रोहित र कुलदिप चम्किँदा भारतको फराकिलो जित



  • विकेटनेपाल, माघ १२ – शनिबार

न्युजिल्यान्ड भ्रमणमा रहेको भारतले दोश्रो एकदिवसीय खेलमा ९० रनको फराकिलो जित दर्ता गर्दै ५ खेलको सिरिजमा २-० को अग्रता लिएको छ।

भारतले दिएको ३२५ रनको विजयी लक्ष्य लिएर मैदानमा उत्रिएको घरेलु टिम न्युजिल्यान्ड मात्र ४०.२ ओभरमा २३४ रनमा समेटियो। उसलाई सस्तैमा समेट्न भारतका कुलदीप यादवले ४ विकेट लिए। उनले १० ओभरमा ४५ रन खर्चेका थिए। त्यस्तै युज्वेन्द्र चाहालले ५२ तथा भुवनेश्वर कुमारले ४२ रन खर्चेर समान २/२ विकेट हात पारे।

न्युजिल्यान्डको लागि ब्याटिंग तर्फ डग ब्रास्वेलले ४६ बलमा ५ चौका र ३ छक्काको मद्दतममा ५७ रनको आक्रामक पारि खेलेपनि जितको लागि पर्याप्त हुन सकेन।त्यस्तै टोम लथमले ३८ तथा कोलिन मुन्द्रोले ३१ रन बनाएका थिए।

यसअघि बे ओभल मैदानमा टस जितेर पहिले ब्याटिंग गरेको भारतलाई राम्रो सुरुवात दिलाउने क्रममा रोहित शर्मा र शिखर धवनले पहिलो विकेटको लागि १५४ रनको साझेदारी गरेका थिए। २६ औं ओभरमा शिखर ६६ रन बनाएर आउट भएपछि साझेदारी टुटेको थियो। धवनले ६७ बलमा ९ चौका प्रहार गरे।

रोहित शर्मा पनि ३० औं ओभरमा ८७ रन बनाएर आउट हुँदा दोश्रो विकेट गुमाएको भारतलाई तेश्रो विकेटको लागि कप्तान बिराट कोहली र अम्बाती रायडुले अघि बढाए। म्यान अफ द म्याच घोषित रोहितले ९६ बलमा ९ चौका र ३ छक्का प्रहार गरे।

रायडूसंग ६४ रनको साझेदारी गरेपछि कोहली ४३ रनको ( ४५ बलमा ५ चौका ) स्कोरमा आउट भए। कोहलीको विकेट पछि रायडु ४७ रन ( ४९ बलमा ३ चौका र १ छक्का ) बनाएर आउट भए।

४५.४ ओभरमा २७१/४ रहेको भारतको योगफललाई रफ्तार दिंदै त्यसपछि धोनी र केदार जाधबले पाँचौ विकेटको लागि  २६ बलमा ५३ रन बनाए। फलस्वरुप भारतले ५० ओभरमा ४ विकेट गुमाएर ३२४ रन बनायो।

धोनीले अविजित ४८ रन बनाए जुन क्रममा ३३ बलमा १ छक्का र ५ चौका प्रहार गरे। जाधबले अविजित २२ रन बनाउदा १० बलमा ३ चौका र १ छक्का प्रहार गरे।

न्युजिल्याण्डको बलिङ्गमा ट्रेन्ट बोल्ट ( १०-१-६१-२ ) र लकि फर्गुसनले ( १०-१-८१-२ ) २/२ विकेट लिए।





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]