APF Vs Province-3 Live

सोमपालको टिममा मुस्तफासँगै अर्का युएईका खेलाडी आउने

  • विकेटनेपाल, माघ २५ – शुक्रबार

माघ २६ गतेदेखि फाल्गुन ११ गतेसम्म संचालन हुने तेस्रो संस्करणको धनगढी प्रिमियर लिगको लागि सम्पूर्ण टिमहरुले आफ्नो तयारि अन्तिम चरणमा पुगेको बताएका छन्। यस्तै प्रतियोगिताको समेत तयारि लगभग अन्तिम चरणमा पुगेको छ।

यसैबीच घरेलु टिम धनगढी स्टार्सले आफ्नो बिदेशी खेलाडीमा फेरबदल भएको बताएको छ। अघिल्लो दुई संस्करण टिम चौराहा धनगढीको नामबाट खेलेको टिमले आफ्नो बिदेशी खेलाडीको रुपमा युएईको राष्ट्रिय टिमका दुई खेलाडीलाई बोलाएको छ।

यसअघि भारतका अलराउण्डर सागर त्रिबेदीलाई टिममा समाबेश गराएको बताईएपनि उनलाई आफ्नो रन्जी टिमले अनुमति नदिएको भन्दै उनको स्थानमा युएईका आमिर हयातलाई टिममा सामेल गरिएको छ। उनिसंगै नेपालको घरेलु क्रिकेटमा अनुभव बटुलिसकेका राष्ट्रिय टिमका कप्तान समेत रहेका रोहन मुस्ताफा आउँदैछन्।

रोहन मुस्तफा

दायाँ हाते ब्याट्सम्यान र अफस्पिनर मुस्तफाले युएई राष्ट्रिय टिमको लागि २७ एकदिवसीय अन्तर्राष्ट्रिय र २५ टि-२० अन्तर्राष्ट्रिय खेलीसकेका छन्। त्यस क्रममा उनले एकदिवसीयमा ६४२ रन तथा टि-२० मा ४११ रन बनाएका छन्। यस्तै बलिङ्गतर्फ एकदिवसीयमा २८ विकेट तथा टि-२० मा १९ विकेट लिएका छन्।

पछिल्लो एक बर्ष यता मुस्तफा नेपाली घरेलु लिगहरुमा निरन्तर सहभागीहुँदै आएका छन्। दोस्रो सिजनको धनगढी प्रिमियर लिगमा टिम चौराहा धनगढीको प्रतिनिधित्व गरेका मुस्तफाले प्रतियोगिताको उत्कृस्ट खेलाडी घोषित हुँदै धनगढीलाई प्रतियोगिता जिताउन महत्वपूर्ण भूमिका निभाएका थिए। त्यसक्रममा मुस्तफाले कुल ६ खेलमा ब्याटिंगतर्फ १९८ रन र बलिंगतर्फ ९ विकेट लिएका थिए।

यस्तै गत कार्तिकमा पोखरामा सम्पन्न पोखरा प्रिमियर लिग क्रिकेट प्रतियोगितामा समेत मुस्तफाले बुटवल ब्लास्टर्सको प्रतिनिधित्व गरेका थिए।त्यस प्रतियोगितामा उनले ब्याटिंगतर्फ ५ खेलमा २५.४० को औसतमा १२७ रन प्रहार गरेका थिए भने बलिङ्गतर्फ समान ५ खेलमा ६.६५ को उत्कृस्ट इकोनोमीमा ५ विकेट हात पारेका थिए।

मुस्तफाले एभरेष्ट प्रिमियर लिग ( इपिएल ) को अन्तिम संस्करणमा काठमाण्डौ किंग्स ११ को कप्तानी समेत गर्न भ्याए। सो क्रममा टोलीलाई अन्तिम ४ सम्म पुर्याउन मुस्तफाले ब्याटिंगतर्फ ११४ रन तथा बलिङ्गतर्फ ५ विकेट हात पारे।

नेपालका हरेक लिगहरुमा मुस्तफा सोमपाल कामीकै टिम ( चौराहा धनगढी, बुटवल ब्लासटर्स, काठमाण्डौ किंग्स ११ ) मा रहँदै आएका छन्।

आमिर हायात

यस्तै धनगढी स्टार्सले अनुबन्धन गरेका अर्का खेलाडी आमिर हयात बलिंगको कारण चिनिने गर्दछन भने ब्याटिंग समेत गर्ने क्षमता राख्दछन। ९ एकदिवसीय र ४ टि२० अन्तर्राष्ट्रिय खेलको अनुभव भएका उनले नेपाल बिरुद्द भर्खरै सम्पन्न दुवै सिरिजमा ६ खेल खेलेका थिए। ३६ बर्षीय दायाँ हाते तिब्र गतिका बलर उनले सुरुवाती २ एकदिवसीय खेलमा ६० रन खर्चेर ६ विकेट लिएका थिए भने अन्तिम खेलमा विकेट लिन नसक्दा ५१ रन दिएका थिए।

Amir Hayat celebrating wicket against Nepal.

त्यस्तै सुरुवाती टि२० खेलमा १ विकेट लिन ३४ रन खर्चिंदा दोश्रो खेलमा समान १ विकेट लिन २७ रन दिएका थिए। निर्णायक तथा अन्तिम खेलमा मात्र १६ रन दिएर २ विकेट लिएपनि टिमको हार जोगाउन सकेका थिएनन। मुस्तफाले भने प्रतिबन्धका कारण नेपालसंगको सिरिज गुमाएका थिए।

प्रतियोगिता अघि आज ट्रफी सार्बजनिक गर्नेक्रममा सोमपालले सागर त्रिबेदीलाई ल्याउन नसकिएको जनाएका थिए। “दुवै खेलाडीहरु भोलि दिउसोसम्म धनगढी आउनेछन्” धनगढी स्टार्सका कप्तान सोमपाल कामिले भने।

धनगढीको टोलीमा सोमपाल कामीसंगै पवन सर्राफ, दिपेश श्रेष्ठ, सौरभ खनाल, बिपिन खत्री, हरि बहादुर चौहान, अमित श्रेष्ठ, राजु रिजाल, रोबिन क्षेत्री, सुनील धमला, सन्दिप रजाली, धिरज शाही र कृष्ण ऐर रहेका छन्।

Share This