नेपालद्वारा कुवेत सहजै पराजित, बिश्वकप पुग्न भने असफल



  • विकेटनेपाल – ७ बैशाख, बिहिबार 

आईसीसी अन्डर-१९ विश्वकप छनौट ( एसिया ) प्रतियोगिता अन्तर्गत नेपालले अन्तिम खेलमा कुवेतमाथि ८ विकेटको सहज जित दर्ता गरेको छ। अन्तिम खेलमा जित हात पारेपनि नेपाली यूवा टोली विश्वकप पुग्न भने असक्षम रह्यो।

२०२० मा दक्षिण अफ्रीकामा आयोजना हुने यु-१९ बिश्वकपमा छनौट हुन आजको खेलमा नेपालको जित मात्र पर्याप्त थिएन। नेपालको जितसंगै दिनको अर्को खेलमा ओमनले युएईलाई पराजित गर्नुपर्ने थियो। तर दुर्भाग्य, युएईले ओमान माथि १० विकेटको सानदार जित निकाल्दै विश्वकप यात्रा तय गर्यो भने नेपाल विश्वकप पुग्नबाट बन्चित रह्यो।

नेपालको जितमा रितको सानदार इनिंग :

पहिले ब्याटिंग गर्दै कुवेतले दिएको १५८ रनको मध्यम लक्ष्य पछ्याएको नेपालको सुरुवात उत्कृस्ट रह्यो। ओपनर ब्याट्सम्यान द्वय पवन सर्राफ र रित गौतमले पहिलो विकेटका लागि ९३ रनको साझेदारी गर्दा नेपालले खेलमा पकड जमायो।

बिसौं ओभरको दोस्रो बलमा व्यक्तिगत ५३ रन जोड्दै पवन पहिलो विकेट स्वरुप पभेलियन फर्किए। त्यसक्रममा उनले ६१ बलमा ८ चौका र १ छक्का प्रहार गरे।पहिलो विकेट पश्चात ब्याटिंग उत्रिएका आसिफ शेखले रितसंग तेस्रो विकेटका लागि पुन: ४७ रनको साझेदारी गरे।

Rit Gautam
Rit Gautam

खेलको प्लेयर अफ दि म्याच चुनिएका रित व्यक्तिगत ६२ रनको स्कोरमा आउट हुँदा नेपाल जित नजिक पुगिसकेको थियो। ८४ बल खेलेका रितले ७ चौका प्रहार गरे। त्यसपश्चात नेपाललाई जितको रेखासम्म पुर्याउन आसिफ शेखले अविजित ३३ रन ( २० बल, ५ चौका, १ छक्का ) तथा सन्दिप जोराले अविजित ५ रन ( ३ वल, १ चौका ) प्रहार गरे।

कुवेतको बलिङ्गमा ८ जना बलरको प्रयोग भएपनि टोलीले मात्र २ विकेट लिन सक्यो। उसका हमौद अमानुल्लाह र अब्दुल सदिकको नाममा समान १-१ विकेट रह्यो।

कुवेतको ब्याटिंग : 

टस जितेर नेपालले पहिले बलिङ्ग रोजेपछि ब्याटिंग गरेको कुवेतको सुरुवात राम्रो हुन सकेको थिएन। २ विकेट १५ रनको योगफलमा गुमेपछि कुवेत सम्हालियो। तेश्रो विकेटको लागि ओपनर गोकुल कुमार र नोमन बुद्रोले ७४ रनको साझेदारी गरेका थिए।

कुमार ३६ रन ( ६६ बलमा ५ चौका ) बनाएर आउट भए जसपछि नेपालले लगातार विकेट लियो। एक किनारमा विकेट गुमे पनि बुद्रोले विकेट सम्हालीरहे।

Rohit Paudel
Rohit Paudel ( File Photo )

बुद्रू अन्तिम विकेटको रुपमा आउट भए जसअघि उनले ७० रन बनाए। १२० बलमा उनले ८ चौका प्रहार गरे।

४९.४ ओभरमा कुवेतले १५७ रनमा सबै विकेट गुमाउन पुग्यो।

नेपालको बलिङ्गमा कप्तान रोहित पौडेलले ( ३-०-१३-३ ) ले सर्वाधिक ३ विकेट लिए भने राशिद खान ( ५-१-१६-२ ) , सुर्य तामांग ( १०-१-२७-२ ) , कुशल मल्ल ( १०-२-२१-२ ) ले २/२ विकेट लिए।





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]