चहलको उत्कृस्ट बलिंग, राजस्थानद्वारा बैंगलोरलाई १५५ रनको लक्ष्य



आईपीएल २०२० अन्तर्गत १५ औं खेलमा बिराट कोहली कप्तानीको रोयल च्यालेन्जर्स बैंगलोर र स्टिभ स्मिथ कप्तानीको राजस्थान रोयल्सले प्रतिस्पर्धा गरिरहेका छन्।

खेलमा टस जितेर ब्याटिंग रोजेको राजस्थानले २० ओभरमा ६ विकेट गुमाएर १५४ रन बनाउदै बैंगलोरलाई १५५ रनको लक्ष्य प्रस्तुत गरेको छ।

राजस्थानको लागि सिजनको पहिलो खेल खेलीरहेका महिपाल लोमरोरले सर्वाधिक ४७ रन बनाए। ३९ बलमा उनले १ चौका र ३ छक्का हिर्काए। राहुल तेवतियाले अविजित २४, जोस बटलरले २२, रोबिन उथप्पाले १७, जोफ्रा आर्चर र रियान परागले समान १६ रन बनाए।

सन्जु स्यामसनको क्याच लिंदै चहल

राजस्थानको सुरुवात अत्यन्त खराब रह्यो। पहिलो विकेटको लागि जोस बटलर र कप्तान स्मिथले २७ रनको साझेदारी गरेपछि तेश्रो ओभरमा इशुरु उडानाले स्मिथलाई ( ५ रन ) बोल्ड गर्दै सफलता दिलाए। १२ बलमा ३ चौका र १ छक्का मद्दतले २२ रन बनाएका बटलर लगत्तै ओभरमा नभदिप सैनीबाट स्लिपमा समातिए। लगत्तै ओभरमा युजभेन्द्र चहलले सन्जु स्यामसनलाई ( ४ रन ) आफैले क्याच समातेर पेभेलियन फर्काए।

३१/३ को अवस्थाबाट रोबिन उथप्पा र यो सिजन पहिलो पटक मौका पाएका महिपाल लोमरोरले ३९ रनको साझेदारी गरे। ११ औं ओभरमा चहलले २२ बलमा १७ रन बनाएका उथप्पालाई उडानाबाट लंग-अफमा क्याच आउट गराए। पाँचौ विकेटको लागि लोमरोरले रियान परागसग ३५ रनको साझेदारी गरे। १८ बलमा १६ रन बनाएर गर्ग उडानाको बलमा फिन्चबाट क्याच आउट भए।

४७ रन बनाएका महिपाललाई १७ औं ओभरमा चहलले क्याच आउट गराउदै तेश्रो शिकार बनाए। उनले ३९ बलमा १ चौका र ३ छक्का प्रहार गरे।

सातौँ विकेटको लागि राहुल तेवतिया र जोफ्रा आर्चरले आक्रामक ब्याटिंग गर्दै टिमको योगफल १५० पार गराए। तेवतियाले अन्तिम ओभरमा नभदिपसैनीलाई लगातार २ छक्का हिर्काए।

तेवतियाले अविजित २४ रन बनाए जुन क्रममा १२ बलमा ३ छक्का प्रहार गरे। आर्चरले १० बलमा १ चौका र १ छक्का मद्दतले १६ रन बनाए। दुवैले २१ बलमा ४० रनको अविजित साझेदारी गरे।

सिजनमा पहिलो पटक मौका पाएका महिपालले सर्वाधिक ४७ रन बनाए

बैंगलोरको बलिंगमा लेग स्पिनर युजभेन्द्र चहलले सर्वाधिक ३ विकेट लिए जुन क्रममा ४ ओभरमा २४ रन खर्चिए। इसुरु उडानाले २ ( ४-०-४१-२ ) तथा नभदिप सैनीले १ ( ४-१-३७-१ ) विकेट लिए।  वासिंगटन सुन्दर ( ४-०-२०-० ) , एडम जाम्पा ( ३-०-२७-० ) विकेटविहिन रहे।

३ विकेट लिएसंगै विकेट संख्या ८ पुर्याएर चहल मोहम्मद शामीलाई पछि पार्दै  उनले पर्पल क्याप नाम गरेका छन्। ८ विकेटनै लिएता पनि शामी भन्दा चहलको एभरेज राम्रो रहेको छ।

दुवै टिमले हालसम्म ३ खेल खेल्दा २ जित र १ हार बेहोरेका छन्। नेट रन रेटमा अघि रहँदै राजस्थान पाचौं तथा बैंगलोर छैठौं स्थानमा रहेको छ। पछिल्लो खेलमा बैंगलोरले सुपर ओभरमा मुम्बई इन्डीएन्सलाई पराजित गरेको थियो। राजस्थानले पहिलो २ खेलमा चेन्नाई र पन्जाबलाई पराजित गरेपछि तेश्रो खेलमा राजस्थान कोलकातासंग निराश बन्नुपरेको थियो।

आईपीएल खेल्न युएई उडे स्टोक्स, को संग खेल्ने छन् पहिलो खेल

टि-२० क्रिकेट सुधार गर्न शेन वार्नले दिए ३ सुझाव

IPL : ताजा अंकतालिका, अरेन्ज र पर्पल क्याप लिडरबोर्ड

चेन्नाईको लगातार तेश्रो हारपछि धोनीले के भने





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]