राशिद खान बलिंग-ब्याटिंग दुवैमा चम्किदा एडलेडको जित : बिग-ब्यास



  • विकेटनेपाल, २३ पौष- आइतबार 

अफगानिस्तान स्टार लेगस्पिनर राशिद खानको अलराउण्ड प्रदर्शन मदतले बिग-ब्यास लिगको २० औं खेलमा एडलेड स्ट्राइकर्सले सिड्नी थन्डर्सलाई २५ रनले पराजित गरेको छ।

जितसंगै एडलेड स्ट्राइकर्स अंकतालिकाको शिर्षस्थानमा उक्लेको छ जसले ५ खेलमा ४ जित र १ हार सहित ८ अंक बटुलेको छ। तालिकामा मेलबर्न रेनेगेड्स, ब्रिसबेन हिट, पर्थ स्करचर्स समान ८ अंक रहेपनि नेट- रनरेटको आधारमा क्रमश दोश्रो, तेश्रो र चौथो स्थानमा रहेका छन्।

टस जितेर सिड्नीमा ब्याटिंग गरेको स्ट्राइकर्सले २० ओभरमा ७ विकेट गुमाएर १५८ रनको स्कोर बनाएको थियो। जवाफमा  सिड्नी थन्डर्सले २० ओभर ब्याटिंग गरेपनि ९ विकेट गुमाई १३३ रन मात्रै बनाउन सक्यो।

खेलको म्यान अफ द म्याच चुनिएका राशिदले ब्याटिंगतर्फ १६ रन बनाएका थिए जुनक्रममा मात्र ६ बलमा २ छक्का प्रहार गरे। यस्तै बलिंगमा पनि उनले उत्कृस्ट फर्म दोहोर्याउदै २ विकेट लिने क्रममा ४ ओभरमा मात्र २१ रन खर्चिएका थिए।

भिडियोमा हेर्नुस खेलको हाइलाइट 

पहिलो इनिंगमा स्ट्राइकर्सको लागि कोलिन इन्ग्रामले सर्बाधिक ४८ रन ( ३१ बल, ४ छक्का , २ चौका ) तथा ओपनर एलेक्स केरेले ३४ रन ( २८ बल, ४ चौका, १ छक्का ) योगदान दिएका थिए। थन्डर्स बलर फवाद एह्मदले ३ तथा गुरिन्दर सन्धुले २ विकेट हात पारेका थिए।

दोश्रो इनिंगमा थन्डर्सले खराब ब्याटिंग गर्यो जसको लागि बेन रोहरर र कुर्टिस प्याटरसनले समान २९ रनको योगदान दिएका थिए। स्ट्राइकर्स बलर मिचेल नेसेरले सर्बाधिक ३ विकेट तथा पिटर सिडल र राशिद खानले २/२ विकेट आफ्नो नाम गरे।

रासिद खानको उत्कृस्ट फर्म

बिग ब्यास लिगमा अफगानिस्तान लेग स्पिनर रासिद खानको प्रदर्शन उत्कृस्ट रहँदै आएको छ। एड्लेड स्ट्राइकर्सको प्रतिनिधित्व गरिरहेका उनले खेलेको ५ वटा खेलमा १० विकेट हात पारिसकेका छन्।

धेरै विकेट लिने बलरको सुचीमा तेश्रो स्थानमा रहेका रसिदले ५.१० प्रतिओभर रन दिएका छन् जुन प्रतियोगिताकै उत्कृस्ट हो। यस्तै उनले १०.२ को एभरेज र १२ को स्ट्राइक रेटले विकेट लिईरहेका छन्।

धेरै विकेट लिने सुचीको शिर्ष स्थानमा पार्थ पर्थ स्करचरर्सका एन्ड्रु टाई ५ खेलमा १४ विकेट सहित छन् भने मर्लबर्न रेनेगेड्सको लागि खेलिरहेका ड्वेन ब्राभो १२ विकेट सहित दोश्रो स्थानमा र एड्लेद स्ट्राइकर्सका बेन लाफ्लिन १० विकेट सहित चौथो स्थानमा छन्।

बिगब्यासमा अर्का अफगानिस्तान क्रिकेटर मोहम्मद नाबीले मेर्लबर्न रेनेगेड्सको लागि  मेर्लबर्न स्टार्स बिरुद्ध शनिबार जित हाँसिल गर्ने क्रममा म्यान अफ द म्याच चुनिएका थिए जुन क्रममा उनले आक्रामक ब्याटिंग गर्दै ५२ रनको विस्फोटक पारि खेलेका थिए। बिस्तारमा पढ्नुस 





थप समाचार

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]