इतिहासकै खराब ब्याटिंग



विकेटनेपाल, १३ मंसिर 
-बिराट राय 

थाईल्याण्डमा जारी एसीसी महिला टि-२० एसिया कप अन्तर्गत लगातार दोश्रो हार बेहोर्ने क्रममा नेपाली महिला टिम इतिहासकै कम कुल योगफलमा समेटियो l  ( स्कोरकार्ड )

श्रीलंकासंग प्रतियोगिताको आफ्नो दोश्रो खेलमा ८ विकेटले पराजित नेपालले टस हारेर पहिले ब्याटिंग गर्दै कुल २३ रन मात्रै बनाउन सक्यो l सन् २००७ देखि अन्तर्राष्ट्रिय क्रिकेट खेल्न थालेको नेपाली महिला टिमले अन्तर्राष्ट्रिय क्रिकेटमा बनाएको यो नै सर्बाधिक कम टिम योगफल हो l

यस भन्दा अघि नेपाल बंगलादेशसंग २ पटक कुल २६ रनमा समेटिएको थियो l सन् २००७ को एसीसी महिला क्रिकेटको फाइनलमा पहिले ब्याटिंग गरेको नेपालले पहिलो इनिंगमा निर्धारित १८ ओभरमा ८ विकेट गुमाई मात्र २६ रन बनाएको थियो l उक्त खेल बंगलादेशले ८ विकेटले जितेको थियो l

७ बर्ष पछि वोमेंस एसियन गेम्स २०१५ को क्वार्टरफाइनलमा पुनः बंगलादेश संग भेट भएको नेपालले बंगलादेशले दिएको १०८ रनको लक्ष पछ्याउने क्रममा १५.३ ओभरमा २६ रनमै सबै विकेट गुमाएको थियो l

नेपालले पहिलो खेलमा पाकिस्तान संग ९ विकेटले पराजित हुँदा ४७ रन बनाएको थियो l

टस हारेको नेपालले पहिले ब्याटिंग गर्यो l १२ रनको कुल स्कोरमा सिता मगर आउट भएपछि ब्याटिंग गर्न आएकी काजोल श्रेष्ठ खाता नखोली नवौ ओभरमा कुल स्कोर १९ हुँदा आउट भईन् l नवौ ओभरमा नेरी थापा पनि खाता नखोली आउट हुँदा नेपालको स्कोर ९ ओभरमा १९/३ थियो l त्यसपछि नेपालले मात्र ४ रन बनाउदा बाँकि ७ विकेट गुमाउन पुग्यो l ८ नेपाली ब्याट्सउमनहरुले खाता सम्म पनि खोल्न सकेनन् l

नेपालको इनिंगमा कुनै पनि बाउन्ड्री थिएन l

ओपनर ज्योति पाण्डेले ३९ बलमा सर्बाधिक १६ रनको योगदान दिईन् भने कप्तान रुबिना क्षेत्रीले १ रन बनाउन सकिन् भने सिता मगरले ४ रन कुल योगफलमा जोडिन् l काजल श्रेष्ठ, नेरी थापा, इन्दु बर्मा, रश्मि शर्मा, करुणा भण्डारी, सरिता मगर, संगीता राई सुन्य रनमै पेभेलियन फर्किंदा सरस्वति चौधरी खाता नखोली अविजित रहिन् l श्रीलंकन बलर सुगन्दिका कुमारी र इनोका रनबिराले ३/३ विकेट हात पारिन् l

प्रतिउत्तरमा श्रीलंकाले २४ रनको लक्ष ४.३ ओभरमै पुरा गर्यो l हसिनी परेराले १ छक्का र १ चौका मदतले अविजित १७ रन स्कोर गरिन् l  रुबिना क्षेत्री र करुणा भण्डारीले १/१ विकेट हात पारिन् l

नेपालले प्रतियोगिताको आगामी खेल मंगलबार बंगलादेश संग खेल्नेछ l

आजसम्मको अंक तालिका हेर्नुस , हेर्नुस प्रतियोगिताको नतिजाहरु एकै ठाउँमा

 

यो पनि पढ्नुस :- 





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]