हार बेहोर्नु पर्यो।

अफगानिस्तानको बलिंगतर्फ बर्थडे बोई राशिद खान तथा मुजिब उर् रहमान र गुल्बद्दीन नैबले समान २-२ विकेट हात पारे। यस्तै अफ्ताब आलम, मोहम्मद नाबी र रहमत साहको नाममा समान १-१ विकेट रह्यो।

ब्याटिंगतर्फ बिष्फोटक अर्ध-शतक बनाएका तथा बलिंगतर्फ २ विकेट लिएका रशिद खेलको म्यान अफ दि म्याच घोषित भए।

राशिदको आक्रामक इनिंग 

यस अघि अफगानिस्तानले टस जितेर ब्याटिंग गर्दै बंगलादेशलाई २५६ रनको लक्ष्य दिएको थियो। पुरै ५० ओभर ब्याटिंग गर्दै अफगानिस्तानले ७ विकेट गुमाएर उक्त योगफल तयार गरेको थियो।

शेख जायद स्टेडियममा टस जितेर ब्याटिंग रोजेको अफगानिस्तानको सुरुवात राम्रो हुन सकेको थिएन। ओपनर इह्सानउल्लाह ८ तथा रहमत शाह १० रन बनाएर आउट हुँदा छैठौं ओभरमा २८/२ को अवस्थामा पुगेको अफगानिस्तानलाई त्यसपछि ओपनर मोहम्मद शहजाद र हस्मतुल्लाह शहिदिले अर्धशतकीय साझेदारी गर्दै अघि बढाए।

 

 

तेश्रो विकेटको साझेदारी ५१ रन पुग्दा शहजाद ३७ रन बनाएर आउट भएका थिए। अर्धशतक पुरा गर्दै ५८ रन बनाएर शहिदि पनि आउट भए जसले ९२ बलमा ३ चौका प्रहार गरे। कप्तान अस्घर ८ तथा समिउल्लाह शेनवारि १८ रन तथा मोहम्मद नाबी १० रन बनाएर आउट हुँदा २०० भन्दा कम रनमा सम्भावना देखिएको थियो।

१६०/७ को योगफलमा पुगेको अफगानिस्तानलाई आठौँ विकेटको लागि गुल्बदीन नैब र राशिद खानले अविजित ९५ रनको साझेदारी गर्दै योगफल २५५ रन पुर्याएका थिए। ९.१ ओभर ब्याटिंग गर्ने क्रममा गुल्बदीन र राशिदले १०.४ प्रतिओभर रन बटुल्दै अफगानिस्तानको स्कोर २५० पार गराए।

बर्थ-डे ब्वाई समेत रहेका राशिदले अविजित ५७ रन तथा नैबले अविजित ४२ रन बनाए। रासिदले मात्र ३२ बलमा १ छक्का र ८ चौका तथा नैबले ३८ बलमा ५ चौका प्रहार गरे। अन्तिम ओभरको पाँचौ बलमा चौका प्रहार गर्दै राशिदले एकदिवसीय अन्तरास्ट्रिय क्रिकेटमा तेश्रो अर्धशतक पुरा गरेका थिए।

अफगानिस्तान बलर शाकिब अल हसनले सर्वाधिक ४ विकेट तथा डेब्यु गरिरहेका बलर अबु हैदरले २ विकेट हात पारे। हसनले १० ओभरमा ४२ रन तथा हैदरले ९ ओभरमा ५० रन खर्चिए।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]