पटेल, स्टोइनिस र अलिले रन बनाउंदा बेंगलोरले जोड्यो १५८ रन

Parthiv Patel, Marcus Stoinis


  •  विकेटनेपाल – १९ चैत्र, मंगलवार 

पार्थिव पटेलले सानदार ब्याटिंग गर्दै ६७ रनको इनिंग खेलेपछि इन्डियन प्रिमियर लिग ( आइपिएल ) क्रिकेटको बाह्रौं संस्करणको १४ औं खेलमा रोयल च्यालेन्जर्स बेंगलोरको राजस्थान रोयल्सलाई १५९ रनको लक्ष्य प्रस्तुत गरेको छ।

राजस्थानको घरेलु मैदान सबाइमान सिंह स्टेडियममा टस हारेर ब्याटिंगको निम्तो पाएको बेंगलोरको निर्धारित २० ओभरमा ४ विकेट गुमाएर १५८ रन जोड्न सफल भयो। उसका पार्थिव पटेलले सर्वाधिक ६७ रनको योगदान गरे। यस्तै मार्कस स्टोइनिसले अविजित ३१, विराट कोहलीले २३ र मोइन अलिले अविजित १८ रन जोड्न सफल रहे।

पहिलो विकेटका लागि कप्तान कोहली र पार्थिव पटेलले ४९ रनको साझेदारी गर्दा बेंगलोरले राम्रो सुरुवात पायो। सातौँ ओभरको तेस्रो बलमा श्रेयस गोपालको गुग्लिमा बोल्ड भएका कोहलीले २५ बलमा ३ चौका सहित २३ रन जोडे। कोहलीको विकेट पश्चात बेंगलोरका ब्याट्सम्यानले गोपालको लेग स्पिन बुझ्न सकेनन्।

Shreyas Gopal
Shreyas Gopal

कोहली लगत्तै एबी डीभिलियर्स १३ रन बनाएर गोपालको हातबाट कट एण्ड बोल्ड हुन पुगे। बेंगलोरको स्थितिलाई थप खराब बनाउन गोपालले एघारौँ ओभरको पहिलो बलमा १ रन जोडेका शिम्रोन हेट्माएरलाई समेत विकेटकिपर जस् बट्लरको हातबाट क्याच आउट गराए।

त्यसपश्चात भने बेंगलोरको इनिंग उकास्ने क्रममा पार्थिव पटेल र मार्कस स्टोइनिसले चौथो विकेटका लागि ५३ रनको साझेदारी गरे। ४१ बलमा ९ चौका र १ छक्का सहित ६७ रन जोडेका पटेल अठारौँ ओभरको दोस्रो बलमा छक्का प्रहार गर्ने कोसिसमा जोफ्रा आर्चरको शिकार बने।

पटेलको विकेट पश्चात ब्याटिंग गर्न उत्रिएका मोइन अलि र क्रिजमा सेट रहेका मार्कस स्टोइनिशले इनिंगको अन्त्यतर्फ ठूला सट प्रहार गर्दै बेंगलोरलाई १५८ रनको अवस्थामा पुर्याए। अलिले ९ बलमा २ चौका र १ छक्का सहित १८ रन जोड्दा स्टोइनिसले २८ बलमा २ चौका र १ छक्का सहित ३१ रन जोडे।

Moin Ali, Marcus Stoinis
Moin Ali, Marcus Stoinis

राजस्थानको बलिङ्गमा श्रेयस गोपालले ४ ओभरमा मात्र १२ रन खर्चेर कोहली, डीभिलियर्स र हेट्माएरको ठूलो विकेट हात पारे। यस्तै जोफ्रा आर्चरको नाममा १ विकेट रह्यो।

प्रतियोगितामा दुवै टोलीले समान ३-३ खेल्दा दुवै टोली सबै खेलमा पराजित बन्दै अंकबिहिन रहेका छन्।

Photos : IPL





थप समाचार

T20WC : पाकिस्तानले टस जित्यो, भारत ब्याटिंग गर्दै ( दुवै टिमको अन्तिम-११ )

युएईमा जारी टि-ट्वान्टी विश्वकपको सुपर-१२ चरण अन्तर्गत समुह ‘२’ अन्तर्गतको खेलमा चिर प्रतिद्वन्द्वी भारत र पाकिस्तान प्रतिस्पर्धा गर्दैछन्। खेलमा पाकिस्तानले […]

T20WC : श्रीलंकाद्वारा बंगलादेश पराजित, असलंका र राजापक्षेको उत्कृस्ट साझेदारी

बंगलादेशलाई ५ विकेटले पराजित गर्दै श्रीलंकाले टि-ट्वान्टी विश्वकपको सुपर-१२ चरणको समुह ‘१’ अन्तर्गतको आफ्नो पहिलो खेलमा विजयी सुरुवात गरेको छ। […]

T20WC : भारत र पाकिस्तानको भेट, दुवै टिमको कमजोर र बलियो पक्ष

क्रिकेट फ्यानहरुको लामो प्रतीक्षा समाप्त भएको छ। लामो पर्खाइ पछि विश्वक्रिकेटका चिर प्रतिद्वन्द्वी भारत र पाकिस्तान आमने-सामने हुँदैछन्। युएईको दुबई […]

T20 World Cup : आज दुई खेल हुँदै, ४ एशियाली टोलि बीच प्रतिस्पर्धा

युएईमा जारी टि-ट्वान्टी विश्वकपको सुपर-१२ चरण अन्तर्गत आज आइतबार समुह ‘२’ अन्तर्गत दुई खेल हुँदैछन् जसमा ४ दक्षिण एशियाली राष्ट्रहरु […]

निराशाजनक सुरुवात पछि वेस्टइन्डिज कप्तान पोलार्डले भने – “यो प्रदर्शन स्वीकार्य छैन”

प्रतियोगिताको पहिलो खेलमा इंग्ल्यान्डसंग लज्जास्पद प्रदर्शन गरेपछि वेस्टइन्डिज कप्तान काईरन पोलार्डले टिमको प्रदर्शन स्वीकार्य नभएको बताएका छन्। युएईको दुबई अन्तर्राष्ट्रिय […]

T20WC : वेस्टइन्डिज बिरुद्ध इंग्ल्यान्डको कीर्तिमानी जित

डिफेन्डिङ च्याम्पियन वेस्टइन्डिजलाई ६ विकेटले पराजित गर्दै इंग्ल्यान्डले टि-२० विश्वकप २०२१ मा विजयी सुरुवात गरेको छ। समुह ‘१’ अन्तर्गतनै आजै […]