शरद र रभीको शतकीय साझेदारी : भैरहवाले बनायो १४९

Ravi Inder Singh


  • विकेटनेपाल, मङ्सिर-२९ , शनिवार 

एभरेस्ट प्रिमियर लिग ( इपिएल टि-२० ) अन्तर्गत १२ औं खेलमा शरद भेसावकर कप्तानीको भैरहवा ग्ल्याडीएटर्स र रोहन मुस्तफा कप्तानीको काठमाडौँ किंग्स ११ प्रतिस्पर्धा गरिरहेका छन्।

यस अघिनै ३ वटा लगातार जित हात पार्दै भैरहवा प्ले-अफ चरण प्रवेश गर्ने पक्का भइसकेको छ भने ३ खेलमा २ जित र १ हार बेहोरेको काठमाडौँ पनि आज जितको साथ प्ले-अफ चरण पक्का गर्न चाहन्छ।

खेलमा टस हारेर ब्याटिंग गरेको भैरहवाले खराब सुरुवात गर्यो। ओपनर प्रदिप ऐरि खाता नखोली जितेन्द्र मुखियाको बलमा क्याच आउट हुँदा हरि शंकर शाहलाई पनि ४ रनमा केभिन ओ ब्रायनले क्याच आउट गराए। त्यसपछि रायन टेन डेस्काटेलाई १२ रनको स्कोरमा लेग स्पिनर प्रदिप साहुले एलबिडब्लु आउट गर्दा ८.४ ओभरमा भैरहवा ४०/३ को अवस्थामा पुग्यो।

Sharad Vesawkar & Ravi Inder Singh ( Photo – Bhairahawa Gladiators Facebook )

तेश्रो विकेट पछि भने शरद भेसावकर र रभी इन्दर सिंहले चौथो विकेटको लागि उत्कृस्ट साझेदारी गर्दै टिमलाई उकासे।

१० ओभरमा भैरहवाको योगफल ४६/३ बाट अन्तिम १० ओभरमा शरद र रभीले १०३ रनको साझेदारी गर्दै टिमको योगफल २० ओभरमा १४९/४ पुर्याए। दुवैले चौथो विकेटको लागि १०९ रन बनाए।

इनिंगको अन्तिम बलमा जितेन्द्र मुखियाको बलमा बोल्ड हुनु अघि शरद भेसावकरले ३९ रन बनाए जुन क्रममा ३१ बलमा ३ चौका र १ छक्का प्रहार गरे।

रभी इन्दर सिंह ८६ रन बनाएर अविजित रहे जुन क्रममा ६१ बलमा ४ छक्का र ६ चौका प्रहार गरे।

Ravi Inder Singh
Ravi Inder Singh

काठमाडौँको बलिङ्गमा जितेन्द्र मुखियाले २ विकेट ( ४-०-२५-२) लिए भने केभिन ओ ब्रायन ( ४-०-३८-१ )  र प्रदिप साहुले ( ४-०-२८-१ ) १/१ विकेट लिए। रोहन मुस्तफा ( ४-०-२२-० ) र बिक्रम भुसाल ( ४-०-३४-० ) विकेट विहिन रहे।

काठमाडौँ किंग्स ११ का नियमित कप्तान सोमपाल कामि एङ्कलको चोटको कारण पछिल्लो २ खेल देखि बाहिर छन् जसको स्थानमा युएईका कप्तान समेत रहेका रोहन मुस्तफा कप्तानी गरिरहेका छन्। सोमपाललाई ठिक हुन अरु २ दिन लाग्ने विकेटनेपाललाई जानकारी प्राप्त भएको छ।

रभी इन्दरको उत्कृस्ट लय 

प्रतियोगितामा उत्कृस्ट लयमा रहेका भारत पन्जाबका खेलाडी रभी इन्दर सिंहले यस अघि पोखरा राइनोजसंग प्रतियोगिताकै एकमात्र शतक बनाउने क्रममा १२५ रन बनाएका थिए। त्यस खेलमा उनले ६० बलमा १० छक्का र ८ चौका प्रहार गरेका थिए जसको मदतले भैरहवाले पोखराले दिएको २१६ रनको लक्ष्य पछ्याएको थियो।

Ravi Inder Singh
Ravi Inder Singh

रभी इन्दरले इपिएल अघि पोखरा प्रिमियर लिगमा पनि शरदकै टिम पोखरा पल्टनको लागि खेल्ने क्रममा फाइनल खेलमा चितवन राइनोज बिरुद्ध ९० रनको इनिंग खेलेका थिए। पिपिएलमा रबिले प्रतियोगिताकै सर्वाधिक रन बनाउने खेलाडी बन्ने क्रममा ६ इनिंगमा २६० रन बनाएका थिए।

 





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]