IPL : वार्नरलाई उछिन्दै रोहितले बनाए ठूलो कीर्तिमान



मुम्बई इन्डीएन्सका कप्तान रोहित शर्माले बुधबार कोलकाता नाइट राइडर्स बिरुद्ध आईपीएल २०२० मा पहिलो अर्धशतक बनाउने क्रममा नयाँ कीर्तिमान बनाएका छन्। खेलमा उनले ५४ बलमा ६ छक्का र ३ चौका प्रहार गर्दै ८० रन बनाए जुन क्रममा लिगमा ३७ औं अर्धशतक बनाए।

८० रन बनाउदै रोहित लिग इतिहासमै एकै टिम बिरुद्ध सबैभन्दा बढी रन बनाउने ब्याट्सम्यान बनेका छन्। यस क्रममा उनले सनराइजर्स हैदरावादका कप्तान डेभिड वार्नरलाई पछि पारेका छन्।

लिगमा रोहितले कोलकाता बिरुद्ध २६ खेलमा कुल ९०४ रन बनाएका छन्। यस क्रममा उनले ४७.५७ को औशत र १३४.९२ को स्ट्राइक रेटले १ शतक र ६ अर्धशतक प्रहार गरेका छन्। एकै टिम बिरुद्ध दोश्रो धेरै रन बनाउने ब्याट्सम्यान वार्नरले कोलकाता बिरुद्धनै २१ खेलमा २ शतक र ४ अर्धशतक प्रहार गर्दै ८२९ रन बनाएका छन्। बिराट कोहलीले दिल्ली क्यापिटल्स बिरुद्ध ८२५ रन, सुरेश रैनाले पन्जाब बिरुद्ध ८१८ रन तथा मुम्बई बिरुद्ध ८१८ रन बनाएका छन्।

रोहित आईपीएलमा मुम्बईको लागि सबैभन्दा धेरै रन बनाउने ब्याट्सम्यान पनि हुन् उनले १४५ औं खेल खेल्ने क्रममा १ शतक र २९ अर्धशतक प्रहार गर्दै ३,८२० रन बनाएका छन्। काइरन पोलार्डले दोश्रो धेरै २,७८६ रन बनाएका छन्।

रोहितले पुरा गरे २०० औं छक्का, इतिहासकै चौथो ब्याट्सम्यान

खेलमा ६ छक्का प्रहार गरेका रोहित आईपीएल इतिहासमा २०० औं छक्का प्रहार गर्ने मात्र चौथो ब्याट्सम्यान बनेका छन्। रोहितले १९४ छक्का प्रहार गरेका सुरेश रैनालाई पछि पार्दै चौथो धेरै छक्का प्रहार गर्ने ब्याट्सम्यान बनेका हुन्।


क्रिस गेलले लिगमा सर्वाधिक छक्का प्रहार गरेका छन्। युनिभर्स बोसले १२५ खेलमा ३२६ छक्का प्रहार गरेका छन्। दोश्रो ए बि डी भिल्लीयर्सले २१४ छक्का तथा तेश्रो धेरै महेन्द्र सिंह धोनीले २१२ छक्का प्रहार गरेका छन्। बिराट कोहलीले १९० तथा डेभिड वार्नर र शेन वाटसनले १८१ छक्का प्रहार गरेका छन्। काइरन पोलार्डले १७७ छक्का प्रहार गरेका छन्।

५ हजार रन नजिक रोहित 

कोलकाता बिरुद्ध ८० रनको इनिंग पछि लिगमा ४,९९० रन बनाएका रोहित ५ हजार रन पुरा गर्न मात्र १० रन पर छन्। लिग इतिहासमा ५ हजार रन पुरा गर्ने ब्याट्सम्यान बिराट कोहली र सुरेश रैना मात्र हुन्। बिराटले ५,४२६ रन तथा रैनाले ५,३६८ रन बनाएका छन्।

IPL : आउट दिएको निर्णय अम्पायरले फिर्ता लिएपछि

क्यान बैठकको ९ निर्णय, डिसेम्बरमा अन्तर्राष्ट्रिय सिरिज आयोजना गर्ने

विदेशी लिगमा सन्दिपको १० व्यक्तिगत कीर्तिमान

देभदत्त पडीक्कल : नजिकबाट चिन्नुस आईपीएल २०२० मा आरसीबिका नयाँ ओपनरलाई





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]