रुपाकोट क्लब गुल्मीलाई राइज एजुकेसन कप क्रिकेटको उपाधि



राइज एजुकेसन कप क्रिकेट २०२० (  Rise Education Cricket Cup-2020 )  को उपाधि आयोजक रुपाकोट क्रिकेट क्लब, गुल्मीले जितेकोछ। फेँदी क्रिकेट टीम, मुसिकोट गुल्मीलाई ४ विकेटले पराजित गर्दै आयोजक रुपाकोटले बेसक्याम्प रेस्टुरेन्ट, फिनल्यान्ड ट्रफी उचाल्दै नगद पचास हजार हात पारेको हो।

९२ रनको लक्ष्य पछ्याउने क्रममा रुपाकोटका सन्दीप क्षेत्रीको ३१ रन महत्वपुर्ण रहेको थियो। १७ बलको सामना गरेका सन्दीपले २ चौका र ३ छक्काको मद्दतमा उक्त स्कोर बनाएका थिए। उनलाई साथ दिदै याम क्षेत्रीले १० बलमा ३ छक्का हान्दै २० रनको अविजित पारी खेले भने लुम्बिनी प्रदेशका क्याप्टेन समेत रहेका कृष्ण कार्कीले अविजित १३ रन बनाए । त्यसैगरी बिमल भन्डारीको ब्याटबाट १२ बलमा २ छक्का सहित १६ रन आएको थियो।

बलिङमा राजु थापाले ४ ओभरमा २३ रन दिदै ३ विकेट लिएका थिए भने मनोज खड्का, सन्देश खड्का र कमल रिजालको नाममा १/१ विकेट रह्यो।

यस अघि टस जितेर पहिले ब्याटिङ गरेको फेँदीको टीमले निर्धारित १६ ओभरमा ९२ रनको लक्ष्य प्रस्तुत गरेको थियो।

फेँदीको लागि अनिस जिसिले २८ बलको सामना गर्दै ३ चौका र ३ छक्काको मद्दतमा ३५ रन बनाएका थिए । त्यसैगरी रमेश बस्नेत र सन्देश खड्काले क्रमशः १४ र १० रन बनाउदा अन्य खेलाडीले दोहोरो अंक छुन सकेनन्। पहिलो र दोस्रो विकेटको रुपमा सचिन अधिकारी र दीपक कुँवरलाई राजेश रानाले शुन्यमा पेभेलियन फर्काए पछि फेँदी दवाबमा आएको थियो।

रुपाकोटका लागि म्यान अफ द म्याच श्याम खरेल ”बुमराह ” ले आफ्नो ३ ओभरको स्पेलमा ८ रन दिदै ४ विकेट लिएका थिए।

फेँदी, मुसिकोटको टीममा गण्डकी प्रदेशको प्रतिनिधित्व गर्ने केहि खेलाडी पनि थिए भने रुपाकोट B मा लुम्बिनी प्रदेशबाट खेल्ने खेलाडी पनि सम्मिलित थिए।

यो संगै फेँदीले पच्चिस हजार नगद सहित प्रेसिडेन्ट ग्रुप अफ होटल ट्रफी , मेडल र प्रमाणपत्र हात पारेकोछ।

त्यसैगरी तेस्रो स्थानको लागि भएको खेलमा सत्यवती गापा क्लब, जुनिया र आयोजक रुपाकोट C बीच प्रतिस्पर्धा भएको थियो। जसमा जुनिया टीमका क्याप्टेन दिपेस सेनको अलराउण्ड प्रदर्शनमा जुनियाले ५ विकेटको जित हासील गरेकोछ । उसले पन्ध्र हजार नगद र सिद्दबाबा निर्माण सेवा ट्रफी , मेडल र प्रमाणपत्र प्राप्त गरेकोछ।

८३ रनको लक्ष्य पछ्याउने क्रममा दिपेश सेनले १५ बलको सामना गर्दै ६ छक्काको मद्दतमा अविजित ३७ रन बनाएका थिए। पहिलो विकेटको लागि ४० रनको साझेदारी गरेका तुफान रानाले र सुनिल केसिले क्रमशः २७ र १० रन बनाए भने अन्य खेलाडी शुन्य रनमा आउट भएका थिए। खेलमा रुपाकोटको C का बलर अर्जुन पौडेलले एकै ओभरमा ३ विकेट लिएर दबाब दिने कोशिश गरेपनि दिपेस सेनले कप्तानी खेल खेलेका थिए।

त्यस अघि टस जितेर पहिले ब्याटिङ गरेको रुपाकोट C ले बिबेक भन्डारीद्वारा १८ बलमा ४ छक्का सहित बनाएको २९ रन तथा राजेश न्यौपाने र अर्जुन पौडेलको क्रमशः १२ र १४ रनको मद्दतमा ९ विकेट गुमाउदै ८३ रनको लक्ष्य प्रस्तुत गरेको थियो। रुपाकोटलाई सस्तोमा समेट्ने क्रममा दिपेस सेन एक्लैले ५ तथा हिमाल बुढाथोकी तथा तुफान रानाले २/२ विकेट बाडेका थिए।

खेलमा ६ छक्का सहित १५ बलमा ३७ रन हान्दै ३ ओभर बलिङ गरी ४ रन दिएर ५ विकेट लिएका दिपेस सेन म्यान अफ द म्याच भए।

गुल्मी, पाल्पा, अर्घाखाँची, बागलुङ , रुपन्देही, पोखरा तथा दाङका खेलाडी सम्मिलित बिभिन्न २० टीमको सहभागिता रहेको प्रतियोगिता रुपाकोट क्रिकेट क्लबको आयोजनामा रुपाकोट खेल मैदान , रुपाकोट, गुल्मीमा खेलाइएको थियो। क्लब अध्यक्ष प्रज्वल भन्डारीका अनुसार म्यान अफ सिरिज बिबेक भन्डारी भएकाछन भने बेस्ट बलर र ब्याट्स्म्यान क्रमशः बिष्णु कटरिया र सन्दीप क्षेत्री हुँदा इमर्जिङ प्लेयर अवार्ड राजेश न्यौपानेले हात पारेका थिए। विजेताहरुलाई नगद पुरस्कार , मेडल तथा प्रमाणपत्रले सम्मान गरिएको थियो।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]