रोस टेलरको बिशाल शतकमा इंग्ल्याण्ड पराजित



  • विकेटनेपाल, फाल्गुन २३ – बुधबार

रोस टेलरले आफ्नो एकदिवसीय करियरको सर्बाधिक ठुलो पारि खेल्नेक्रममा अविजित १८१ रन बनाएपछि न्युजिल्याण्डले इंग्ल्याण्डबिरुद्द जारि एकदिवसीय सिरिजको चौथो खेलमा रोमान्चक जित हात पारेको छ ।

युनिभर्सिटी ओभलमा भएको चौथो खेलमा इंग्ल्याण्डले दिएको ३३६ रनको बिशाल लक्ष्य न्युजिल्याण्डले मात्र ५ विकेट गुमाएर ३ बल अगाबै पुरा गरेको छ । उसका लागि रोस टेलरले अविजित १८१ रनको पारि खेल्नेक्रममा १४७ बलमा १७ चौका र ६ छक्का प्रहार गरे ।

मात्र २ रनको स्कोरमा दुवै ओपनर गुमाएको न्युजिल्याण्डका लागि कप्तान केन विल्लियम्सनले ४५ रन बनाउंदै टेलरसँग मिलेर तेस्रो विकेटको लागि ८४ रनको साझेदारी गरे । त्यसपछि टोम लथामले चौथो विकेटको लागि ७१ रन बनाउंदै १८७ रनको साझेदारी गर्दै जितको आधार तय गरे । कोलिन डी ग्राण्डहोमले आक्रामक २३ रन तथा हेनरी निकोलसले बिजयी छक्का प्रहार गर्दै १३ रनमा अविजित रहे ।

इंग्ल्याण्डका लागि टोम कुर्रानले २ विकेट तथा मार्क वूड र क्रिस वोक्सले १/१ विकेट लिए ।

यसअघि टस हारेर पहिले ब्याटिंग गरेको इंग्ल्याण्डले ५० ओभरमा ९ विकेट गुमाउंदै ३३५ रनको बिशाल योगफल तयार पारेको थियो । उसका लागि जोन्नी बेयरिस्टोले १३८ रन तथा जेसन रोयले ४२ रन बनाउदै पहिलो विकेटको लागि ७७ रनको साझेदारी गरेका थिए । त्यसपछि जोए रुटले १०२ रनको पारि खेल्दै बेयरिस्टोसँग दोश्रो विकेटको लागि १९० रनको साझेदारी गरेका थिए ।

कुनै समय २६७/१ को अवस्थामा रहेको इंग्ल्याण्डले थप २१ रन जोड्दा ६ विकेट गुमाएको थियो । अन्तिममा टोम कुर्रान  ले विस्फोटक २२ रन प्रहार गर्दै स्कोर ३३५ रन सम्म पुर्याए । न्युजिल्याण्डका लागि आफ्नो करियरकै उत्कृस्ट बलिंग गर्नेक्रममा इश सोढ़ीले ५८ रन खर्चेर ४ विकेट लिए   भने ट्रेन्ट बोल्ट र कोलिन मुन्द्रोले समान २/२ विकेट हात पारे ।

खेलमा बिशाल शतक प्रहार गरेका रोस टेलर म्यान अफ द म्याच घोषित भए ।

जारि सिरिज अन्तर्गतको चौथो खेलमा न्युजिल्याण्डको जितसँगै सिरिज २-२ को बराबरीमा रहेको छ । सिरिज अन्तर्गत  को पाँचौ तथा अन्तिम खेल मार्च १० (शनिबार) तारिखमा हुने छ । त्यसपछि २ टेस्ट खेल पनि हुनेछन् ।





थप समाचार

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]