बटलर चम्किदा राजस्थानद्वारा चेन्नाई ७ विकेटले पराजित, चेन्नाई फेरी पुछारमा पुग्यो



युएईमा जारी १३ औं संस्करणको आईपिएल अन्तर्गत सोमबार ३७ औं खेलमा राजस्थान रोयल्सले चेन्नाई सुपर किंग्सलाई ७ विकेटले पराजित गर्दै उत्कृस्ट-४ पुग्ने सम्भावना जिवितै राखेको छ।

दुबई अन्तर्राष्ट्रिय स्टेडियममा सम्पन्न खेलमा चेन्नाईले दिएको १२६ रनको लक्ष्य राजस्थानले १७.३ ओभरमा मात्र ३ विकेट गुमाएर पछ्यायो।

लक्ष्य पछ्याउने क्रममा खराब सुरुवात गरेको राजस्थानले पहिलो ३ विकेट २८ रन बनाउदा गुमायो। ११ बलमा ३ चौका प्रहार गर्दै १९ रन बनाएका बेन स्टोक्सलाई दिपक चाहरले तेश्रो ओभरमा बोल्ड गरे। लगत्तै ओभरमा जोश हेजलवुडले रोबिन उथप्पा ( ४ रन ) लाई विकेटकिपर धोनीबाट क्याच आउट गराए। पाँचौ ओभरमा सन्जु स्यामसन खाता नखोली दिपक चाहरको दोश्रो शिकार बन्ने क्रममा धोनीबाट क्याच आउट भए।

चौथो विकेटको लागि कप्तान स्टिभ स्मिथ र जोस बटलरले उत्कृस्ट साझेदारी गर्दै टिमलाई जितसम्म पुर्याए।चौथो विकेटको लागि दुवैले अविजित ९८ रनको साझेदारी गरे।

बटलरले ४८ बलमा ७ चौका र २ छक्का प्रहार गर्दै ७० रन तथा स्मिथले ३४ बलमा २ चौका प्रहार गर्दै २६ रन बनाए। बटलरको जारि सिजन यो दोश्रो अर्धशतक हो।

चेन्नाईको बलिंगमा दिपक चाहरले सर्वाधिक २ विकेट लिए जुन क्रममा ४ ओभरमा १ मेडन ओभर गर्दै १८ रन खर्चिए। जोश हेजलवुडले १९ रन खर्चेर १ विकेट लिए। लेग स्पिनर पियुष चावला सबैभन्दा महँगो सावित हुने क्रममा ३ ओभरमा ३२ रन खर्चेर विकेटविहिन रहे। शार्दुल ठाकुर पनि विकेटविहिन रहंदा ४ ओभरमा ३४ रन खर्चिए।

चेन्नाईको ब्याटिंग 

टस जितेर ब्याटिंग गरेको चेन्नाईले २० ओभरमा ५ विकेट गुमाएर १२५ रन बनाएको थियो।

चेन्नाईको ब्याटिंगमा रभिन्द्र जडेजाले सर्वाधिक अविजित ३५ रन बनाए जुन क्रममा ३० बलमा ४ चौका प्रहार गरे। महेन्द्र सिंह धोनीले २८, स्याम करनले २२, अम्बाती रायडुले १३, फाफ डु प्लेसीले १० तथा शेन वाटसनले ८ रन बनाए। धोनीले चेन्नाई सुपर किंग्सको लागि ४ हजार रन पुरा गरे।

चेन्नाईको सुरुवात राम्रो हुन सकेन। ओपनर डु प्लेसीलाई तेश्रो ओभरमा आर्चरले क्याच आउट गराए। चौथो ओभरमा वाटसनकार्तिक त्यागिबाट क्याच आउट भए। त्यसपछि ओपनर स्याम करनले अम्बाती रायडुसंग २७ रनको साझेदारी गरे। नवौं ओभरमा करनलाई श्रेयस गोपालले क्याच आउट गराए। लगत्तै ओभरमा रायडुलाई राहुल तेवतियाले क्याच आउट गराए।

१० ओभरमा ५६/४ को अवस्थाबाट कप्तान धोनी र रभिन्द्र जडेजाले अर्धशतकीय साझेदारी गर्दै टिमक योगफल १०० पार गराए। १८ औं ओभरमा २ रन लिने क्रममा धोनीलाई आर्चरले रन आउट गरे। त्यसपछि जडेजाले केदार जाधबसंग १८ रनको साझेदारी गर्दै अविजित रहे।चेन्नाईले अन्तिम ५ ओभरमा १ विकेट मात्र गुमाएता पनि मात्र ३६ रन बनाउन सक्यो।

राजस्थानको बलिंगमा जोफ्रा आर्चर ( ४-०-२०-१ ) , कार्तिक त्यागि ( ४-०-३५-१ ) ,श्रेयस गोपाल ( ४-०-१४-१ ) र राहुल तेवतिया ( ४-०-१८-१ ) ले समान १ विकेट लिए। बेन स्टोक्स ( ३-०-२७-० ) विकेटविहिन रहे।

अंकतालिका र आगामी खेल 

जितपछि राजस्थान अन्तिम स्थानबाट उक्लदै ८ अंक सहित पाँचौ स्थानमा पुगेको छ। १० खेल खेल्दा राजस्थानले ४ जित र ६ हार रहेको छ।

हारपछि चेन्नाई भने पुनः अंकतालिकामा पुछारमा पुगेको छ जसले १० खेलमा ३ जित र ७ हार बेहोरीसकेको छ। समान ६ अंक रहेता पनि हैदरावाद र पन्जाब नेट रन रेटमा अघि रहँदै छैठौं र सातौँ स्थानमा रहेको छ।

लिग अन्तर्गत चेन्नाईले आगामी खेल मुम्बई बिरुद्ध शुक्रबार तथा राजस्थानले हैदरावाद बिरुद्ध बिहिबार खेल्ने तालिका रहेको छ। मंगलबारको खेलमा किंग्स-११ पन्जाब र दिल्ली क्यापिटल्सले प्रतिस्पर्धा गर्नेछन्।

IPL : अमित मिश्राको स्थानमा दिल्लीले भित्र्यायो अर्को लेग स्पिनर

“शामी ६ वटै बल योरकर गर्नेमा स्पस्ट थिए” पन्जाब कप्तान राहुल

आईपीएल इतिहासमै पहिलो पटक एकै दिन ३ वटा सुपर ओभर

IPL : सिजनमा ५ सय रन पुरा गर्दै राहुलले बनाए ठूलो कीर्तिमान





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]