रिशव पन्तले प्रहार गरे टि-२० मा दोश्रो छिटो शतक



  • विकेटनेपाल, १ माघ – सोमबार 

रिशब पन्त ट्वान्टी२० क्रिकेटमा दोस्रो छिटो शतक प्रहार गर्ने ब्याट्सम्यान बनेका छन्। भारतको घरेलु टि-२० प्रतियोगिता सैयद मुस्ताक अलि ट्रफिमा दिल्लीको लागि खेल्दै पन्तले यो उचाई हाँसिल गरेका हुन्।

आइतबार सम्पन्न हिमान्चल प्रदेश विरुद्धको खेलमा पन्तले मात्र ३२ बलमा शतक पूरा गरे। यो टि-२० क्रिकेट इतिहासकै दोस्रो छिटो शतक पनि हो। सबैभन्दा छिटो शतक प्रहार गर्ने रेकर्ड भने क्रिस गेलको नाममा रहेको छ। उनले आईपिएल २०१३ मा युवराज सिंहको पुने वारीयर्स विरुद्ध ३० बलमानै शतक प्रहार गरेका थिए।

१४५ रनको लक्ष्य पछ्याउने क्रममा २० वर्षीय बायाँ हाते ब्याट्सम्यान पन्तले ३२ बलमा नै आफ्नो शतक पुरा गरे। उनले ११६ रनको अविजित पारी खेल्ने क्रममा ३८ बलमा ८ चौका र १० छक्का प्रहार गरेका थिए। उनका ओपनिंग पार्टनर गौतम गम्भीरले भने अविजित ३० रन बनाए।

शतक प्रहार गरेपछि रिशभ ( फोटो – Times of India )

टस हारेर पहिले ब्याटिंग गरेको हिमान्चल प्रदेशले राम्रो सुरुवात का बाबजुद निर्धारित २० ओभरमा ८ विकेटको क्षतिमा १४४ रन मात्र बनाएको थियो। उसका लागि निखिल गंगताले सर्वाधिक४० रनको योगदान गरे भने कप्तान प्रशान्त चोपराले ३० प्रहार गरे। दिल्लीको बलिंगमा प्रदीप संग्वानले २ विकेट लिएका थिए।

रिशब पन्त यस्तै खतरनाक तथा विस्फोटक पारिको लागि चिनिने गर्दछन । सन् २०१६ को यु१९ विश्वकपमा पन्तले नेपाल बिरुद्द पारीको सुरुवात गर्दै ७८ रनको पारि खेलेका थिए । मात्र २४ बलको सामना गरेका उनले ९ चौका र ५ छक्का प्रहार गरेका उनले यु१९ विश्वकपमा सबैभन्दा छिटो १८ बलमा अर्धशतक बनाउने किर्तिमान आफ्नो नाममा लेखाएका थिए ।

नेपाल बिरुद्द ब्याटिंग गर्दै रिशब पन्त (फोटो: आइसीसी)

छिटो शतक प्रहार गर्ने खेलाडी ( टि-२० म्याच )
३० बल – क्रिस गेल ( वेस्ट इन्डिज )
३२ बल – रिशव पन्त (भारत )
३४ बल – एंड्रू सिमोंड्स (अस्ट्रेलिया )
३५ बल – एल.पि भानडर वेस्थुजिन ( नामिबिया )
३५ बल – रोहित शर्मा ( भारत )
३५ बल – डेभिड मिलर ( दक्षिण अफ्रीका )

यस जित संगै दिल्ली ४ खेलमा ३ जित र १ हार का साथ १२ अंक सहित तालिकाको शीर्ष स्थानमा छ मा यथावोत छ |अस्ति मात्र भएको आईपीएलको एघारौँ संस्करण रिटेन्सन कार्यक्रममा दिल्ली डेयरडेभिल्सले रिसभ पन्त लाई ८ करोडमा रिटेन गरेको थियो |

(Featured Image: @BCCI)





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]