धवनको सट्टा रिशभ, को होला भारतको ओपनर र नम्बर-४ ?



अस्ट्रेलियासंग खेलको क्रममा बुढी औलाँमा चोट लागेका कारण आगामी खेल खेल्न नसक्ने हुँदा भारतीय ओपनिंग ब्याट्सम्यान शिखर धवनको सट्टा विकेटकिपर ब्याट्सम्यान रिशभ पन्त भारतीय टिममा जोडिने भएका छन्।

भारतीय क्रिकेट बोर्डले ( बिसीसीआई ) पन्तलाई सकभर चाडो इंग्ल्याण्ड बोलाइसकेको बताएको छ। पन्त इंग्ल्याण्ड आए पनि अधिकारिक रुपमा धवनको प्रतिस्थापनको रुपमा भने टिममा जोडिने छैनन्। धवन अझै पनि भारतीय टिमको मेडिकल टिमको निगरानीमा रहनेछन्।

रिशभ पन्तलाई भारतीय टिमले यस अघि १५ सदस्यीय टिममा स्थान दिएको थिएन। रायडु र पन्तलाई बिकल्पको रुपमा राखिएको थियो। धवन घाइते हुँदा भारतीय टिम व्यवस्थापनले अनुभवी रायडुको सट्टा दिल्लीका युवा खेलाडी पन्तलाई पहिलो रोजाईमा राखेको हो।

“शिखरले भारतको आगामी ३ देखि ४ वटा खेल गुमाउने पक्का छ जसको लागि हामीसंग राम्रो प्रतिस्थापनको बिकल्प रहेको छ” भारतीय ब्याटिंग प्रशिक्षक संजय बांगरले बताए।

“हामि शिखरलाई पक्कै मिस गर्नेछौँ।”  भारतले भोलि बिहिबार न्युजिल्याण्डसंग आफ्नो तेश्रो खेल खेल्दैछ।

रिशभ पन्त मिडल अर्डरमा ब्याटिंग गर्छन् र एउटा देब्रे हाते ब्याट्सम्यानको रुपमा उनि राम्रो बिकल्प हुन्”

धवनको बिकल्पमा केएल राहुलले रोहित शर्मासंग ओपनिंग ब्याटिंग गर्ने सम्भावना रहेको छ। भारतले न्युजिल्याण्ड र पाकिस्तानसंग आगामी खेल खेल्नेछ। राहुलले ओपनिंग गर्दा दिनेश कार्तिक र विजय शंकर मध्ये एकले नम्बर ४ मा ब्याटिंग गर्नसक्ने छन्।

“टिम म्यानेजमेन्टले धवनलाई टिमसंगै इंग्ल्याण्डमा रहने र उनको अवस्था अवलोकन गर्ने निर्णय गरेका छौँ”

सुत्रका अनुसार  धवनले बुढी औंलाको चोटका कारण ३ हफ्ता खेल्न नसक्ने छन् जसका कारण समुह चरणको पुरा खेल गुमाउन सक्ने सम्भावना छ।

धवनले अस्ट्रेलियासंगको महत्वपूर्ण खेलमा जित हात पार्ने क्रममा ११७ रनको इनिंग खेलेका थिए जसको मदतले भारतले ३५२ रन बनाएको थियो। उक्त खेलमा धवनको सट्टा रभिन्द्र जडेजाले पुरै ओभर फिल्डिंग गरेका थिए।

धवनले बुधबार दिउसो एक उर्जा भरिएको कविता ट्वीट पोस्ट गरेका छन् जुन यस प्रकार रहेको छ –

कभी मेहेक कि तारह हम गुलोंसे उड्ते हें…
कभी धुवेंकि तरह हम पर्वतोंसे उड्ते हें…
ए कैचियाँ हमें उड्नेसे खाक रोकेंगी…
के हम परोंसे नहीं हौसलोंसे उड्ते हें…





थप समाचार

T20WC : स्मिथद्वारा भारतीय विश्वकप टिमको तारिफ

अस्ट्रेलियन ब्याट्सम्यान स्टिभ स्मिथले भारतको टि-ट्वान्टी विश्वकप टिम उत्कृस्ट रहेको बताएका छन्। अस्ट्रेलियाको दोश्रो वार्म अप खेलमा भारत बिरुद्ध ४८ […]

अफगानिस्तानद्वारा वेस्टइन्डिज सहजै पराजित, नाबीको घातक बलिंग

टि-ट्वान्टी विश्वकपको वार्म अप खेलमा अफगानिस्तानले डिफेन्डिङ च्याम्पियन वेस्टइन्डिजलाई ५६ रनले पराजित गरेको छ। युएईको अबुधाबी स्थित आईसीसी एकेडेमी मैदानमा […]

डुसेनले शतक बनाउदा रोमान्चक खेलमा दक्षिण अफ्रीकाद्वारा पाकिस्तान पराजित

टि-ट्वान्टी विश्वकपको तयारीको लागि खेलिएको अभ्यास खेलमा दक्षिण अफ्रीकाले रोमान्चक खेलमा प्रकिस्तानलाई ६ विकेटले पराजित गरेको छ। युएईको अबुधाबी स्थित […]

T20WC : लगातार दोश्रो जित पछि श्रीलंका सुपर-१२ मा प्रवेश, नेदरल्याण्ड बाहिरियो

युएई र ओमानमा संयुक्त रुपमा जारी सातौँ संस्करणको टि-ट्वान्टी विश्वकपमा लगातार दोश्रो जित दर्ता गर्ने क्रममा आयरल्याण्डलाई७० रनको विशाल अन्तरले […]

T20WC : फाबियन एलेन प्रतियोगिताबाटै बाहिर

युएई र ओमानमा संयुक्तरुपमा जारि टि-ट्वान्टी विश्वकपबाट वेस्टइन्डिज अलराउण्डर फाबियन एलेन बाहिरीएका छन्। आक्रामक ब्याट्सम्यान तथा देब्रे हाते स्पिनर एलेन […]

भारतद्वारा अस्ट्रेलिया पराजित, रोहितको अर्धशतक

ओमान र युएईमा संयुक्तरुपमा जारि सातौं टि-ट्वान्टी विश्वकप अघि आफ्नो दोश्रो अभ्यास खेलमा भारतले अस्ट्रेलियालाई ९ विकेटले पराजित गरेको छ। […]