नयाँ किर्तिमान बनाउदै रित गौतम बने प्लेयर अफ द म्याच



एसीसी अन्डर-१९ पूर्वी क्षेत्र प्रतियोगिता अन्तर्गत सिंगापुर बिरुद्ध २१७ रनको विशाल जित दर्ता गरेको नेपाली टिम समुह ‘ए’ को विजेताको रुपमा सेमीफाइनल प्रवेश गरेको छ।

किनरारा ओभल मैदानमा सम्पन्न खेलमा नेपालले टस जितेर ब्याटिंग गर्दै ५० ओभरमा ४ विकेट गुमाएर ३२६ रनको ठुलो योगफल तयार गरेको थियो। जवाफमा ब्याटिंग गरेको सिंगापुर ३९.१ ओभरमा १०९ रनमै समेटिन पुग्यो।

खेलमा दायाँ हाते ओपनिंग ब्याट्सम्यान रित गौतम प्लेयर अफ द म्याच चुनिन पुगेका छन्। गौतमले अविजित शतकीय इनिंग खेल्ने क्रममा अविजित ११५ रन बनाए। यस क्रममा उनले १३७ बलमा १० चौका र १ छक्का प्रहार गरे।

Rit Gautam
Rit Gautam

यस्तै खडक बोहराले ९०, कुशल मल्लले ५१ तथा पवन सर्राफले ४५ रन योगदान दिए। बलिंगमा कुशल मल्लले सर्वाधिक ४ विकेट लिए भने तिलक राज भण्डारीले २ विकेट लिए ।

रितको नयाँ किर्तिमान 

अन्डर-१९ टिमको लागि आफ्नो पहिलो शतक बनाएका रित गौतम उमेर समुहको प्रतियोगितामा २ वटा शतक बनाउने पहिलो नेपाली खेलाडी बनेका छन्। नेपाली क्रिकेट इतिहासमै हालसम्म कुनै पनि खेलाडीले उमेर समुह क्रिकेटमा २ वटा शतक प्रहार गर्न सकेका थिएनन्।

रितले यस अघि अन्डर-१६ राष्ट्रिय टिमको लागि खेल्दै २०१७ एसीसी अन्डर-१६ मा म्यानमार बिरुद्ध शतक बनाएका थिए। त्यस क्रममा उनले ७८ बलमा ११ चौका प्रहार गर्दै अविजित १०६ रन बनाएका थिए। यस पटक पनि गौतम आउट भएनन्।

अन्डर-१९ स्तरमा नेपालको लागि यस अघि शक्ति गौचन, कनिस्क चौगाई, फैजरुल रहमान र राजु रिजालले १/१ शतक बनाएका थिए।

अन्तिम पटक राजु रिजालले युगान्डा बिरुद्ध ४ वर्ष अघि युगान्डा बिरुद्ध आईसीसी अन्डर-१९ विश्वकपमा अन्डर-१९ टिमको लागि शतक ( १०१ रन ) प्रहार गरेका थिए। त्यस अघि फैजरुल रहमानले ओमान बिरुद्ध यु-१९ एसीसी इलाइट कप २०११ मा शतक ( १०१ रन ) बनाएका थिए।

Raju Rijal

फैजरुल रहमानको शतक अघि कनिस्क चौगाईंले सन् २००३ मा माल्दिभ्स बिरुद्ध शतक ( १२५ रन ) बनाएका थिए। नेपालको लागि यु-१९ राष्ट्रिय खेलाडीले बनाएको त्यो नै व्यक्तिगत सर्वाधिक रन हो।

अन्डर-१९ टिमको लागि पहिलो शतक शक्ति गौचनले प्रहार गरेका थिए। उनले काठमाडौँमा आयोजित सन् २००१ को एसीसी यु-१९ प्रतियोगितामा माल्दिभ्स बिरुद्ध १०१ रन बनाएका थिए।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]