रोहित र सन्दिपको अर्धशतक तथा कमलको विस्फोटक इनिंग, नेपालले बनायो २७६ रन



  • विकेटनेपाल, चैत-६ , बुधबार 

अप्रिल १० देखि २० तारिकसम्म मलेसियामा आयोजना हुने आईसीसी अन्डर यु-१९ विश्वकप छनौट प्रतियोगिताको तयारी स्वरूप भारत भ्रमणमा रहेको नेपाली अन्डर-१९ क्रिकेट टिमले पहिलो अभ्यास खेलमा आन्द्रा स्टेट अन्डर-१९ क्रिकेट टिमको सामना गरिरहेको छ।

खेलमा पहिले ब्याटिंग गरेको नेपालले ५० ओभरको खेलमा ४८ ओभरमा सबै विकेट गुमाउदै २७६ रनको योगफल तयार गरेको छ र २७७ रनको लक्ष्य आन्द्रा स्टेट यु-१९ टिमलाई प्रस्तुत गरेको छ।

कमजोर सुरुवात गरेको नेपालले ४९ रन बनाउदा पहिलो ४ विकेट गुमाउन पुगेको थियो। ओपनर रित गौतम ५ रन, पवन सर्राफ ४ रन, आसिफ शेख ९ रन तथा रभी शाह ५ रन बनाएर आउट हुन पुगेका थिए।

Rohit Paudel
Rohit Paudel

पाँचौ विकेटको लागि कप्तान रोहित पौडेल र सन्दिप जोराले शतकीय साझेदारी गर्दै टिमलाई ठुलो योगफलतर्फ डोर्याएका थिए। १४५ रनको साझेदारी पछि सन्दिप ६९ रन बनाएर आउट हुन पुग्दा टुटेको थियो। जोराले ६४ बलमा ६ छक्का र २ चौका प्रहार गरे।

सन्दिपको विकेट पछि एउटा किनार सम्हालीरहेका रोहित पौडेललाई अन्य ब्याट्सम्यानले राम्रो साथ दिन सकेनन्। लोकेस बम ५ रन, कुशल मल्ल १७ रन बनाएर आउट हुन पुगे।

त्यसपछि रोहित पनि आठौँ विकेटको रुपमा ७९ रन बनाएर आउट हुन पुगे। पौडेलले ११६ बलमा ६ चौका र १ छक्का प्रहार गरे।

Sundeep Jora

तल्लो क्रममा कमल सिंह ऐरीले आक्रामक इनिंग खेल्दै २५ बलमा ४४ रन बनाउदै टिमको योगफल २५० कटाएका थिए। ऐरीले २ चौका र ५ छक्का प्रहार गरे।

कमलले ४८ औं ओभरमा लगातार ५ छक्का प्रहार गरेका थिए र सोहि ओभरको अन्तिम बलमा विकेट गुमाएका थिए।

४८ ओभरमा नेपालले सबै विकेट गुमाएर २७६ रनको योगफल तयार गर्यो र २७७ रनको लक्ष्य प्रस्तुत गर्यो।

आन्द्राको लागि बलिंगमा तेजस्वाईले सर्वाधिक ४ विकेट ( १०-०-४१-४ ) तथा श्रीकर्साई रेड्डीले र भेंकटेसले २/२ विकेट हात पारे। नेपालले ३२ रन अतिरिक्तको रुपमा प्राप्त गर्यो।

भ्रमण अन्तर्गत नेपालले कुल ४ वटा अभ्यास खेल खेल्ने कार्यक्रम रहेको छ ।

नेपालको अन्तिम ११ – रोहित पौडेल ( कप्तान ) , रभी शाह, रित गौतम , पवन सर्राफ, आसिफ शेख,, सन्दिप जोरा , लोकेस बम , कुशल मल्ल , रासिद खान, सागर ढकाल, कमल सिंह ऐरी, प्रतिस जिसी

 





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]