इन्डोनेसियालाई पराजित गर्दा बनेका ४ ठुला रेकर्ड

Nepal Women's Cricket Team


  • विकेटनेपाल, माघ ४ – शुक्रबार

थाइल्याण्डमा जारि महिला टि२० स्म्यास क्रिकेट प्रतियोगिता अन्तर्गत नेपालले इन्डोनेसियालाई पराजित गरेको छ।

समूह चरणमा खेलेका ४ वटा खेलमा शतप्रतिशत नतिजा निकाल्दै सेमिफाइनलमा प्रवेश गरेको नेपालले समुह ‘बि’ को उपविजेता इन्डोनेसियालाई ९२ रनको अन्तरले पराजित गरेको हो। अब नेपालले भोलि हुने फाइनल खेलमा थाइल्याण्ड र संयुक्त अरब इमिरेट्सबिचको बिजेताको सामना गर्ने छ।

नेपालले प्रतियोगितामा टस हारेर पहिलोपल्ट पहिलो इनिंगमा ब्याटिंग गर्दै सिता राना मगरको ४८ रन र इन्दु बर्माको अविजित ३७ रनको मद्दतमा निर्धारित २० ओभरको समाप्तीमा ३ विकेट गुमाएर ११९ रनको योगफल तयार पारेको थियो।

जवाफमा लक्ष्य पछ्याएको इन्डोनेसिया मात्र २७ रनमा समेटिएको थियो। बलिंगमा कप्तान रुबिना क्षेत्रीले २ रन खर्चेर ३ विकेट लिईन। (बिस्तृत जानकारी)

नेपालले जितसंगै फाइनलमा प्रवेश गर्दा बनाएका ४ ठुला रेकर्ड:

९२ रनको जित अन्तर

टि२० अन्तर्राष्ट्रिय क्रिकेटमा पहिलोपल्ट पहिलो पारीमा ब्याटिंग गरेको नेपालले इन्डोनेसियालाई ९२ रनको फराकिलो जित दर्ता गर्यो। उक्त अन्तर स्वाभिक रुपमा नेपालको रनको अन्तरका आधारमा सबैभन्दा फराकिलो र पहिलो जित अन्तर बन्यो। लक्ष्य पछ्याउँदा भने नेपालले चिनबिरुद्द ४९ रनको लक्ष्य पछ्याउँदै ६४ बल बाँकी रहंदा १० विकेटको जित निकालेको थियो।

सिता राना मगरको ४८ रन

आज भएको खेलमा पहिले ब्याटिंग गरेको नेपाललाई सामान्य भन्दा धेरै योगफल बनाउन सबैभन्दा महत्त्वपूर्ण भूमिका निर्वाह गर्ने खेलाडी सिता राना मगर रहिन। उनले ६२ बलको सामना गर्दै बनाएको ४८ रन नेपालको लागि महिला क्रिकेटरले टि२० अन्तर्राष्ट्रियमा बनाएको सर्बाधिक धेरै रन रहेको छ। जसमा मात्र १ चौका सामेल थियो।  उनले यसअघि आफैले युएईसँग बनाएको ३७ रनको रेकर्ड तोडेकी हुन्।

Sita Rana Magar
Sita Rana Magar

सिता र इन्दुको ७० रनको साझेदारी

नेपालले ब्याटिंग गर्दै नबौं ओभरको दोश्रो ओभरमा मात्र ३१ रनको योगफलमा पहिलो विकेट गुमाएको थियो। काजोल श्रेष्ठ व्यक्तिगत २४ रनमा आउट भएकी थिईन। त्यसपछि क्रिजमा आएकी इन्दु बर्माले ओपनर सिता राना मगरसँग मिलेर ७० रनको साझेदारी गरिन्। जुन साझेदारी नेपालि महिला क्रिकेट टिमले टि२० अन्तर्राष्ट्रियमा गरेको सबैभन्दा ठुलो साझेदारी रहेको छ।

यसअघि ओपनरद्वय काजोल श्रेष्ठ र सिता राना मगरले युएईसंगको खेलमा पहिलो विकेटको लागि ६१ रनको साझेदारी गरेका थिए। उक्त खेल नेपालले ६ विकेटले जितेको थियो।

आजको खेलमा कीर्तिमानी साझेदारी गर्नेक्रममा उन्नाइसौं ओभरको दोश्रो बलमा सिता रानामगर रन आउट को सिकार हुनुअगी ७० रन जोडिएको थियो। सिताले ४८ रन बनाउँदा इन्दु बर्माले ३३ बलमा आक्रामक ३७ रनको अविजित पारि खेलेकी थिइन्।

सर्बाधिक ठुलो स्कोर

नेपालले बनाएको १२० रनको योगफल टि-२० अन्तर्राष्ट्रिय क्रिकेटमा नेपाली महिला टिमले बनाएको सर्वाधिक योगफल हो। युएईसंग नेपालले जित हात पार्ने क्रममा बनाएको १०६ रन यसअघि सर्वाधिक योगफल रहेको थियो। पहिलो इनिंगमा नेपालले ब्याटिंग गरेको टि-२० अन्तर्राष्ट्रियमा यो नै पहिलो अवसर पनि हो।





थप समाचार

EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य

चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको […]

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]