रोहितको शतकमा भारतको जित



  • विकेटनेपाल, पौष ८ – शनिबार

भारत र श्रीलंकाबीचको ३ खेलको टी२० अन्तर्राष्ट्रिय सिरिजको दोश्रो खेलमा रोहित शर्माले शतक प्रहार गरेपछि भारतले श्रीलंकामाथि ८८ रनको फराकिलो जित दर्ता गरेको छ ।

होल्कार मैदान दिल्लीमा शुक्रबार भएको खेलमा टस हारेर पहिले ब्याटिंग गरेको भारतले २० ओभरमा ५ विकेट गुमाएर २६० रन बनाएको थियो । उसका लागि रोहित शर्माले आफ्नो टी२० अन्तर्राष्ट्रिय करियरको दोश्रो शतक प्रहार गरे । ११८ रनको पारि खेलेका उनले ४३ बल सामना गर्दा १२ चौका र १० छक्का प्रहार गरेका थिए ।

त्यस्तै लोकेश राहुलले पनि पहिलो विकेटको लागि रोहित शर्मासँग १६५ रनको साझेदारी गर्नेक्रममा ८९ रनको पारि खेले जसमा ४९ बलमा ५ चौका र ८ छक्का सामेल थियो ।

जवाफमा उत्रेको श्रीलंकाको लागि कुशल परेरा र उपुल थारंगाले क्रमश: ७७ रन र ४७ रनको पारि खेलेपछि कुनै समय १४५/१ को अवस्थामा रहेको थियो । परेराले ३७ बलमा ४ चौका र ७ छक्का हान्दा थारंगाले २९ बलमा ३ चौका र २ छक्का हाने ।

भारतीय स्पिनर कुलदिप यादव र युज्बेन्द्र चाहलले ७ विकेट झारेपछि श्रीलंका थप २७ रन जोड्दा श्रीलंकाले सबै विकेट गुमाउदै १७.२ ओभरमा मात्र १७२ रन बनाउन सक्यो र ८८ रनले पराजित भयो । चाहलले ५२ रन खर्चेर ४ विकेट लिदा, यादवले पनि समान ५२ रन खर्चेर ३ विकेट लिए ।

जित सँगै ३ खेलको सिरिजमा भारतले २-० ले अग्रता लिएको छ ।

३५ बलमै शतक प्रहार गर्दै रोहितको बिश्व किर्तिमान

भारत र श्रीलंकाबीच जारी तिन टी-२० सिरिजको दोश्रो खेलमा ३५ बलमा शतक प्रहार गर्दै रोहित शर्माले टी-२० अन्तर्राष्ट्रिय क्रिकेटमा सबैभन्दा छिटो शतक प्रहार गर्ने रेकर्डमा बराबरी गरेका छन्।

उनले ११८ रनको पारी खेल्ने क्रममा ४३ बलमा १२ चौका र १० छक्का प्रहार गरेका थिए। बिराट कोहलीको अनुपस्थितिमा भारतको कप्तानी समेत गरिरहेका रोहितको इनिंगको मदतले खेलमा पहिले ब्याटिंग गर्दै भारतले २० ओभरमा ५ विकेट गुमाई २६० रनको स्कोर तयार गरेको छ। लोकेश राहुलले पनि ४९ बलमा ८९ रनको योगदान दिएका छन् जसले ८ छक्का र २ चौका प्रहार गरेका थिए।

रोहित शर्मा र लोकेश राहुलले पहिलो विकेटको लागि १६५ रनको साझेदारी गरे (फोटो: बिसिसीआई)

यो रेकर्ड यसभन्दा अगाडी दक्षिण अफ्रिकाका डेविड मिलरको नाममा रहेको थियो जसले बंगलादेश बिरुद्दको टी-२० मा ३५ बलमा नै शतक प्रहार गरेका थिए। साथै रोहितको नाममा अब टी-२० अन्तर्राष्ट्रिय क्रिकेटमा दुई शतक रहेका छन्, यस भन्दा अघि उनले सन् २०१५ मा दक्षिण अफ्रिका बिरुद्द पहिलो शतक बनाउने क्रममा १०६ रनको पारि खेलेका थिए ।

छिटो शतक प्रहार गर्ने खेलाडी ( टि-२० अन्तर्राष्ट्रिय ) 

३५ बल – रोहित शर्मा ( भारत ) र डेभिड मिलर  ( दक्षिण अफ्रीका )
४५ बल – रिचर्ड लेभी ( दक्षिण अफ्रीका )
४६ बल – लोकेश राहुल ( भारत )
४७ बल – क्रिस गेल ( वेस्ट इन्डिज ) , आरोन फिन्च ( अस्ट्रेलिया )
४८ बल – इभिन लुइस ( वेस्ट इन्डिज )
४९ बल – ग्लेन म्याक्सवेल ( अस्ट्रेलिया )
५० बल – बाबर हायात ( हंगकंग )

टी-२० अन्तर्राष्ट्रिय क्रिकेटमा सबैभन्दा धेरै शतक बनाउने खेलाडीहरुको सुचिमा क्रिस गेल, ब्रेन्डन म्याकलम, ईभान लुइस, कोलिन मुन्रोको नाममा २/२ अन्तर्राष्ट्रिय शतक रहेका छन् र रोहित शर्माले पनि आफ्नो दोश्रो शतकसँगै यो लिस्टमा आफ्नो नाम लेखाएका छन् ।

रोहित शर्माको शतक तथा लोकेश राहुलको ४९ बलमा ८९ रनको मद्दतले भारतले २६०/५ को योगफल तयार पारेको थियो जुन टी-२० अन्तर्राष्ट्रियमा सर्बाधिक दोश्रो सँगबराबर रहेको छ । शिर्ष स्थानमा २६३/३ रहेको छ जुन अस्ट्रेलियाले श्रीलंकाबिरुद्द २०१६ मा बनाएको थियो भने दोश्रो स्थानमा श्रीलंकाले केन्या बिरुद्द २००७ मा बनाएको २६०/५ रहेको छ।

गतहफ्ता मात्रै रोहितले श्रीलंकासंग एकदिवसीय शृंखलामा करियरको तेश्रो दोहोरो शतक प्रहार गरेका थिए। अविजित २०८ रन बनाउने क्रममा उनले त्यस खेलमा १५३ बलमा १३ चौका र १२ छक्का प्रहार गरेका थिए। बिस्तृतमा पढ्नुस

रोहितको शतकको भिडीयो हेर्न क्लिक गर्नुस 

 





थप समाचार

EPL : सिकन्दर रजाको अर्धशतक, बिराटनगरद्वारा चितवनलाई १५२ रनको लक्ष्य

चौंथो संस्करणको एभरेस्ट प्रिमियर लिग टि-ट्वान्टी अन्तर्गत दोश्रो दिन पहिलो खेलमा करन केसी कप्तानीको बिराटनगर वारीयर्स र सोमपाल कामि कप्तानीको […]

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]