रोबिन सिंहले अन्तिम बलमा छक्का ! हिर्काउदा बोदे बर्साइनको रोमान्चक जित



  • विकेटनेपाल, ३१ असार – सप्तरी 

अन्तिम बलमा ५ रन आवस्यक रहंदा रोबिन सिंहले छक्का प्रहार गर्दै चमत्कारिक जित दिलाएपछि तिलाठी कोइलाडीलाई बोदे बर्साइनले ५ विकेटले पराजित गरेको छ।

मेयर कप सप्तरी प्रिमियर लिग अन्तर्गत चौथो खेलमा टस जितेर ब्याटिंग गर्दै तिलाठी कोइलाडीले दिएको १६४ रनको लक्ष्य पछ्याउने क्रममा अन्तिम ओभरमा बोदे बर्साइनलाई खेल जित्न ७ रन आवस्यक थियो। अन्तिम ओभर बलिङ्ग गर्दै थिए रासिद खान जसको ओभरको पहिलो बलमा श्रवन यादब रन आउट हुँदा ५ बलमा जित्न ७ रन बाँकी थियो। त्यसपछि राशिदले लगातार २ बलमा रन दिएनन् भने त्यसपछि चौथो र पाँचौ बलमा १/१ रन बाईको रुपमा रासिदले खर्चिंदा अन्तिम बलमा जितको लागि ५ रन चाहिएको अवस्थामा बोदे बर्साइन पुग्यो।अन्तिम बलमा स्ट्राईकमा थिए रोबिन सिंह जसले रासिदको लेन्थ बललाई अगाडी बढेर डिप-मिड विकेटको माथिबाट छक्का प्रहार गर्दै अपत्यारिलो जित दिलाएका थिए।

पहिले ब्याटिंग गर्ने क्रममा तिलाठी कोइलाडीका कप्तान मेहबुब आलमले आक्रामक ब्याटिंग गर्दै ७६ रन बनाएका थिए जुन क्रममा मात्र ४८ बलमा ८ छक्का र ५ चौका प्रहार गरे। यस्तै राहुल मण्डलले २६ रन तथा राशिद खानले १६ रन योगदान दिए।  ओपनिङ्ग ब्याटिंग गरेका मेहबुब र राहुलले पहिलो विकेटको लागि १४.३ ओभरमा ११० रनको साझेदारी गरेका थिए। तिलाठीले २० ओभरमा ६ विकेट गुमाएर १६३ रन बनाएको थियो। बोदे बर्साइनका बलर नन्दन झाले ३ तथा सन्दिप ढुंगानाले २ विकेट हात पारे।

बोदे बर्साइनले २० ओभरमा ५ विकेट गुमाएर लक्ष्य भेट्यो र ५ विकेटको जित दर्ता गर्यो। उसको लागि ओपनिङ्ग ब्याटिंग गरेका सन्दिप ढुंगानाले ४० रन, अंकित सुबेदीले ४५ रन तथा सिद्धान्त लोहनीले ४४ रन बनाए। सन्दिपले ३० बलमा ४ चौका र २ छक्का, अंकितले ३८ बलमा ४ चौका र २ छक्का तथा सिद्धान्तले ३५ बलमा २ चौका र ३ छक्का प्रहार गरे।

Mehboob Alam
Mehboob Alam

खेलको म्यान अफ द म्याच सिद्धान्त लोहनी र अंकित सुबेदी संयुक्त रुपमा घोषित भए जसले रु. १ हजार ५०० प्राप्त गरे। बिजेता खेलाडहरु लाई राजविराज नगरपालिकाका प्रशाशकिय अधिकृत चन्द्र बहादुर कार्कीले पुरस्कार प्रदान गर्नुभयो।

प्रतियोगितामा तिलाठी कोइलाडीले ३ खेलमा लगातार तेश्रो हार बेहोरेको छ जसपछि फाईनल पुग्ने सम्भावना सकिएको छ भने बोदे बर्साइन र खडक वारियर्स फाईनल पुग्ने पक्का भएको छ। ३ खेल खेलेको बोदेले २ जित र १ हार बेहोरेको छ भने २ खेल खेलेको बजाज खडक वारियर्सले दुवै जित हात पारेको छ।

सप्तरी क्रिकेट संघले आयोजना गरेको प्रतियोगिताको पाँचौ खेलमा सोमबार बोदे बर्साइन थन्डर्स र बजाज खडक वरियर्स प्रतिस्पर्धा गर्नेछन्।

Man of the match Siddhant Lohani & Ankit Subedi
Man of the match Siddhant Lohani & Ankit Subedi





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]