रोमान्चक फाइनलमा एपीएफलाई पराजित गर्दै राइजिंग वुमेन्सलाई अत्तरिया कपको उपाधि



  • विकेटनेपाल, धनगढी, वैशाख २६

कैलालीको अत्तरीयामा भएको रुस्लान अत्तरीया कपमा विभागीय टोली एपिएफलाई पराजित गर्दै राईजिङ्ग क्रिकेट वुमन काठमाण्डौले उपाधि जितेको छ । उपाधि संगै उसले नगद २ लाख र ट्रफी हात पारेको छ भने दोस्रो भएको विभागिय टीम एपिएफले १ लाखमै चित्त वुझाएको छ ।

अत्तरीया स्थित एपिएफको खेल मैदानमा भएको खेलमा टस जितेर पहिले व्याटिङ्ग गरेको राईजिङ्ग क्रिकेट वुमन काठमाण्डौले निर्धारित २० ओभरमा ५ विकेटको नोक्सानीमा १ सय ५२ रन बनायो । राईजिङ्गका लागि अलराउण्डर विदेशी खेलाडी पुजा निमा भाटले ३८ बलको सामना गर्दै ४ चौकाको मद्दतले ३७ रन बनाईन्। त्यस्तै सहनाज प्रविण २५, शान्ता मुखर्जी २३, शान्ति खतिवडा २१, नेरी थापा र आरती विडारीले समान १३-१३ रन बनाए । एपिएफकी सरिता मगरले ४ ओभरमा २९ रन खर्चिदै ३ विकेट लिईन् । त्यस्तै एपिएफकी करुणा भण्डारीले समेत २ विकेट हात पारिन् ।

१ सय ५३ रनको विजय लक्ष्य पछ्याउदै मैदान प्रबेश गरेको विभागिय टिम एपिएफले निर्धारित ओभरमा ९ विकेट गुमाउँदै १ सय ३६ रन मात्रै बनाउन सक्यो । एपिएफकी ज्योती पाण्डेले ४२ बल खेल्दै ५ चौकाको मद्दतले ४८ रन बनाएपनि आफ्नो टिमलाई जित भने दिलाउन सकिनन् । त्यस्तै एफिएफकी करुणा भण्डारीले २४ र सरिता मगरले २१ रन बनाएपनि बाँकी खेलाडीले भने दोहरो अंकको रन बनाउन सकेनन् ।

एपिएफलाई सस्तैमा समेट्न राईजिङ्ग क्रिकेट वुमन काठमाण्डौकी पुजा निमाभाटले ४ ओभरमा १७ रन खर्चिदै ४ विकेट हात पारिन् । जितपछि प्रतिक्रिया दिदै राईजिग वुमन काठमाण्डौकी कप्तान आरती विडारीले आफुहरुले सोचे अनुसारको प्रदर्शन गर्न सफल भएको र १५० रन बनाउन सकेमा जित्न सक्ने रणनिति अनुसार जित हासिल गरेको बताउनुभयो।

एपिएफकी कप्ता बिनु बुढा मगरले सुरुवात राम्रो भएपनि मध्येक्रम चल्न नसक्दा र विपक्षी टोलीका विदेशी खेलाडीको उत्कृष्ट प्रदर्शनले पराजित हुनुपरेको बताउनुभयो।

प्रतियोगिताका विजयी खेलाडीहरुलाई एक कार्यक्रम गरी सिल्ड नगद तथा प्रमाण पत्र वितरण गरिएको छ । प्रतियोगितामा १ सय ७ रन बनाउदै ११ विकेट लिएकी राईजिङ्ग क्रिकेट वुमन काठमाण्डौकी पुजा निमाभाट उत्कृष्ट खेलाडी घोषित हुदै नगद २५ हजार रुपैया हात पारिन् । त्यस्तै राईजिङ्गकै शान्ता मुखर्जी उत्कृष्ठ विकेट किपर भईन् भने विभागिय टोली एपिएफकी ज्योति पाण्डे र सरिता मगर क्रमशः उत्कृष्ठ ब्याट्वुमन र बलर घोषित हुदै १० हजार नगद प्राप्त गरे ।





थप समाचार

कृतिकालाई कप्तानी

देब्रे हाते स्पिनर कृतिका मरासिनीलाई नेपाल क्रिकेट संघ ( क्यान ) ले अन्डर-१९ महिला राष्ट्रिय क्रिकेट टिमको कप्तानी सुम्पेको छ। […]

ईपीएल नरोक्न आयोजक र फ़्रेन्चाइजको अपिल

एभरेस्ट प्रिमियर लिग (इपिएल) का फ़्रेन्चाइजहरुले आफ्नो अस्तित्वनै समाप्त हुने गरी इपिएललाई मान्यता नदिएको खण्डमा नेपाल क्रिकेट संघ (क्यान) का […]

डीएसएल: धनगढी क्रिकेट एकेडेमी र महेन्द्रनगर क्रिकेट क्लब विजयी

धनगढी ८ जेठ – कैलालीको धनगढीमा जारी टी–२० क्लब क्रिकेट प्रतियोगिता ‘धनगढी सुपर लिग’ अन्तर्गत आइतबार सम्पन्न दुई खेलमा धनगढी […]

लिग-२ मा सक्दो धेरै खेल जित्छौं – सन्दिप

काठमाडौं, जेठ ८ गते । नेपाली राष्ट्रिय क्रिकेट टोलीका कप्तान सन्दीप लामिछानेले आईसीसी विश्वकप लिग–२ मा नेपालले सकभर धेरै खेल […]

डेब्युमा हिरान्मयी चम्किंदा नेपालको पहिलो जित

डेब्युमा १५ वर्षीय लेग स्पिनर हिरान्मयी रोयले उत्कृस्ट बलिंग गर्दा नेपाली महिला राष्ट्रिय क्रिकेट टिमले युगान्डा बिरुद्ध पाँच खेलको घरेलु […]

इन्डियन व्हीलचेयर प्रिमियर लिगमा चार नेपाली खेलाडी

भारतको दिल्लीमा आगामी महिना जुन २१ देखि २५ तारिखसम्म आयोजना हुने इन्डियन व्हीलचेयर प्रिमियर लिगको तेश्रो संस्करणमा चार जना नेपाली […]