रोहितलाई टी-२० बिश्वकप एसिया छनौटको प्रारम्भिक टिममा राखिएन – कारण यस्तो

rohit poudel


  • विकेटनेपाल, असोज २ – मङ्गलबार 

अक्टोबार ३ देखि मलेसियामा सुरु हुने टि -२० बिश्वकप छनौट एसिया ( पूर्वी ) प्रतियोगिताको लागि १८ सदस्यीय नेपाली टिमको घोषणा गरिएको छ।

१८ सदस्यीय प्रारम्भिक नेपाली टिम – पारस खड्का ( कप्तान ) , अनिल साह , बसन्त रेग्मी ,बिनोद भण्डारी, दिपेन्द्र ऐरि, दिपेश श्रेष्ठ, ज्ञानेन्द्र मल्ल, करन केसी, ललित भण्डारी, ललित राजबंशी, आरिफ शेख, प्रदिप ऐरि , सागर पुन, सन्दिप लामिछाने, शाहब आलम , शरद भेसावकर, सोमपाल कामि, सुनिल धमला

सन् २०२० मा अष्ट्रेलियामा आयोजना हुने ट्वान्टी-२० विश्वकपको उप-क्षेत्रिय छनौट प्रतियोगिता अन्तर्गत नेपालले अक्टोबर ३ तारिकमा म्यानमारसंग खेल्दैछ। यस्तै दोस्रो खेल मलेसिया बिरुद्ध अक्टोबर ६ तारिकमा, तेस्रो खेल अक्टोबर ७ तारिकमा थाइल्याण्ड बिरुद्ध, चौथो खेल अक्टोबर ९ तारिकमा भुटान बिरुद्ध, पाँचौ खेल अक्टोबर १० तारिकमा चिन बिरुद्ध र अन्तिम तथा छैठौं खेल अक्टोबर १२ तारिकमा सिंगापुर बिरुद्ध खेल्ने तालिका रहेको छ।

यस उप-क्षेत्रबाट शिर्ष ३ टोलि एसियाली क्षेत्रिय छनौट प्रतियोगिताका लागि अगाडी बढ्नेछन्। एसियाली क्षेत्रिय छनौट प्रतियोगिताका लागि यसअघि नै एसिया “ए” उप-क्षेत्रबाट ( पश्चिमी ) युएई, कुवेत र कतार छनौट भैसकेका छन्।

रोहित छैनन् प्रारम्भिक टिममा, कारण यस्तो 

प्रतियोगिताको लागि घोषित प्रारम्भिक नेपाली टिममा रोहित पौडेललाई समावेश गरीएको छैन। यस्तै यस अघि एसिया कप छनौटको प्रारम्भिक टिममा रहेका देब्रे हाते स्पिनर सुशन भारिलाई पनि प्रारम्भिक टिममा राखिएको छैन। सुशनको सट्टा अर्का देब्रे हाते स्पिनर शाहब आलमलाई स्थान दिईएको छ भने तिब्र गति बलर दिपेश श्रेष्ठले पनि मौका पाएका छन्।

Rohit Poudel
रोहित पौडेल ( Photo – Raman Shiwakoti )

रोहित पौडेललाई यो पटक राष्ट्रिय टिममा नराखी सेप्टेम्बर २९ देखि बंगलादेशमा सुरु हुने यु-१९ युथ एसिया कपको टिममा राखिएको छ। त्यसैले रोहित राष्ट्रिय टिममा स्थान बनाएपछि पहिलो पटक टिम बाहिर बस्नेछन्।

यस अघि यु-१९ राष्ट्रिय टिम प्रशिक्षक बिनोद दासले राष्ट्रिय टिममा नियमित खेलिरहने खेलाडीहरुलाई यु-१९ टिममा नराख्ने बताएपनि रोहितलाई भने यु-१९ टिममा फिर्ता बोलाईएको छ। यु-१९ टिमको कमजोर ब्याटिंग र टिममा सन्तुलन ल्याउनको लागि कदम चालिएको अनुमान गर्न सकिन्छ। यो बाहेक कमजोर प्रतिस्पर्धीहरु रहेका कारण समेत नेपालले पूर्वी क्षेत्र टि-२० छनौटमा नयाँ खेलाडीहरुलाई मौका दिन सक्ने समेत सम्भावना प्रबल मानिएको छ।

अर्कोतर्फ रोहितको फर्म पनि पछिल्लो समय खराब चलिरहेको छ जसकारण एसिया कप छनौटमा पनि उनलाई मात्र २ वटा खेल खेलाईएको थियो जसमा उनले खराब ब्याटिंग गरेका थिए। युएईसंग ९ र ओमान संग खाता नखोली आउट भएका पौडेलले त्यस अघि नेदरल्याण्डसंगको एकदिवसीय अन्तर्राष्ट्रियमा पनि मात्र ६ रन बनाएका थिए।

नेपाली यु १९ टिम युथ एसिया कपमा  भारत, अफगानिस्तान र युएई रहेको समुहमा छ। प्रतियोगिताको सुरुवात नेपालले सेप्टेम्बर २९ मा भारतसंग खेल्दै गर्नेछ भने अक्टोबर १ मा अफगानिस्तान र अक्टोबर २ मा युएईको सामना गर्नेछ।





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]