रोबिन क्षेत्रि चम्किंदा महाकालीको जित : आरपीएल टि-२०

Robeen Chhetri


फोटो फिचर : रोबिन क्षेत्री ( फाइल तस्बिर ) 

  • विकेटनेपाल-१९ असोज, शुक्रवार

रौतहटमा जारि रौतहट प्रिमियर लिग ( आरपीएल ) टि-२० अन्तर्गत शुक्रवार सम्पन्न समुह “डी” को खेलमा नेक्सस क्रिकेट एकेडेमीले गडीमाई क्रिकेट क्लबमाथी ४० रनको जित हात पारेको छ।

यस्तै शुक्रवारनै सम्पन्न समुह ‘बि’ तर्फको खेलमा रोबिन क्षेत्रिको उत्कृस्ट प्रदर्शनमा महाकाली क्रिकेट एकेडेमीले लायन्स क्लबमाथी ७० रनको फराकिलो जित हात पार्यो।

शनिवार हुने प्रतियोगिताको क्वार्टरफाइनल चरणको पहिलो खेलमा धनगढी क्रिकेट एकेडेमीले मलपोखरी क्रिकेट क्लबको सामाना गर्नेछ। यस्तै दिनकै दोस्रो खेलमा रौतहट ११-ले ओएसिस क्रिकेट एकेडेमीको सामना गर्नेछ।

हेमन्त थापाको किफायती बलिंगमा नेक्सस बिजयी :

दिनको पहिलो खेलमा नेक्सस क्रिकेट एकेडेमीले गडीमाई क्रिकेट क्लबमाथी ४० रनको सहज जित दर्ता गर्यो। नेक्ससलाई खेल जिताउन म्यान अफ द म्याच घोषित हेमन्त थापाले उत्कृस्ट प्रदर्शन गरे।

टस जित्दै पहिले ब्याटिंग गर्न उत्रिएको नेक्ससले निर्धारित २० ओभरमा १२५ रन जोड्न सबै १० विकेट गुमाएको थियो। उसको ब्याटिंगतर्फ अभियान बस्नेतले सर्वाधिक १९ रन तथा आशिम झाले व्यक्तिगत १८ रनको योगदान गरेका थिए। गडीमाईको बलिंगमा नितेश कुमार साहले ३ तथा शंकर पौडेलले २ विकेट चट्काएका थिए।

जवाफमा १२६ रनको सामान्य विजय लक्ष्य लिएर मैदान उत्रिएको गडीमाई मात्र १७.५ ओभरमा ८३ रनमा समेटिन पुग्यो। उसको चेजमा शंकर पौडेलले सर्वाधिक ४० रन जोडेपनि त्यो जितका लागि पर्याप्त रहेन।

नेक्ससलाई खेल जिताउन म्यान अफ द म्याच हेमन्त थापाले किफायती बलिंग गर्दै ३ विकेट (४-१-९-३) हात पारे। यस्तै अर्जुन गिरिले  समेत ३ विकेट (४-०-२१-३) चट्काए।

रोबिन क्षेत्रि चम्किंदा महाकालीको जित :

यस्तै दिनको दोस्रो खेलमा रोबिन क्षेत्रिले उत्कृस्ट प्रदर्शन गर्दै महाकाली क्रिकेट एकेडेमीलाई जित दिलाए। महाकालीले लायन्स क्लबलाई ७० रनको फराकिलो अन्तरले पराजित गर्न सफल भयो।

Robeen Chhetri
Robeen Chhetri ( File Photo )

टस जित्दै ब्याटिंग गरेको महकालीले निर्धारित २० ओभरमा ६ विकेट गुमाएर १२१ रन जोडेको थियो। महाकालीको ब्याटिंगमा शुबेन्दु पाण्डेले सर्वाधिक ४५ रन जोडेका थिए। ४५ बलको सामना गरेका उनले ६ चौका र १ छक्का प्रहार गरे। यस्तै रोबिन क्षेत्रिले १९ बलमा १ चौका र २ छक्का सहित अविजित २९ रनको योगदान गरे।

जवाफमा १२२ रनको विजय लक्ष्य लायन्स क्लबका लागि बिशाल साबित भयो। मात्र १२.२ ओभर ब्याटिंग गर्दा लायन्स क्लबले ५१ रनमा सबै १० विकेट गुमाउन पुग्यो। उसको इनिंगमा दिब्यान्शु मल्लिकले सर्वाधिक ९ रन तथा राहुल झाले ५ रन जोडे।

महाकालीलाई जिताउन अभिनाश बोहोराले सर्वाधिक ३ विकेट (३-०-५-३) हात पारे। यस्तै सुनिल सुनारले २ विकेट (३-०-११-२) तथा म्यान अफ द म्याच घोषित रोबिन क्षेत्रिले समान २ विकेट (२-०-११-२) चट्काए।

 

 





थप समाचार

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]