IPL : इलिमीनेटरमा कोलकातासंग पराजित हुँदै बाहिरियो बैंगलोर



रोयल च्यालेन्जर्स बैंगलोरलाई ४ विकेटले पराजित गर्दै कोलकाता नाइट राइडर्स इन्डियन प्रिमियर लिगको दोश्रो क्वालीफायरमा प्रवेश गरेको छ।

शारजाह मैदानमा सम्पन्न खेलमा बैंगलोरले दिएको १३९ रनको लक्ष्य कोलकाताले ६ विकेट गुमाएर २ बल बाँकी रहंदा भेटायो। लिग अन्तर्गत पहिलो क्वालीफायरमा दिल्ली क्यापिटल्सलाई पराजित गर्दै चेन्नाई सुपर किंग्स फाइनल प्रवेश गरिसकेको छ। फाइनल प्रवेशको लागि कोलकाताले दोश्रो क्वालीफायरमा बुधबार दिल्लीसंग प्रतिस्पर्धा गर्नेछ। फाइनल खेल अक्टोबर १५ तारिखमा खेलिनेछ।

कोलकाताको ब्याटिंगमा शुबमन गिलले सर्वाधिक २९ रन, भेंकटेस ऐयर र सुनिल नारायणले समान २६ रन तथा निअतिश रानाले २३ रन बनाए। दिनेश कार्तिकले १० रन, शाकीब अल हसनले अविजित ९ रन, राहुल त्रिपाठीले ६ रन, तथा ओएन मोर्गनले अविजित ५ रन बनाए।

लक्ष्य पछ्याउने क्रममा कोलकाता ओपनर शुबमन गिल र भेंकटेस ऐयरले ४१ रनको साझेदारी गरे। छैठौं ओभरमा गिललाई हर्षल पटेलले क्याच आउट गराए। लगत्तै ओभरमा राहुल त्रिपाठीलाई युजभेन्द्र चाहलले एलबिडब्लु पारे। भेंकटेसले तेश्रो विकेटकको लागि नितिश रानासंग २६ रन जोडे। एघारौं ओभरमा ऐयरलाई हर्षलले क्याच आउट गर्दै बैंगलोरलाई खेलमा फर्काए। कोलकाता ७९/३ को अवस्थामा पुग्यो।

१२ औं ओभरमा सुनिल नारायणले ड्यानियल क्रिस्चियनको एकै ओभरमा ३ छक्का प्रहार गर्दै कोलकातालाई खेलमा हावी गराए। राना र चाहलले चौंथो विकेटको लागि ३१ रनको साझेदारी गरे। १५ औं ओभरमा चाहलले रानालाई क्याच आउट गर्दै बैंगलोरलाई खेलमा फर्काए। जितको लागि ३ ओभरमा १५ रन आवस्यक हुँदा मोहम्मद सिराजले १८ औं ओभरमा सुनिल नारायण र दिनेश कार्तिकको विकेट लिंदै खेलमा रोमान्चकता ल्याए।

अन्ति २ ओभरमा जित्न १२ रन आवस्यक रह्यो। १९ औं ओभरमा बालिग गरेका जर्ज गार्टनले मात्र ५ रन खर्चिए। अन्तिम ओभरमा ७ रन आवस्यक रह्यो। अन्तिम ओभरमा ड्यानियल क्रिस्चियनको पहिलो बलमै शाकिब अल हसनले फाइन लेगमा चौका प्रहार गर्दै जित सहज पारे। दोश्रो र तेश्रो बलमा र चौंथो बलमा १/१ रन लिंदै कोलकाताले जित दर्ता गर्यो।

बैंगलोरको बलिंगमा मोहम्मद सिराज ( ४-०-१९-२ ) , हर्षल पटेल ( ४-०-१९-२ ) र युजभेन्द्र चाहलले ( ४-०-१६-२ ) समान २ विकेट लिए।

यस अघि टस जितेर ब्याटिंग गरेको बैंगलोरले निरधारित २० ओभरमा ७ विकेट क्षेतीमा १३८ रन बनाएको थियो।

बैंगलोरको लागि कप्तान बिराट कोहलीले सर्वाधिक ३९ रन बनाए जुन क्रममा ३३ बलमा ५ चौका प्रहार गरे। यस्तै देभदत्त पडीक्कलले २१, ग्लेन म्याक्सवेलले १५, शाहबाज एहमदले १३, एबि डी भिल्लीयर्सले ११ रन तथा हर्षल पटेलले अविजित ८ रन बनाए।

राम्रो सुरुवात गरेको बैंगलोरको लागि ओपनर बिराट कोहली र देभदत्त पडीक्कलले ४९ रनको ओपनिंग साझेदारी गरे। छैठौं ओभरमा पडीक्कललाई लकी फर्गुसनले बोल्ड गरे। त्यसपछि सुनिल नारायणले श्रीकर भारत, कोहली, ग्लेन म्याक्सवेल, एबि डी भिल्लीयर्सको विकेट लिंदै कोलकातालाई खेलमा फर्काए। इनिंग्सको अन्तिम ५ ओभरमा बैंगलोरले ३ विकेट गुमाएर ३० रन बनायो।

कोलकाताको बलिंगमा सुनिल नारायण एक्लैले ४ विकेट लिए जुन क्रममा ४ ओभरमा २१ रन मात्र खर्चिए। यस्तै लकी फर्गुसनले २ विकेट ( ४-०-३०-२ ) लिए।





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]