अफगानिस्तानको सिरिज जितमा रासिदको उत्कृस्ट बलिङ्ग



  • विकेटनेपाल,भदौ – १५ 

अन्तिम एकदिवसीयमा ८ विकेटको शानदार जित निकाल्दै अफगानिस्तानले ३ एकदिवसीयको सिरिजमा आयरल्याण्डलाई २-१ ले पराजित गरेको छ।

सिरिज १-१ ले बराबरी भएको अवस्थामा टस जितेर ब्याटिंग गरेको आयरल्याण्डले ३६.१ ओभरमा सम्पूर्ण विकेट गुमाएर १२४ रन मात्रै बनाउन सक्यो। ग्यारी विल्सनले बनाएको २३ रननै घरेलु टिमको लागि सर्वाधिक रन बन्न पुग्यो।

अफगानिस्तानको लागि रासिद खानले सर्वाधिक ३ विकेट लिन ८ ओभरमा २ मेडन ओभर सहित मात्र १८ रन खर्चिए। अफताब आलम, गुल्बदीन नैब र मोहम्मद नाबीले समान २/२ विकेट हात पारे।

१२५ रनको लक्ष्य अफगानिस्तानले २३.५ ओभरमा पुरा गर्यो। इन्शाउल्लाह जनतले अविजित ५७ रन तथा हश्मतुल्लाह शहिदिले अविजित ३४ रन बनाउदै जित सहज बनाए। रहमत शाहले पनि ३३ रन योगदान दिए।

यस अघि पहिलो एकदिवसीयमा अफगानिस्तानले २९ रनको जित निकालेको थियो भने दोश्रो एकदिवसीयमा आयरल्याण्ड ३ विकेटले बिजयी भएको थियो। यस अघि सम्पन्न ३ टि-२० को शृंखला पनि अफगानिस्तानले २-० ले आफ्नो पक्षमा पारेको थियो।

३ खेलमा १२ को औशतले ८ विकेट लिएका राशिद खान सिरिजको उत्कृस्ट खेलाडी चुनिए।

 





थप समाचार

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]

नवौं राष्ट्रिय खेलकुद असोजमा

काठमाडौं, जेठ १० गते । गण्डकी प्रदेशमा जेठ २२ देखि २८ गते आयोजना गरिने भनिएको नवौं राष्ट्रिय खेलकुद प्रतियोगिताको मिति […]

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]